الفالح هل تسمح لي بالاستفاده؟

[علي فلاح العضياني]

تعرف حبيب و ملفي و مستور و رشيد=كل شاعر من هذولا رفيعٍ مستواه
يالعطاوي تعرف انّا نعيّد كل عيد=و قول بسم الله وأكبر من شروط الذّكاه

[معجب العتيبي]

سارح البال

العضياني علي حط اله قصرٍ جديـد=حط اله قصرٍ جديدٍ ورا (البركه) بناه
واشغل العمال دايم يعذرب فالحديـد=واصبح العامل يعذرب ردا حظٍ رماه

الفالح

العضياني علي ... منه تقدر تستفيد=كان لك يا صاحبي قلبٍ يحفظ الوصاه
المهمّ انّي يا معجب ماني رايح بعيد=عن محلّ يكرم الضيف و يذرّي ذراه

سارح البال

وين نلقى الفايده وانت عمالك تزيـد=واشغلوك وكل عامل يوصي لزمـلاه
انت حاظر بالجسد ياعسى عمرك مديد=لكن القلب ابتعد لاتـزوّد فـي عنـاه

الفالح

والله انّا ما نقابلـك بالمـدّ الزهيـد=واجب الانسان يعطي لامنّ الله عطاه
لا تعاندني تراني عمى عين العنيـد=انقز الموضوع هذا وهات اللي وراه

سارح البال

صاحبي ياصاحبـي لاتكـر ولاتعيـد=وضعكم معروف يافلان يامـال الغنـاه
لاتهدد ياعلي فـي شواريـد القصيـد=مقصدتي ثابت ولو جيت باسلوبك هذاه

الفالح

تعرف حبيب و ملفي و مستور و رشيد=كل شاعر من هـذولا رفيـعٍ مستـواه
يالعطاوي تعرف انّا نعيّـد كـل عيـد=و قول بسم الله وأكبر من شروط الذّكاه

التوقيع

[معجب العتيبي]

انت عديت الاسامي حشا منته بليد=لكن اسمك ياعلي ماظهر قل وش بلاه
عيدكم جبتوه ياصاحبي عبدالمجيد=بس كيف تعيدون وتكبون الصلاه

[حمد بن جوباح]

.
..

يا سلام يا سلام

نقض وفتل شعار كبار

والعناد واضح

صحت ألسنتكم يا أساتذه

والليل الليل

متابع

.
.
.














تحياتي لكمـ ،،

[نايف بن ملحق الثعلي]

بيض الله وجيهكم ياشعار مبدعين

التوقيع

ما هوب لازم توقيع00

[معجب العتيبي]

حمد بن جوباح
شرفنا مرورك ياغالي

نايف الروقي حياك الله ياغالي وصح بدنك

[ولد عاضي511]

معجب العتيبي صح لسانك


على العضياني صح لسانك

[علي فلاح العضياني]

الرساله جتك بالعلم مع ساع البريد=افهمه مضبوط واعرف لوجهه من قفاه
القديمي حدّها فوق حلقك والوريد=لا تحوّل فالبحر ما معك سترة نجاه

التوقيع

(( رأس الحكمه مخافة الله ))

[معجب العتيبي]

الرسايل جات من غير طابع يا وليد=والمراسل ليت ربي عن الغلطه هداه
صاحبك ياصاحبي فالبحر يعرف يصيد=يلبس الستره ردي السباحه في صباه