صقرالمهد=
سلام الله عليكم والذهب مايرتفـع سوقـه=سوى للي يصيغون الذهب وللي على بالي
انا اشوف السحاب اللي تزبر لاحت بروقه=ولكن سيله الجارف على البدوان ماسالـي
معجب العتيبي=
هـلا يامرحبـا ياشاعـرٍ كلمتـك محروقـه=ترا من طب في سوق الذهب قال الذهب غالي
ليا غنيت الك مـوال هـات العلـم فطروقـه=قبل لاياخذك سيلٍ تشوفـه فالخـلا الخالـي
صقرالمهد=
يدوم ابك البقا ياشاعرن ماضاعـت احقوقـه=ليا من ضاعت حقوق الاوادم غصب واذلالي
ترى نور الصباح اللي غمركم كامل اشروقه=بعد فتره من اشراقه تـدور فـي وضلالـي
معجب العتيبي=
دروب العرف معروفه دروب العز مطروقه=ورجلٍ يحتمي حقه ترا ماضـاع يالغالـي
ترا ليل الصباح يمربه ليلٍ يجـي فوقـه=يغطي نوره المشرق ويخفي نجمه العالـي
صقرالمهد=
ترى فرق السنافي للردي معروفـه افروقـه=وتلقا من صنوف الناس خمس الوان واشكالي
يبيعون العسل صافي وفي علبات مسروقـه=وفي علبات مسروقه لذيذ ابطعمـه الحالـي
معجب العتيبي=
ترا طبع الردي تمشي رداته داخل عروقه=وتلقى داخله وحده ثمان ان اشكال وازوالي
يعرض البيض قدامك وياكل منه ويذوقـه=ويخلط معه بيضٍ من قديم الوقت..محتالي
صقرالمهد=
لون نفسك يامعجب من رحم الابداع مخلوقه=ماتقدر تمسك خطام الجمل شيـال الاثقالـي
لاتحسبنا صخاف جنوب وادماء وجه مدفوقه=لكنا موج بحر يصطفق من جال لي جالـي
م
عجب العتيبي=
ترا طبع الردي تمشي رداته داخل عروقه=وتلقى داخله وحده ثمان ان اشكال وازوالي
يعرض البيض قدامك وياكل منه ويذوقـه=ويخلط معه بيضٍ من قديم الوقت..محتالي
صقرالمهد=
ترى بيت النحل فيه العسل يامكثر اخروقـه=ولك لقمه ولي لقمه وحالك ماهـو بحالـي
اذا شفت الشجر يابس قشعته غصب بعروقه=واشب النار في جرمه وازين فوقه ادلالـي
معجب العتيبي=
ترا بيوت الكرم ياصاحبي ماهي بملحوقـه=ولامن جيت لبيوت النحل حالك ماهو حالي
ليا شبيت نارك من طرف جثتك محروقـه=وتصبح دلتك ياصاحبي فالنار والصالـي
صقرالمهد=
يقولون العرب ينبي عن الرجـال منطوقـه=وانا اعرف مرة الرجال لوانـه يتحلوالـي
احب السابق اللي في اللزز ماهي بمسبوقه=واحب ابيع واشري واكسر السومات بريالي
ياسلام عليكم مبدعين
صحت الالسن والقلوب
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
04-Apr-2008, 01:29 AM
العرض العادي
