ماجد الرويس
ياسلامي سلامً فيه حشمة وقيمة=حشمةً للرجال وقيمةً للمكاني
يابن منعر تقدم والظماير سليمة=بيننا سالفه يالصّاحب القلباني
مقعد الدغيلبي
مرحبا يالعتيبي من هجوسٍ كريمه=ردةٍ ماتغير لو يشين الزماني
ليه تضلم زميلك يابناخي حليمه=انتبه وانت اعدك واحداً من خواني
ماجد الرويس
البقا يالصحيب اللي يذب الخريمة=راح وقتك يامقعد من مكان لآ مكاني
انت غالي ولا نرضى عليك الظليمة=مير فيك انقلابة ياعريب المجاني
مقعد الدغيلبي
مالحقنا شكوك ولاعلينا هزيمه=وانت لو اقربك خابرك منتب تداني
كل طقه ياماجد من بعدها اتعليمه=وانت مافاد فيك الطق يامودماني
ماجد الرويس
لو تقرب ترى فيك ارتكبنا جريمة=ماتحمل يامقعد كلمةً من لساني
كثرت الظرب فالميت حرام وذميمة=ماتفيد المطارق فيك والخيزراني
مقعد الدغيلبي
عام الاول قرص رجلك حديب الهشيمه=واخر الوقت ناشك قرصة العقرباني
المذله تراها في عيون البهيمه=والشجاعه تحصل في عيون الحصاني
ماجد الرويس
كيف تكذب يامقعد مير هاذي قديمة=مير ذا الليل مقد شاعرً بهلوني
قسمنا في سنام العز بيتً وخيمة=في نصيبي تبا تطمع طوال الاذاني
مقعد الدغيلبي
ماتشوف الهدف مادام عينك كريمه=خابر إنك تعاني واعرف أنك تعاني
قسمكم يالرويس اخذت فوقه قسيمه=ياكبارالبطون وياقصار اليماني
ماجد الرويس
عودت عاقبتها فوق راسك وخيمة=وعودت يالغّليم عشّركم للثماني
والله انا مانهظم حق بنتً يتيمة=ياوساع المناخر ياطوال اللساني
« آخـــر الـــمـــشـــاركــــات »
10-May-2008, 01:30 AM
العرض العادي
