يا الله يا للي جعلت النار بـرد وسـلام .. على نبيك خليلك يا لرءوف الرحـيم

[حمود غنام المرزوقي]

قصيدة المسابقة ( سلامة سلطان ) الشعريّه الكبرى

يا الله يا للي جعلت النار بـرد وسـلام = على نبيك خليلك يا لرءوف الرحـيم
يامنزل الغيث بأمرك من صدوق الغمام = يا سامع(ن) دعوة المحتاج وأنت الكريم
يارب تحفظ لنا دار الكـرم والكـرام = دار(ن) بها قام شرع الله بنهج(ن) قويم
دار(ن) بناها لنا عبد العـزيز الإمـام = بالسنة المجـرهدة والكـتاب الحـكيم
واليوم في حكم أبو متعب قوي الحـزام = الحاكم العادل الصـادق حكيم(ن) حليم
وولـي عهده أبو خالد رفـيع المقـام = سلطان ريف الضعيف وشوكة(ن) للخصيم
سلطان صقر(ن) ليا منه كفـخ ثم حام = سوات حر(ن) عديم(ن) مايشابه عـديم
شهم(ن) يضيم الخصيم وجانبه ما يضام = قائد جيوش الوطن في خطه المستقيم
الله يشفيه من كـل العـلـل والسقـام = حتى يعود متعافي ما بقى فيه ضـيم
يا الله تقبل دعاء اللي يوم صلا وصـام = رفع يدينه تضرع يطلبك يا عظـيم
تكسيه ثوب العـوافي عام من بعد عام = ويبقى سنين(ن) طويلة مستصح(ن) سليم
سلطـان ما يشبهه ياكود بـدر التمـام = الله عطا الناس حبه من زمان(ن) قديم
دائم وأبو خالد الحصن القـوي بانتظام = لين مع أهل الظروف وفي المواقف زعيم
أنا أشهد انه سوات النور يجلى الظـلام = خيره بعد خير رب البيت دائم مقـيم
يا ما تكفـل بناس(ن) ما شملها النظـام = يــداً تمد الفقير ويد تكفـل يتــيم

حمود غنام المرزوقي