انا اشوف الجذع تال الليالي مختلف بالحيل

[علي فلاح العضياني]

هجدك الله هجاد اللي غزو مكه بعام الفيل=ترى هدّاج راهي ماه طول الوقت ما يافي
انا جبت العلوم الواقعيّه موجز وتفصيل=على شان الغبي يفهم ويا ستر الله الضافي

التوقيع

(( رأس الحكمه مخافة الله ))

[سلطان الجـذع]

عوافي يالعضياني والا ياويلكم بالويل =ترى الرحلة طويلة والركاب هزال وضعافي
يادكان المحاني لو عرضك الشيخ للتقبيل =يبي يطمعك غير معمر القذاف قذافي

[نادر العش]

..




الله على الرديّة .. الله على الرديّة ..



أبدعت ياسلطان كعادتك .. ما انت بسهل ...

والصف ازهله ( مروّسين .. مشكلين .. مدربين .. كل متطلبات الصف ....... إلخ ).




ولاهان الفالح (قد الإشراف) .. شاعر متميز ..



واصلوا ....







.

[علي فلاح العضياني]

اجل ما دامت اركابك ضعيفه لازم التبديل=ابا اشيّب رموشك قبل معك اشيّب القافي
ابا اقبّلك يا بسطة عفيف لمن يبا تدخيل=وانا راكب ذلولي وانت روح اركب على هافي

[سلطان الجـذع]

عليه بالحرام انك بعد علمك هذاه خبيل =واظن اللي يورى بك على تال الزمن عافي
وألا ياللي حذفت القرش الاسود في طريق الريل =على دربه على دربه ولايدري ولاشافي

آخر تعديل سلطان الجـذع يوم 22-May-2007 في 02:24 AM.

[سلطان الجـذع]

نادر العش

اسعدني مرورك كثيرا


بيض الله وجهك

يالغالي

[علي فلاح العضياني]

انا اشوفك تضلل وش تبا يا اخوي بالتضليل=وانا ماني خبل ربعي قضاة حقوق عرّافي
ليا منّه وزا ذيب الغداري في جبال هذيل=يجيك ذياب بكره تعتلي في كل مشرافي

[الجـذع]

الله الله

اللعب صار قذايف مدفع وهاون

...

لكن ماعليك ياسلطان ماسك صفك وعاصب العمه

...

الشاعر المبدع الفالح ازهم على مصاول يمسك الصف

[كبتن عتيبه]

صحت السنتكم


متابعين

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[سلطان الجـذع]

على طاري المحاني نكثر التكبير والتهليل =لو أنا مانخدعنا في ثياب بيض ونظافي
قطعتوا ميل واحد بس باقي 500 ميل =متى تتاصلوا بحر الخليج وحد الاسيافي

آخر تعديل سلطان الجـذع يوم 22-May-2007 في 02:59 AM.