سلطان الجذع اقرررررب جااااي

[سلطان الجـذع]

اذكر وشاعر ثقيف المحترم ويش قال ؟؟؟=ماهي غريبه لو ان امانته خانها
ان كان هبت صبا وان كان هبت شمال =الاوله شاننا ياصاحبي شانها

[ابو لمار]

اسطورة الجذع هذي صدق ولاخيال = اسطورة(ن) ماعرفنا وين عنوانها
نسمع كلام وحكي لكن وين الفعال = يالجذع مال المعارك غير فرسانها

آخر تعديل ابو لمار يوم 09-Apr-2008 في 04:07 PM.

[سلطان الجـذع]

الناقصه ماهي بمكسب ولا رأس مال =لكن ليتك مخليها بدكانها
اطيعني لاتسولف فالعلوم الهزال =يامشعل النار لايعميك دخانها

[ابو لمار]

ماجاك من عندنا غير الوفا والكمال = ياشاعر(ن) شاف فاضيها ومليانها
ياصاحبي خل مشيك في السوالف عدال = لاتهدم البنيه اللي فوق سيسانها

[سلطان الجـذع]

اللي بليا رجل وش لون تنجب عيال =ياللي كتبت الرساله شوف عنوانها
شاعر ودمك خفيّف مثل دم الغزال =الصبح تضحك بك الشعار فالحانها

[ابو لمار]

كل(ن) يرى الناس في طبعه على كل حال = والنفس لاتستمع وسواس شيطانها
وانته خفيّف عقل تبغى تناطح جبال = من بعد غنت لك العمه بقيفانها

[علي الثبيتي]

المشاركة الأصلية كتبت بواسطة ابو لمار

كل(ن) يرى الناس في طبعه على كل حال = والنفس لاتستمع وسواس شيطانها
وانته خفيّف عقل تبغى تناطح جبال = من بعد غنت لك العمه بقيفانها

الله الله
صح لسان ابو لمار
وصح لسان الاسطوره

التوقيع

ماني بلا روقي ولا برقاوي = انا ثبيتي جد روق وبرقا

[ابو لمار]

ارررررحب يابو فهد

نوّرت المتصفح

وصح بدنك

والله لايهينك على المرور

[سلطان الجـذع]

ماجاك من ربعك الا فال بعده عقال =ليتك تلف الجنازه داخل اكفانها
غنت لي العمه اللي ماوراها رجال =لكن شرهة عتيبه فوق جيرانها

ابو لمار شرفتنا بحضورك فالهيلا وزادنا شرف اللعب معك

صح لسانكـ ملايين والى اللقاء في حلقات قادمه

[ابو لمار]

سلطان الجذع

بيض الله وجهك

والشرف لي طال عمرك


وصح لسانك واعتلى شانك




تحيااااتي لك