ناصر الجلاه
قم ياخليفه نبى نسري ومسرى الذيب مهجاد=لكن تبغى جنوب الدار وألا فالشمالي !!
نجمين كانت دليله للعرب من فوق الارصاد=واليوم راحت وهفت مالها ذكرٍ يقالي !!
خليفة مطلق
قمنا وقام السعد والنور بعد الصبح ينقاد=لكن كب السهل ياصاحبي وارق الجبالي
الجدي وسهيل ياناصر بداّ في روس الاشهاد=يجهل بها اعمى البصر ياصاحبي هي والهلالي
ناصر الجلاه
مافاد فيك المجامل والوفاء مافاد مافاد=ارق الجبل ياجمل والحمل للظهور الجمالي !!
يالله ترد الخلف وألا انت ياسرداد مرداد=ذقت المراره ونستك المراره كل حالي !!
خليفة مطلق
ياخبل من قال انا للثور عنتر ولد شداد=مالك ومال المجامل حد سيفك للقتالي
انا زماني مضريني على الامرار في الزاد=والا الحلاوه مخليها لكم يااصغرياعيالي
ناصر الجلاه
العامريه لها فالوقت حلمٍ شاع بالراد=وانته مجدد لحلم العامريه فالليالي !!
لا ياخليفه تراوغ قدمنا وش عاد وش عاد=رجلك على النار لاتحداك .. طعني وأنت غالي !!
خليفة مطلق
العامريه مهرها في يدي ياذخر الاجواد=يوم اكثر الناس ماعنده جنيه ولاريالي
انته سياسي وانا سيفي عليه قراب وغماد=مانيب حاسيه ياناصر لابن عمي وخالي
ناصر الجلاه
هباد ظلما نعرفه زين منته مثل هباد= كب التسرع وميز فالحرام امن الحلالي !!
ياكامل العقل ياللي لابسٍ لك ثوب ماباد=علم جواهيل خلق الله بعد كبر المجالي !!
خليفة مطلق
ماني مصاقط دريول موترٍ من غير عداد=امسك يمين الطريق اللي يودي للمعالي
كثرت علوم العرب مابين نشّادٍ وحسّاد=وان طاب بالك من اهروج العرب ماطاب بالي
ناصر الجلاه
وشلون ابسمع كلامك واجتنب عن قول الاجداد=فيك التطبع وفالك شين ماهو مثل فالي !!
حامد تحلم وفسر حلم حامد ولد حماد=يابلشت أهل المعرفه فالاثنين اللي قبالي !!
خليفة مطلق
وصاك جدك وورّث لك عقال وبشت وشداد= لكن بدلت هذي كل ابوها بالبدالي
حامد تحلم وحلمه فسره ضباط وافراد=واللي بعينه يلد يخل في عينه خلالي
ناصر الجلاه
ورثت موروث عز .. وفخر .. زايد مجد وأمجاد=الضيف يلقا كرم وألا العدو يصلاه صالي !!
ياوارد العد جم العد كم يارده وراد=((احفظ حقوقك)) ولابه خير في كثر الجدالي !!
« آخـــر الـــمـــشـــاركــــات »
17-Jul-2008, 01:15 AM
العرض العادي
