على طاري مزاين ام رقيبه
يذكرني بقصيدة رد ثناء وشكر مني لسيدي صاحب السمو الملكي الامير محمد بن عبد الرحمن بن عبد العزيز حفظه الله بمناسبة دعمه السخي لمزاين عتيبه الهيلا يطول عمره سيدي صاحب مواقف وله افضال عليه وعلى القبيله علما انني القيتها ايام المزاين في احد المحافل ولاكن اتمنى ان تنال اعجاب الجميع
الله يعزك يالأمير ابن الأمير ابن الملوك =ياللي على حكم الشريعة تحكمون المملكة
ياكاسب الناموس من جدك وعمانك وابوك = وفيك الكرم ياسيدي من دون غيرك تملكه
نخيل فيك إلنا دفا ياسعد منهم خايلوك =واللي غبطك بغير هذا جعل ربي يهلكه
لنك حفيد اللي حكمها من شرورة لا تبوك =والغرب من جده ليا حد الخليجي مسلكه
ساق الركايب لين خلاهن مع المضوى بروك =يالين شربك من طمع في حكم جده شربكه
غامر على حكم الجزيرة يوم اهو يحمل اصكوك =مرتاح في دنياه يالينه جلس في مصمكه
وبوك يبقى فخرنا دايم وله عزن وصوك =فيه الصرامة من نصاه بعلم كايد يدركه
من هيبته في مجلسه يعض برطمه الضحوك = عنيد دون الحق ماعنده إمجامل ودبكة
وانته سندنا فخرنا ملاذ للي يرتجوك= ريف لنا دون الجواري والسبن المنهكه
ياراعي الفزعات ماتبغى على الفزعة حنوك =حنك ابوك اللي صطر عبد العزيز إمحنكه
من فزعتك كل القبيلة فالقناوات إشكروك =وانا هجوسي من فرح فزعتك سوت معركة
هذا شكر من شاعرك شكرن بعيد عن الشكوك =مدتك جزله للخوال ولجلها البيت اسبكه
مقصد بها شهرة ولا دور رصيدن في البنوك =إلا وفا لك من وفاك اوفي قصيدي واحبكه
ويجرني سلك الحرير اللي مهو مثل السلوك =وأغوص في بحر القوافي واشبك الجزل أشبكه
واتعب على جمع المعاني واجعل البيت إمحبوك =مالي هدف يكود في عينك يجي فيه إبركه
نخيل فيك إلنا دفا ياسعد منهم خايلوك =واللي غبطك بغير هذا جعل ربي يهلكه
« آخـــر الـــمـــشـــاركــــات »
23-Mar-2010, 02:17 PM
قصيدة شكر لسيدي صاحب السمو الملكي الامير محمد بن عبد الرحمن بن عبد العزيز حفظه الله
العرض العادي
