مجاراة قصيدة عبدالله بن عون

[محمد البرقاوي .]

اخواني السلام عليكم ورحمة الله وبركاته

اتشرف بأنظمامي لهذا الصرح الشامخ واليكم الجديد

قصيدة عبدالله بن عون

عسيبٍ عليه الراعبيـه تجـر الصـوت=وتهـزّه ليـا منـه ركـد بلتفاتتهـا
تجر الونين لحالها والحمـام اسكـوت=يـا سمعهـا راع الولـع ون ونتهـا
تخفف بجر الصوت عن صدرها المكبوت=وانا صرت من بـد الأوادم ضحيتهـا
تحرك جهاز امولع القلـب بالريمـوت=وتجر المشاعر ليـن تعطـي جريرتهـا
غريبٍ لحنها مايباعـد لحـن بخـوت=عليها الله اكبر كـن بخـوت عمتهـا
وانا اظن فالورقا وظني هـو المثبـوت=شعاها المفارق لين هاضـت قريحتهـا
لكن الفراق ايعالج الا فـراق المـوت=هو اللي ليـا مـر المواليـف شتتهـا

،،،،،،،،،،

مجاراة غازي بن عون

علامك تجرالصـوت ياالشاعرالمنعـوت =شعتك الحمامه ليـن جاوبـت نبرتهـا
حزن قلبك الي قافـل دونـه التابـوت= ضهرللحمامـه يـوم جـرت ربابتهـا
وحجم صدرك الي كبرصالت قصرمريوت= تضايق بعدماوحيـت منكـوس جرتهـا
وجاريتهابخلاصـت اللـول والياقـوت=باداوات فكرك فاالصفا الصـم ناحتهـا
ليالقيتهاواهل الادب والمـزاج نصـوت=تشنّف اسمـوع أذانهـم مـن عذوبتهـا
خطيه يقال بيوت بعض لكـلام بيـوت=من اجل التشابـه فاالقوافـي ووزنتهـا
وهي بالمكانه قدرهادون كعب البـوت=والاخرى على سطـح ا الثريامكانتهـا

،،،،،،،،،،

رد عبدالله بن عون

من المدح ياغازي تفصل علـيّ بشـوت=ونوايـاك يمّـي ماتغـيـر طبيعتـهـا
وثمرهيض جاشك نوب برحي ونوب نبوت=من الواحـه اللـي ماتخسـر زراعتهـا
وردني بيوت مثل نقش الصفا المنحـوت=لهاكارعنـد اللـي يعرفـون قيمتـهـا
من الشاعر اللي مايلوت القصايد لـوت=بيوتـه تشـدّ المستمـع مـن بدايتهـا
مهيب استباقية هـل المنهـج المفلـوت=شهاداتهـا ماتنسجـم مـع دراستهـا
تجيـك بحجايـا حـادرات لهاسـاروت=عددهـا كثيـر وكثرهـا مثـل قلتهـا
مع الناس لدعاياتهـم يطبعـون كـروت=وحصيل الدعايـه مايكافـي خسارتهـا
لكن انت ياغازي لك الفوت تلو الفـوت=بـك النفـس تلقـا ذاهبتهـا وغايتهـا
ليااسقيتني من صافـي المنهـل المصنـوت=هماج العـدود اغنيتـي عـن مرارتهـا

،،،،،،،،،

مجاراة علي بن صامل

شعاني كلامٍ عن جميع الكلام يفـوت=يصورلناحـال الحمامـه وقصتهـا
كلام ٍ يذكرنابقصت عقاب ونـوت=حجارة مشاعرراعي الولـف فتتهـا
من الشاعرالي لن جلس بالقلم والنوت=يعرف المعاني واللحـون وسلالتهـا
رسمهامثل رسم العلامه علي الكبوت=ولاهـوب مخطـي لونسبهالخالتهـا
حداهاعن الخد الدكاكه على المرّوت=علشـان غيـره مايقصـون جرتهـا
ورماهابغبه مانشدعن فميّ الحـوت=ولايحـمـي نوادردرهاغيرغبّتـهـا

،،،،،،،،،،

مجاراة محمد البرقاوي

ياحي القصيد اللي من الشامخه منحوت=بيوتٍ لابونايف مـن الحيـد ناحتهـا
بيوتٍ تكفينا عن الماء وحلوا القـوت=وعن دلةٍ ساعة عشا الطيـر ضَرمتهـا
فريده وقلّدها من اللّـول والياقـوت=عليها وسومـه بينـه مـن فخامتهـا
بعد فوّح الشاعرشذى عطرها المكتوت=تعلّت على كـل المسامـع وشدّتهـا
اباحفظ نوادرها قبل لايفوت الفـوت=واجاري دررها لين تاصـل نهايتهـا
ولاهمني تكثر بيوت او تقـل بيـوت=مدام القصيده سرّهـا فـي حلاوتهـا
تنوح الحمامه فوق غصن العنب والتوت=وابن عـون ينقـل للبرايـا قضيتهـا
قضية غلا واشواق ومفارق وتابـوت=كلامٍ جمع بيـن الخيـال وحقيقتهـا

ملاحظه : قام الشعراء الثلاثه بمجاراة القصيده الأولى وارسالها للشاعر عبدالله بن عون على الجوال
دون ان يطّلع أي شاعر على مجاراة الشاعر الآخر لذلك حدث بعض التكرار في بعض الكلمات

اخوكم : محمد البرقاوي.