سفر الدغيلبي وسلطان الهاجري والمعنى الشاعر !!!

[ابو فايح]

الطاروق الأجمل من حفل ابن طويق في أم رقيبه


يدور معنى الطاروق في قصيدة عيد بن حطاب العضياني عن غلاء الأسعار والفساد فالبلد في الحفل


الهاجري يعترض على توقيتها وأغراضها ويذكرنتائجها لاحقا وسفر الدغيلبي يدافع بشراسه وإبداع

سلطان الهاجري

سلام يا عتيبه الهيلا وأخص الحفاه = ردية (ن) عن عيال مضيم غنيتها
سمعت صوت (ن) تعدى كل ديره صداه = تصدح به الحنجره في غير توقيتها

سفر الدغيلبي

يا مرحبا في محل (ن) عالي(ن) مستواه = دايم محافل عتيبه طيب(ن) صيتها
سكر سموعه عنه كان النداء ما تباه = وإدخل مع العنكبوت اللي بنت بيتها

سلطان الهاجري

أنته لسانك ياليته لاصق(ن) في جماه = العام سويتها واليوم سويتها
يا كبتن الطايره ما معك ستره نجاه = فريتها فالسماء لين إنتثر زيتها

سفر الدغيلبي

حنا ألسنتنا سيوف (ن) في رقاب العصاه = وألا أنت مرتاح لا جاتك ولا جيتها
وصاني العود الأول ما طلبتك وصاه = خميت هرجتك يا سلطان وأخطيتها

سلطان الهاجري

أنته وليد الفقر لا تدعي بالغناه = أزريت تلقى المناه اللي تمنيتها
بعض العرب فوق ظهره لو كسرنا عصاه = يسري معا ليلة(ن) ترقص عفاريتها

سفر الدغيلبي

دام العتيبي وقف والهاجري في ذراه = جمالتي معك قلي وين وديتها
ما أنته بداري مصيرك موت وألا حياه = ما غير كلمه على بالك وغنيتها

سلطان الهاجري

الهاجري جمر نارك تحت رجلك وطاه = وتقول أنا أشب ناري وأنت طفيتها
وأنته مصيرك مصير شعوب حمص وحماه = ياللي صلاة العشاء وشلون صليتها

سفر الدغيلبي

بعض الرجال يحدانا لين ندهن ثواه = أوحيت كلمة سفر والا أنت ما أوحيتها

[قاسي العتيبي]

انتقاء رائع وتوضيح رائع

أبو فايح تستحق الشكر

[ماجد ال مريتع]

الله الله
صحت السنتهم
الهـاجـري جـمـر نــارك تـحــت رجـلــك وطـــاه
وتـقــول أنـــا أشـــب نــــاري وأنــــت طفـيـتـهـا
وأنته مصيرك مصير شعوب حمص وحماه
يـالـلـي صـــلاة الـعـشــاء وشــلــون صلـيـتـهـا

ماقصرت يابو فايح ويعلم الله اني ماسجلت بهالمنتدى الا طمعان في معرفتك

[سلمان المرشدي]

صحة اللسنتهم شعراء مبدعين

وسفر الدغيلبي هو حبيب العازمي رقم 2

مافيك حيله ياسفر

وتمنياتنا للشيخ ابن طويق بالفوز

وشكرا يابو فايح

[محمد الذيابـــي]

,,


لا هنت يالغالي,,,

التوقيع

التوقيع محمد الذيابـــي

[حمود بن خيشوم العصيمي]

صحيح معتى الهاجري حول ماده غير مناسبه حذفت فيما بعد من فقرات الحفل
يعطيك العافيه ابو فايح

[منصف في زمن الظلم]

الله الله
ما فيكم حيله
شعاااااااااااااااااار
مشكور

[سهيل 1]

بارك الله فيك أيها المشرف

ما قصرت ..

نقلا ..وتحليلا ..

[سالم الدلبحي]

ابو فايح اشكرك على طرح المحاورة

لكن عندي كلمة حق والحق مايزعل منه الا الشيطان الاخرس


اللي يشوف مئات الملايين تصرف من البدو الرعاه في المزاين لايستغرب الغلا لو يشوف ابو ريال بعشرة ريال

لان من يشوف اسرافهم خاصه من التجار بيقول الشعب كله غني ومايهمه الغلا

[أبو جميل العتيبي]

سفر الدغيلبي وسلطان الهاجري
شاعرين كبيرين والمعنى في بطن
الشاعر