هات كفك فديتك ...... قبل مـا أخسره

[يجيلك يوم]

رايب الما / فديت الما .. وحضن السراب
______________ لا جمعته .... لقيت الحلم .. و الجـوهره



علم الروح تمطر ... في زمان الثياب
______________ وعلّم الجرح ... يلغي .. سنّة السمسره



مادريت ان روحك / هي .. نهاية عذاب
______________ و لا دريت ان قلبك ... ليل أبي أسـهره



أنت ..!! روضةأماني .. آيله للشراب
______________ والجفا ..!! بعض ريح / ورمل من بعثره



وين دنياك عني ..؟؟ وين درب العتاب ..؟؟
______________ بقطعه من عـروقك / واجمعك / وانثره



لاتقول الليالي .. همّ / والهمّ طــاب
______________ الثواني ..!! صداها فيك له .. شوشره



أدري انك .. رقيق الذنب / والوصل ذاب
______________ بين روحك وروحي ... فجر من يسبره



كل ماعشت يوم ... يزيد كسري نصاب
______________ يا وجــودي عليك .... اللـه مـا أكـثره



أعط ليلك .. مزاج الما / وذب الغراب
______________ واروّ مني .. عبــير الوجد ... وتعطره



يكفي الليل .. غربه / يكفي الأغتراب
______________ يكفي الصبر .. صبر / وتكفي المرمره



ما لقيت أي معنى .. بين خد السحاب
______________ غير / معنى هديل الما ... ومن ينطره



العروق انتهت بك .. وابتدا بك كتاب
_______________ غربة السيل ... وادي جف به عنبره



سمّ شوق الصحاري / سلسبيل الغياب
______________ وسمّ أنثى الغياب / اوراق في محبره



ولا لقيت الكفوف تحنّ ... من كل باب
______________ هات كفك فديتك ...... قبل مـا أخسره



عطني الما / وانا بعطيك .. عمر الغياب
______________ ولا لقيتك / حضنت الحلم .. والجوهره


عبدالله بن زنان