هبت على بيد العروبه هبايب

[متعب ثواب الجعيد]

يارب سترك من جميع المصايب = اللي على خلقك تكاثر بلاها
هبّت على بيد العروبه هبايب = شالت وحطت ما عرفنا مداها
فالشام نار الحرب زادت لهايب = نارٍ يزيدون الروافض لضاها
وارض الكنانه للخوارج نهايب = في ساحة التحرير ترفع عصاها
وحنا بلينا. في وطنا عقايب = نمسي ونصبح مبتلينا غثاها
الموت فينا والتغاضي سبايب = كبرت علينا ما ليقينا دواها
كثرت حوادث سيرنا والعطايب = ما حركت فالناس زايد عناها
لو كان حنا ناطحين الحرايب = هانت علينا والضحايا فداها
لكن راحوا للحوادث غصايب = نفوسٍ بريه غارقه في دماها
باسبابها يا كم ركزنا نصايب = وكم من عليلٍ بالاسرّه بكاها
كم رمّلت كم يتّمت بالحبايب = اطفالنا وشموعنا من طفاها
معلمات الجيل راحن حطايب = بين الطرق في كل بيتٍ عزاها
نخبة شباب بلادنا فالنوايب = تقطفت وهي توّها في صباها
الى متى نسكت على وضع سايب = ما من رشيد يصد عنا شقاها
حرب الحوادث يا عربنا نشايب = الى متى تدرج علينا رحاها
يا خادم البيتين بالرايء صايب = لك نظرةٍ تطفي لهايب غضاها

[معلا إبراهيم الأسعدي]

لــو*كــان*حـنـا*ناطحـيـن*الحـرايـب
هـانـت*علـيـنـا*والضـحـايـا*فـداهــا

صح السانك

ابدعت

وموضوع في غاية الأهميه

التوقيع

[فيصل مطر]

صـح لسانكـ

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[فهد العازمي العتيبي]

،،


صح لسانك

ولاهنت .

التوقيع

للتواصل على تويتر https://twitter.com/falotaibi5115 ،،

[شاعر الدرع العربي]

صح لسانك يابن ثواب وهذا الواقع لكن الله المستعان
لاهنت اخي