معارك عتيبه مع مطير

[الشلاحي]

الله يهداك يابن مشيب ويهدى الأمير معك

تاريخكم نعرفه وتاريخنا تعرفه
والحق ينقال : العرفجية لكم على حرب ولحرب أيام عليكم

ولكم إنتصارات على مطير ولمطير مثلها والأيام دول وإنشاء الله تصدق

والكذب أقبح صفة فالرياجيل وخصوصا القروم وماهو عيب إني أعترف

بشيء قد حدث ولكن العيب أني اجادل بشيء أساسه من الباطل

إبن مشيب : متى منتدى مطير يسب أتحداك تثبت ذلك بأي رابط

منتدى مطير يتناقش مع أي باحث من القبائل الأخرى أما يسب القبيلة بعينها

كما يفعل بعضكم معي لدرجة أنه تعدى علي بكلام لايليق فهذا مستحيل

يمكن يكون هناك من الاعضاء بدافع الدفاع فتحذف ردوده أما الإدارة فلا وردها

يكون بالادلة فقط . ممايميزكم عن باقي القبائل والشيء العجيب أنكم

لاتعترفون بالأشعار كمصادر توثق التاريخ أي تنكرونها عليكم وتثبتوها إذا

كانت لكم .

الأمير : إبن العم الغالي أسلوبك فيه نوع من التهجم مانحتاج إليه ولانحتاج

إنك تقول ذبحنا فلان وفلان أورد ماعندك كحدث تاريخي لتبين لهم ماتريد أو

تثبت لهم مايحتاج لإثبات نحن في غنى عن كل هذا

أرجو أن تطلع على الرابط الذي وضعه إبن مشيب

[لــيــل]

اخونا /الامير


حسبك تاريخ قبيلتك وانتصاراتها فقط......

فهزيمة عتيبه امام قبيله اخرى لايعني انتصار لمطير باي حال , وارجو ان تسلك المسلك الصحيح وانتهاج الاسلوب المطلوب في الطرح .
وعدم محاولة تشتيت الموضوع, لانه لافائدة ترجو من ذلك.


اما قولك اننا لانحشم احدا, فكلامك مردود عليك,ومن يستاهل الحشمه يجدها.وانت ليس اهل لها.

اخونا الشلاحي:

لاداعي لوضع الروابط, فقط كل ما عليك هو ادخال "عتيبه" في البحث, واقرأ واستمتع ولاتنسى قرآة التواريخ........

[ابن مشيب]

ابشر بما طلبت يأخي الشلاحي/

1- انظر لرد الحجازي في هذة الصفحة:
http://mutir.com/vbvv/showthread.php...0&pagenumber=2

2- قال الجلغم في موضوعة هذة العبارة: ( فغاروا العبادل ومن معهم من الأفخاذ الأخرى على (هندي بن حميد )وقومه وقتلوه شّر قتله حيث قالوا والعياذ بالله مزقوا جسده الى أشلاء وعلقوا كل جزء في (سلمه ) ألا رأسه أخذه أحد الفرسان وعلّقه بسنان رمحه وراح يلعبه أمام جموع عتيبه ) على هذا الرابط:
http://mutir.com/vbvv/showthread.php...0&pagenumber=1

هذا قليل من كثير , وغيرها من السباب والشتائم التي تترك فترة لتقراء ثم تحذف بعد ذلك.

وكان قبل انشاء هذا المنتدى منتدى الهيلا , نرى العجب العجاب في منتداكم , ولكن بعد فتح هذا المنتدى المبارك تم التوقف كثيراً من التهجم على عتيبه.


وانا شخصياً وبكل صراحة ضد السب والشتم , ومع التحاور الهادئ والشيق والمثبت بمصادر , والله من وراء القصد.

[الامير]

تقولون ان مافي مناخ الا الحرمليه وين وريط ولا ناسينه ليش ماتذكرونها عتيبه كانت مع قحطان ونكسرت عتيبه وقحطان ياخي والله عيب كذبكم



يقول سعد بن سلطان

وريط يوم على جهاشا ****منه الصغار تشيب شوشها

جتنا عتيبه على قحطان جهاشا****ومطير تاقفلها ومطير تكرشها

[الامير]

وريط يوم على العتبان مغباشه****من الصغار تشيب شوشها

جتنا عتبه على قحطان جهاشا*** ومطير تاقفلها ومطير تكرشها

[ابو فراس]

العيب ياالامير ان الرجال يقول كلام مايقدر يثبته

اثبت لى وريط هذي ........

وبعدين ترا البيوت اللي جتها سوالف مهيب قصيده !!!!!!!!!!!

وابن عبار العنزي يقول

ادخل على ربعٍ يفكون الانشاب ........... فيهم سطر شمر ونخوة عتيبه

اما الحرمليه التي يتغنى بها مطير وغيرهم فهي لكل مدرك ومطلع لاترقى لذلك المجد المنشود في انفسٍ تجمعت فيها ويلات الهزائم الكاسحه والمتتاليه
ويكفي ان ابن زريبان يقول فيها
رديتها لمنجي الحرد ضيدان ........... ماني بمن في الضيق ينسى صحيبه
وانا ابنشدك الرده للمنتصر ولا للمهزوم !!!!!!! لا ويقول بعد.. اما قفته اليوم ولا تجيبه !!!!
ترا الحرمليه مناخ ماهيب معركه واللي يفهم يفهم

[الخنفري]

الاخ الامير
سنتطرق الي مواضيعك اللي طرحتها حته حته
اولا : ذكرت غلوب باشا وديكسون
فاذا حاب اني انقل لك بنص من كتاب غلوب باشا فانا حاضر اما ديكسون فقد عايشكم انتم فقد ومع ذالك تنفون له بعض المقالات اللي قالها فيكم
ثانيا:ذبحة ضيف الله تجدها في معركة العرفجيه وبالتفصيل
مع ذكر المصدر
ثالثا:الحرمليه رح منتداكم وستجد مشاركتي فيها ومن مجلد ابن بسام وعلى فكره تراكم نكرتو مساندة قحطان وصلبي بن مضيان
رابعا :محسن الهزاني هذا شاعر ومطير تستاهل المدح ما نقول فيها شي ولكن هناك شعراء واجد مدحو قبائل مدري ليش ذاكرها انت
خامسا : معركة وريط اتمنى منك ذكر المصادر لان كل مطيري نقوله وين مصدرك يتهرب ماعاد يشارك مدري وشفيهم
سادسا:اما قولك انا راح اتعب معاك اتعب وش وراك انت ما سمعت اللي يقول الدق للرجال والتعب منسي
سابعا:الشاعر العجمي للتوضيح هو علي الخفيف المصرا والقصيدة اللي قالها
رحنا وجبنا بالدويش المسمى .. له هية عند الضحى ينحكابها
ورحنا وجبنا بالسهول وخلطهم .. برازية بالضيق تروي حرابها
ورحنا وجبنا بالدواسر اولاد زايد .. اللي تحابا بالاحده ركابها
الي قوله
تسعين يومٍ والخلايا معلقه .. من الجوع قدها تحنت رقابها
ياخي العزيز لا تنكر فعل من وقوفي في ذالك المناخ
ثامنا : الظاهر انك تنسخ ولا تدري هذي المصيبه
في سنه 1320هـ وفي ذي القعده توجه عبدالعزيز بن عبدالرحمن بن فيصل الى بلد الكويت واقام هناك اياما ثم عدا على عماش الدويش ومن معه من عربان مطير وهم على جو لبن فصبحهم واخذهم وقتل منهم خلائق وقتل في هذه الوقعه عماش الدويش وابناه ثم رجع عبدالعزيز بن عبدالرحمن بعد هذه الوقعه الى الكويت انتهى المصدر تحفة المشتاق ص 388 عبدالله بن محمد البسام
بعرف ليش ذاكرها هذا يدل على انك تنسخ من منتداكم ولا تدري عن صحة الوقعه
اما المربع فعندي لك سؤال هل تعرف من شارك مع مطير ؟
الاخ الشلاحي اذكر انني سئلت سؤال ولم تجب عليه ؟
تاسعا : للحديث بقيه

[الامير]

جانك كل ما تكلم تقول ابي اثبات عطني قصيده تثبت انكم ذابحين ذيب.

وبعدين القصيده كذب اللي قلتها اقراها في كتاب هجر قبيلة مطير في حركة الاخوان وتعرف الصج يا حريب الصج

يقول واحد فيكم ليش ماتخذون كتب العرب

يا حبيبي كتب العرب فيها تحيز كبير واضح بس كتب الاجانب ما يتحيز لاحدلا نه مهما كان اجنبي.
وجانكم تبون السواف والقصايد ابشروا

ويعرف كل واحد عتيبي سالفة شايد الحنتير


تقول نوره اليساحنيه العتيبيه تنخا فريس بني عبدالله

تكفون يالفريس ياذخر عباد*****لعل دقلةخيلكم فزعة لي

جهز على حمر تحورد تحوراد****وقعدان يا زبن المخيف المذلي


تنخا مطير ماتنخا عتيبه تدري ما وراهم سنع ويقول شاعر من الحفاه

لاعاد كون العبادل مع مسيمير****الكاين الي لعله ما يعودي

راحو ورانا وجونابالخواوير****ما كنها الادحاميل الورودي


ويقول طلق بن وأسيود الروقي

يوم ردوا كنهم لي ادوميه****عند ذودي ما يعرفون العذايل

اعتزيت وعزوتي بالمزحميه***واعتزا باولاد عباد الشوايل

هاذي الناس الي تقول الصج وتذكر لي لها والي عليها يقول عنكم القرمله

يا سابقي غاش عتيبه منك لوم**** مثل الربيع اليا غشا نجد كله

كدي على العتبان خمسة عشر يوم ****قعدان والجمال بيتي هل له


اما حنا يقول راكان بن حثلين

لو لا جواده خذنا جفاله****مير ان علوى دونها ما يطيعون

خيالهم يركض علينا لحاله***يا ظفرهم ياعلهم ما يثنون

وللحديث بقيه لا تنسون لا حد يرد علي لين يجيب قصيده تثبت انكم ذابحين ذيب بن شالح






(ترى الظلايم ماتسر القوم في حظ من يسعابها)

[ابن مشيب]

الامير ينحاش من الكتب الصريحة والصحيحة والمؤثقة , ويبتدع من القصيد متى مااراد.

سؤال: ليش تتهربون من المصادر التي كتبوها العرب؟
الجواب: لنهم عايشو الجزيرة العربيه ويعرفون مايدور فيها , وعارفين تاريخكم لاكذبتو عليهم علشان تسوولكم تاريخ عرفو انكم خراطين.

بس الاجانب كل مايجيهم يكتبونه لانهم مايعرفون طبيعة الجزيرة العربيه والامانه في نقل الاحداث , فهم زورو كثيراً في التاريخ الاسلامي , لان ماعندهم امانه , واظنك تعرف كيف حرفو المستشرقين الاجانب تاريخ الاندلس وفلسطين , وغيرة الكثير.

اما تفاخرك , فهو في كسرة الخشبه يوم الحرمليه , وسالفه الحرمة , يازينه والله من تفاخر.


مصادرك القصيد , لان كل شاعر يستطيع كتابه الشعر متى ارد , ولكن الكتب المحايدة التي تتهربون منها تكون موثقة ولا يستطيع احد ان يغير فيها.

والدليل انهم يتهربون من المصادر الموثقة , انظرو كيف يتهرب من هذا الطلب:
اكتب لنا المصدر الذي نقلت منه وريط.


انظرو ردة بعد هذا الرد وكيف يهرب من المصدر.

[عتــ بلجيك ــيبة]

والله أبداع والله أبداع...
والله طلعوا المطران ماعندهم لاسالفة ولاهم يحزنون...
والله سحبت على فيلم كوميدي لكيم جيري وعوضني الله بفنان المستقبل الأمير...!!!
وين تنحاش حجرولك الشباب..
الموضوع عن عتيبة ومطير..ويجيك مؤرخ مطير الأمير يدخلنا فالقحاطين وحرب..
ولا مصدر ومسوين دربدييد والشارع مافيه سيارة...
الشلاحي..هروب عالمي...منقطع النظير..ولاتكرم بمصدر..
الأمير...حفلة...لاوالله ألا...؟
ياولد سلامات وش نبي بسوالف شيبانكم...
على بالك مناظر...هههههههههههههههههه
امبوه أح...حلوه ياعين العقل..
يعني المصادر اللي قبايل الجزيرة تعتمد عليها....
خلصت وصفت على شريط يباع في بسطه...
عزي لحالكم يامطير...علقوا آخر آمالكم على تراحيب...(شكل عنده علم)!!!!
كسرتوا خاطري...
مالوكم يومكم عبدتوا تركي...طيركم فالعج على قل سنع..
هذا اللي طلع منكم بعد 17 صفحة...
يالله لاتبلانا...
عندي ثلاث بوسات...
وحده على خشم...عين العقل..
والثانية...على خشم...خالي أبن مشيب..
والثالثة..على خشم....أبو فراس..
وباقي الأعضاء والمشرفين..أدقلهم تحية...
والله يبيض وجهيكم ياربعي...
ورايتكم بيضاء...
وفيه مثل يقول...
(( لايضر السحاب نباح الكلاب ))
والحمدلله أني ربي من بين حوالي سبعة مليار أختصني مسلم...
ومن بين مليار ويزود أختصني من أهل السنه والجماعه...
ومن بين العرب أختصني من أرض الحرمين...
ومن بين القبايل أختصني عتيبي...
الحمدلله كل ما أصبحت وامسيت..
ورسالتي لحمران النواظر...
الله يقنعكم ببركة حمران النواظر..
ودمتم بووووووووود
أخوكم ولد الهيلا..
عتـــــــ بلجيــك ـــــــــــيبة