الشيوخ والفرسان الذين قتلوا على أيدي أبناء عتيبه !!!

[ابوبراك]

العتبان الذين قتلوا من المطران ..ولا العـكس ؟؟
أخوي ليتك توضح كلامك


معاك أخوك المقاطى

[صنهات المحياني]

الفارس الشيخ شبيب بن حجنه النفيعي قتل ذيب بن عبود من قحطان بالرمح
الشيخ والفارس مترك بن قويد فارس الدواسر قتلته النفعة من عتيبه
هاضل بن هملان القريشي فارس سبيع ذبحه نافل بن عويض المحياني من النفعه

[نواف ابن ثعلي]

• الثعاليه يقتلون عوض أبو راسين من أشهر فرسان حرب
  
  --------------------------------------------------------------------------------
  
  هو الفارس عوض ابو راسين من أشهر فرسان حرب في زمانه وله فرسً مشهوره يقال لها عويضه وقد
  قال فيها العديد من القصائد ومها القصيد التي تطرق للعضيان فيها الذين قتلوه بعد هذه الأبيات
  
  ياليت ركـض عويضه قد بان=سبق النظر ياللي تحق الشوف
  مع حربة صناعها حملان=ما تشرب إلا من غزير الجوف
  ميعادها الصندوق يالعضيان= واللي مكذبني يزيد يشوف
  
  
  جرت معركه بين العضيان على ما أعتقد وبني عمر من حرب وتم قتل هذا الفارس على يد (العقيد) طلق بن وسيود فقد تمكن من اصابة فرسه وطرحه ثم أجهز عليه المحسول الثعلي وقتله..
  
  
  
  وفي هذه المعركه قصيده للصانع لم احفضها واطلب من العضيان ايجاد اسم المعركه وتكملة ماتبقى من التفاصيل حتى تدون هذه المعركه وتسجل ضمن انتصارات العضيان.

[سعود النفيعي]

تصحيح انا قلت أنه عتيبه ذبحوا ضويحي ال الجرو والصحيح أنهم ذبحوا جديع بن مقبل ال الجرو شيخ ال الجرو

تقبلوا تحياتي

أخوكمـ سعود النفيعي

[شــغــمــوم]

مشكورررررررررر على الموضوع



تحياااات اخوكم



شغموووووووووووووم

[مخاوي العتبان]

ياشباب ماقصرتوا وياليت بعد اللي عنده يزيد لاهنتم

[ابو فايح]

الله يعطيكم العافيه كلكم أكرر شكري للجميع بدون ذكر اسماء لانني تأخرت في الردود والمشاركات زادت ولايمديني ارد على كل باسمه

[النّاشي]

يانجد مافيك غير الجوع والعجة=وسوالفً ماضيه ذابح ومذبوحي

قائل البيت عيد بن حطاب العظياني

[راع العرف]

يالربع انا باسالكم قريت بمنتدى مطير انهم قتلوا
من عتيبه 28 شيخ وانا والله ماقصدي اثير فتنه
لكن اسمعها واقراها من زمان ولاادري هل هي ترديد
ولا صحيح
مير ابتأكد وآخذ العلم منكم علشان تتضح الرؤيه وودي
اسمع وجهة نضر الطرف الآخر ...
تحياتي
راع العرف

[عقاب العنزي]

عزالله انك معقد الشوش ياراع العرف الحين الرجل يسأل سؤال واضح يوم انك تثير هالسوالف

امر الله عليك وشو ولا انت من اللي يستانس لاقامت مشاكل بين قبيلتين ان اشهد انك منت على اسمك

ياخي المفروض انك تتصف بصفات الاسم مو تشبها بالشيح وتعرضها للشيح

والحين الدنيا محكومه ومطير وعتيبه اخوان وكل القبايل

...