تعال جاي يالكبتن مناحي

[سعود العصيمي]

اصح لسانك واستلم وانا معي محاوره مع بعيد النظر

ما على المسلم ذنوب ولا على المقفي حسافه = والكلام اللي تقوله بين حلو وبين مرّا
يامناحي شايفينك في طرف قصر الضيافه = والذرا لاهل الذرا وسعود بالطاله مضرّا

[علي الثبيتي]

سعود العصيمي صح لسانك مليون

الكبتن صح لسانك مليون

متابعين وعلى القوه

التوقيع

ماني بلا روقي ولا برقاوي = انا ثبيتي جد روق وبرقا

[حمد بن جوباح]

المشاركة الأصلية كتبت بواسطة سعود العصيمي

مرحبا من شاعرٍ مايلّحقه خصمه كلافه = عد ماحنت رعود الصيف والبراق سرّا
ما معي في الشعروالشعار يالعراف رافه = شد حيلك واسر ليلك يامناحي وش تحرّا

الله الله يا سعوووود

صح لسانك .. ابدعت واحسنت الاختيار

متابع ..

.
.
.







تحياتي لكـ ،،

[سعود العصيمي]

جميع المتابعين مشكورين شكرا جزيلا

[كبتن عتيبه]

الله يعينك واستلم وانا معي 3محاورات

احتراف الشعار يالشاعر يبى راعي حرافه=وانت مدري فالكلام اللي نقوله وش تورّا
ماجلسنا فالطرف نجلس على عرش الخلافه=يالرفيق اللي علانا قمت تمزح وتجرّا

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[سعود العصيمي]

والله إنا ماجهلنا الصرف وفنون الصرافه = والكلام اللي تقوله لاش خير ولاش شرّا
مانقول إنك قدم راع الشداد ولا خلافه = يالصديق ياللي تبا تقرا علينا مانقرّا

[سعود العصيمي]

أخوي الكبتن مناحي أستأذنك ابانام أنا والله إني طالبك من اول الليل مار الله جابك
والجايات اكثر

[كبتن عتيبه]

خيرها بغيرها


انا

انشغل عنكم لكني ماتركم


ومن العايدين

[سعود العصيمي]

عيدك مبارك ياكبتن مناحي وانت ماجاء منك قصور
والدعوى كلها تسليه وحنا بني عمي لاهنت

[أبو نجر النفيعي]

صح السنتكم

مبدعين

ولاهنتوو

التوقيع

.....