حداء الخيل عند قبيلة عتيبه

[راعي هـدّامه]

المشاركة الأصلية كتبت بواسطة ابوحنجور

فرد عليه الفارس عفاس بن محيـا
انتم على اللـي كنهـن وحـوش....وحـنـا عـلـى مـثــل الادام
عـاب لكـم مـاقـدم النـاتـوش....وشـلـف يقـصـن الـعـظـام
ياحرب وين الفـارس المدغـوش...ذيـــاب قـــواد الـجـهـام

منقووول

الاخ ابو حنجور
هذي للهيضل
وهي كالتالي:
انتم على اللـي كنهـن وحـوش....وحـنـا عـلـى مـثــل الادام
وسلاحنا ماقلط الناتوش ............... شلفِ يقصن العظام
نردكم رد البقر في الحوش .... من دون عشبِ في الهييشة زام
ياحرب وين الفارس المغوش............... ذياب قواد الجهام
.................................................. ....................
- هذه الاحدية وردة عند الدكتور الصويان ضمن احدية ابن العويرا الحربي من احديات الهيضل
- ذياب :الذويبي قتل في مناخ الرشاوية سنة 1327هـ

[ابو فراس]

للشيخ هذال بن فهيد

يحرم عليك الحزم والضيرين ........ والهضب ماتشرب برايد ماه



لحاد من عتيبه

البل قدامــــــي وان خيـــــــال .......... واللي يبا الغطغط يهاجر فيه
وادي الرشا يبكي على هذال ........... يبكي على الماضي يبا راعيه



لحاد من الروقه

ياقلبي اللي جظ ياحلســـــان ........ زايد جظيظه نزلتك للحيــــد
الله على اللي كنها شـــيهان ........ مع سربة قوادها ابن حميد

تحياتي

[الركن]

مساكم الله بالخير ياأخواني

الحقيقه هذا الموضوع جيد وهو ممايدعم تاريخنا ويمجده ويحفظه اكثر ..

اما انا عندي سؤال الى اخواني العتبان عن احديه قيلت انها للشيخ محمد بن هندي وقيلت انها للشيخ مارق الضيط

الاحديه هي

ياهل الرمك ميلو على الربان **سوو سواتي ياهل الزلبات

الحي لابده مع الحيان **ومن مات منا يلحق الي مات

فمن القائل الحقيقي لهذه الابيات

والف شكر لكم من كل قلبي

[سلطان العضياني]

الاحديه لصنيتان الضيط في مناخ طلال

[ابن مشيب]

بيض الله وجيهكم ياعيال العم.

[متعب العضياني]

اما الاحديات الي ذكروها الربع لم يذكرو مناسبتها
فامل ذكر قصة كل احديه
والي يقول
ان كان حرب اقفوا على فيحان
حسافة علينا ركب الخيل
لمحماس الشغار
وفيحان هو نفي

وقال بعد
ناهس تراه منا وحنا منه
نصبح مصابيحه لا مسى ساري
وان كانت تروى لابن نجم

والربع ماقصروا بس حبيت التعديل

[هداج تيماء]

الاخ الخنفري والاخ متعب العضياني
السلام عليكم ورحمة الله وبر كاته :
اولا : اشكركم على مشاركتكم
ثانيا : احب اوضح لكم ان قا ئل هذه الحداه وهي :
وادي الهيشه حل به قطعان && ومطوالاتن ناحرن لسهيل
ان كان حرب اقفوا على فيحان && وش التبدوي له وركب الخيل
وهو الفارس المعروف الشيخ / قاعد بن عليثه الوهاب وهي معروفه لدى الجميع وباامكانكم الاستفسار من الراويه / سعدون الهرس وكذ لك الراويه /حشيم بن حويد فهي ليس للشويب الجذع وليس لمحماس الشغار


اخوكم / هداج تيماء

[فيصل المسعودي]

مشكورين يالخوان كلكم على الاحديات الجميله واللي مجملها زود اهلها اللي قالوها مشكورين كلكم وليت عندي شيء اشاركبه جيت اعبر عن رايي وشكرا للجميع.
فيصل المسعودي

[الصل]

بسم الله الرحمن الرحيم ...

وقال شاعر حرب العويرا هذه الحداه في مناخ عرجاء

ياللي تجي الكرزان مع روق وعصيم = قله ترا واد الرشـا راعيـه جـاه
الحر الاشقر جا لجنحانـه وشيـم = فيصل ولد سلطان سعد اللي نخـاه

فرد عليه شويمي بن نشا العصيمي

واد الرشا مهوب لحدن من قديم = الا لمن ساق الجمل ثـم احتمـاه
خلوه من بعد القسا بني مضيـم = راحت شرايدهم لصبحا والحصاه
وعنه الدويش منزحينه للقصيـم = مهوب حربي نفـخ ذربـه يبـاه
الحر الأشقر نتفو ريشة عصيـم = وذبحوا شيوخه يوم الله ماهـداه

[الصل]

الاخ الفاضل ابو فراس بيظ الله وجهك على ها الموضوع الرائع


وكثر الله من امثالك

ياطير دوك عرار بن عبود = اكسر علاه وناد ذيب ذقان
كله لعين الفاطر الونود = ترعى من الحمه اليا جذوان

هذه حداه للعصمه بعد معركه وقعة بن العصمه وال مسعود من قحطان

في جنوب نجد وكسرو فيها العصمه ال مسعود من قحطان وذبحو شيخهم


عرا ر بن عبود