وان كان قصدك وهقك كبر مركاك ,,, الثوب مايستر إليا صار عاره

[عقاب الحويماني]

من اخذ القهوه في يسراه
السلام عليكم و رحمة الله و بركاته
وبعد:
أتى رجل غريب إلى قبيلة من قبائل قحطان فقدموا له القهوة و كان مستضاف عند شيخ القبيلة ((فراج بن فلاح القرقاح)) و مشهور بأسم ((بن ريفه)) فلما صُبت له القهوة أخذها بيساره و شربها أيضا بيساره مع العلم أن من صبها له أعطاه إياها بيده اليمنى


فقال الشيخ :


يا ماخذ كيف النشامى بيسراك *** مد اليمين الي عساها الجبارة
و لاً ترى المجلس بيصلح لياك *** و لا أنت كفو للي كثير بهاره
و إن كان قصدك وهقك كبر مركاك *** الثوب ما يستر إليا صار عارة
و إن كان ما تفرق بين يسراك و يمناك *** فحيات من مثلك حياته خسارة




تحياتي أخوكم/ عقاب الحويماني

[ماجد الثعلي]

لا اخرب بيت الرجال
إن كان ما تفرق بين يسراك و يمناك *** فحيات من مثلك حياته خسارة

وش قال الاخ ابو يسار

[الغريب511]

ياعقاب
السلام عليكم ورحمة الله وبركاته
انابسميك حكمه ذوي مفرج
العز في يمناك والشر يسراك
وانت تخير بين وادي وادي




اخوك الغريب 511

[عقاب الحويماني]

أخوي / ماجد الثعلي

لاهنت على المرور ولك الشكر والتقدير

وابو يسار فاتت عليه ماينفع قوله

< الاولات الروابع >



أخوي / الغريب 511

لاهنت على المرور يالغالي وبيض الله وجهك

والتسميه فخر واعتز فيه لكن طالبك

تبقى بيني وبينك

< وذوي مفرج فيهم من الحكمه مايكفيهم>

ولك كل الاحترام


أخوكم / عقاب الحويماني

[بـنـدر]

يعطيك العافية

[الاد العسيلي]

عقـأب يعطيك العافيه

[عقاب الحويماني]

أخوي / بندر

أخوي/ الاد العسيلي

مافيكم حيله وفالكم النوماس وبيض الله وجيهكم على المرور العطر



تحياتي

أخوكم / عقاب الحويماني

[غازي البقعاوي]

[size=5] تسلم على هالموقف والقصيده
بس البيت اللي يقول :-

و لاً ترى المجلس بيصلح لياك

ألأصح بلياك

ولك تحياتتي
واليك القصيده منسقه[/size]

يا ماخذ كيف النشامى بيسراك=مد اليمين الي عساها الجبارة
و الاً ترى المجلس بيصلح بلياك=و لا أنت كفو للي كثير بهاره
و إن كان قصدك وهقك كبر مركاك = الثوب ما يستر إليا صار عارة
إن كان ما تفرق بين يسراك و يمناك= فحياة من مثلك حياته خسارة

[عقاب الحويماني]

أخوي / غازي البقعاوي

شرفني مرورك واشكرك على التعديل ولاهنت يالغالي




تحياتي / عقاب الحويماني