اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
19-Sep-2003, 07:38 PM | رقم المشاركة : 1 | |||
|
البارحه كثرت علي الهناديب ( مرثيه )
هذه المرثيه للشاعر هاجد جايد العتيبي في اخيه المرحوم حبيب العتيبي والذي كان يتمتع بخصال الرجال مثل الكرم ومساعدة الغير واحترام الصغير والكبير رحمه الله رحمه واسعه واسكنه فسيح جناته .
[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=1 line=200% align=center use=ex length=0 char="" num="0,black" filter=""] البارحه كثرت عليّ الهناديب = ومما يغث البال شفت الغرايب هجسٍ رمس باقصى الضلوع المحاديب = واركى على كبدي سعير اللهايب تقول تركا فوق حام اللواهيب = من ضيقةٍ بالصدر شبت شبايب والفكر يسري معءه شرقٍ وتغريب = واقول يا الهاجوس ويش انت جايب الهم زاير والمشاعر معازيب = وارواحنا في سوق بقعا جلايب اونس بقلبي مثل روس المخاليب = واثره خبر فرقا عطيب الضرايب مرحوم ياللي مامشت رجله العيب = من شبته حتى لفا القبر شايب حبيب اخويه راح راعَ المواجيب = رِيف الضيوف اليا هبا كل خايب حلو النبا موفي حقوق الاصاحيب = ماهوب راعي كذب ولاّ طلايب يبكيه بيتٍ مدهل ٍ للمراكيب = وتبكي معه ُصفر الدلال الربايب في مجلسه تلقى جماعه واجانيب = وفالطيّبه جزام ماهوب هايب نفسه معوّدها على العز والطيب = ولا عقًب العلم الردي للقرايب ساق القدم تحت النجوم المراقيب = ووصل المكان وبركنّ الركايب واقفا من الدنيا قليل العذاريب = علمي براسه تحت ذيك النصايب يا موصيٍ للضيف كرمه وترحيب = وانت الكريم ومدك اغلا الوهايب لعل قبره فيه جنه وترغيب = وتمطر عيه مروّحات السحايب لا تجعله حفرة عقوبه وتعذيب = وجعله كما عبدٍ من الذنب تايب وعزاي فيه مكثّرين التراحيب = " علي ونايف " في الامور الصعايب واطلب من الله " زيد " يوفي المطاليب = ولاخاب من يرجيه حاضر وغايب الكل منهم يقتلب كنه الذيب = الله يعدّيهم شرور المصايب ياعلي مافي الصبر شكٍ ولا ريب = اصبر وتلقى خير والحظ طايب وترى المراجل دربها عسر وصعيب = جعلك وانا عمك تسد النوايب والعمر يجري والليالي دواليب = والهرج دايم فيه مخطي وصايب ولا لك عن المقسوم يالعبد تجنيب = والاجل يعلم به مدير الهبايب وليا وقف يومه يجي له تسابيب = والموت حقٍ والمنايا سبايب وصلو عدد ماتظهر الشمس وتغيب = على نبيٍ ما بنهجه شوايب [/poet] |
|||
|
|
19-Sep-2003, 08:03 PM | رقم المشاركة : 2 | |||
|
الله يرحم الميت ويبقي الحي
لاهنت اخوي الكريم ومشكور على المشاركه |
|||
|
|
19-Sep-2003, 11:35 PM | رقم المشاركة : 3 | |||
|
اللهم صلي على نبينا محمد .. قصيدة جزله الله يرحم من قيلت فيه ..
مشكور يا ابو محمد .. |
|||
|
|
20-Sep-2003, 08:23 AM | رقم المشاركة : 4 | |||
|
الله يرحمك يا حبيب العتيبي
وعسى الله يطول في عمر أخوه هاجد جايد العتيبي على طات الله مشكور على هذه المرثيه يا ابو محمد |
|||
|
|
21-Sep-2003, 11:51 AM | رقم المشاركة : 5 | |||
|
قصيدة تستهل النشر جزلة و
مشكور و ما قصرت على ها المشاركة الله يرحم الميت |
|||
|
|
16-Jul-2007, 09:27 AM | رقم المشاركة : 6 | |||
|
لا هنت على القصه والقصيد وتقبل مروري
مع تحيات زيــاد الهضيباني |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|