تكفون يالعتبان....سلطان ينخاكم

[عبيدغازي العتيبي]

المشاركة الأصلية كتبت بواسطة سيف القهر

]

تكفون يالعتبان تكفون تكفون/ شوفو لعسرات الكباير حلايل...

خيرن تمدونه وشرن تردون/ عتبان ربعي شدتن للحمايل...

عسى لندايه ياعتيبه تلبون/ جاكم نداي الليل والا القوايل...

انتم على الفزعات دايم تلحون/ ذباحت الحايل رجال الفعايل...

عز وكرم والطيب يمه تحثون/ سوقو على المظلوم شتى الوسايل...

برسل كم ابيات ودي تعرفون/ ان العصيمي حظه اقشر ومايل...

حاله بوسط السجن من دون في دون/ سجن بوسطه ناس ماني بقايل

ازهم بني عمي وياليت يوحون/ نخوت سجين نارلن با النزايل...

يباكم ا ليومه بجمبه تصفون/ صفت شجاعه ماتهاب الهوايل...

نخيتكم بابيات والشك مدفون / انخى قبيله شامخه بالقبايل..

شيوخ المحاكم طاغيه مايعدلون/ باالظلم تحكم ولعت بالفتايل...

قابلت انا شيخ (ن) كريه له اعيون/ على كلا مي ماعدل بالدلايل...

يقول ياسلطان منته بمجنون/ انته قتلته عمد خلف النثايل...

وده عليه بأدعإه يحكمون/ حكمن بوسط الناس قول وفعايل...

باصيح بأعلى الصوت ياناس تكفون/ عالت على سلطان كل العوايل...

عقله معلق بين سيفن ومسجون/ وصالت على راسه كبار الصوايل...

قلنا وقلتو وانتم اللي تقولون/ السيف مايعرف يهود وقبايل...

ياجعل من مثلي من السيف ينجون/ سيف (ن) شطير طايلن با الطوايل.

واختامها شطري بيته على النون/ والشطر الأخر قد وصلكم على آيل..

وعلى النبي صليت وانتم تصلون/ اعداد مأرسلنآ طيور الرسايل..

******************************
ماخلت لي الابيات هذي اكتب بعدها شي ولدنا نخانا
لازم نتحرك

ولدنا بيقصونه عشان غلطه غير مقصوده وين العدل والانصاف يابشر

تقبلوا تحياتي

اخوكم /سيف القهر

السلام عليكم ورحمة الله وبركاته
وبعد/اخوي سيف القهر اشكرك علي نقل الخبر ويبشر ولد عمي بكل شئ لكن القصه وشهي وحنا محنا مخلين ولد عمنا يبشر بالفزعه سلطان ويليت توقلنا وش القصه وتقبل شكري وعطنا الخبر اول باول
والله ولي التوفيق
وشكــــــــــراا

[فهد بن صليهم الدعجاني]

الله يفك اسره ان شاء الله
وما تضيق إلا و تنفرج ان شاء الله
ونناشد قبيلة الهيلا امراء و شيوخ بالفزعه له
والوقوف بجانبه معنويأ و ماديأ

[زياد المغيري]

اعرضو الموضوع على لجنه المزاييييييين لاصار الدعوه فيها ديـه ياعيال عمي

وحنا مراح نقصر مقصـرين إن شاء الله ..

نبي نعتق رقبه ولد عمنا باللي هيــــبه ..

الله يفك اســــــــره ويرده لاهله سالم غانم

[سلطان عايض]

ياسيف القهر
هل هو سلطان عبدالرحمن العصيمي ام لا ؟

[سيف القهر]

ايه ياخوك
هو سلطان بن عبدالرحمن العصيمي

[مخلد بن ماشع]

تكفون ياعتيبة

أفزعوا لسلطان

انقذوه من الموت

اعتقوا رقبته

وعطوه حياة جديدة

وفعلكم يكون في موازين حسناتكم

[عبدالله الكرشمي]

السلام عليكم

الله يرفع الظلم عنه

وينجيه مما هو فيه

[ناصر الروقي]

الله يفك كربتك وكرب المسلمين والمسلمات والمؤمنين والمؤمنات ويلا عودة للوقفه والعون المادي والوجه والجاه فأبشر أن لك لابه وشرع الله ماعليه نخوه

[نايف الحبيل]

مشكور ياسيف والله يفك اسره امين.......

[شجاع]

وش السالفة