بندر بن محيا تحت المجهر

[نسل المحيا]

.



قصيده مسنده على الشاعر نايف بن عبيد بن جليغم القحطاني


.

.

ياراكب اللي كنه النشمي ليا صاح النذير =اليا انتخت مجمولة ٍ ذبت فالارض خمارها
جيب ٍ ليامن داس له سواقه بحزة عصير=يطيّر ارض ٍ لامشى فيها يطير غبارهــا
حنت سيوره كنها الى اشتغل هدرة بعير=على سواني من ربط محالته واكوارها!
يظهر ثرى ارض ٍ بعّد الما عن محاجرها الهجير!=ويدني بلاد ٍ تتعب الركبان في مسفارها
النور غاز ولايطق اليا سرى النور القصير=برق ٍ يصب من الرفيف بقــاع الارض امطارها!
مراتبه مخمل وجلد ٍ ناعم ٍ كنه حرير=وسيوره تهوجس ودلكـّوه يبيح اسرارها
كنه ليا راوْدته الطرقه وشفته يسـتدير=شيخ ٍ تعازمه الرجال كبـارها وصـغارها
والياوقف كنه خلف هذال قدام الامير=يلقي قصيده فالوطن ويعد فعل اخيارها
لونه (نحر) عذراً على العشـاق شر ٍ مستطير=في لبة ٍ ماتفرقـه لا لبْــست اكـسـسـوارها
لاديس له تقول توحي من ورى الصدر الزفير=ولاريـّـحه كن الكفر تصالحت مع قارها
واليا رسى كنه يقول اليوم تحديد المصير=ومسرى الليالي طاب جايدها وقطف ثمارها!
عقب انهزم ثلثين ليل وحوّل الثلث الأخير=وخيل الهواجس حطت الضلع القصي مضمـارها
ينصى شـجاع ٍ من نسـل قحطان مروية الشـطير=السـربه اللي عالية شـان وعلا مــقــدارهــا
ذوي جليغم رحمة المسـجون فاليوم العسير =لاوّصل الدم الركب والخيل في مـثــارهـا
وانا من رجال ٍ لهم وقفه لياغار المغير =لـطـامــة العايـل ومكرمة الضيوف بدارها
اعـتيبه الهيلا هل الطولات حامية القصير=يكفيك لاعدوّا مع الأيـام فـعـل احـرارها
ويانايف ابن عبيد مادونك يابوجليغم شوير=والناس من دونك مااشاورها ولا ابغى شـارها
عطني حلول المسأله والوضع من تالي خطير=قـبل الليـــالي ياولــد ماتتخذ قــرارهــا
مع عالم ٍ ماعاد تعطي لاقليل ولاكثير=والمشكله انه مالقى مع كل هذا غارهــا!
وش حيلته لامن وقف مابين برد وزمهرير=مابين برد وزمهرير وبين شعلة نـارهـا!
اليا حضر ماينصفونه وان سكت ماهو بـخير=وان غاب قالوا حجة الغايب خذت شــعّارهـا
والرازق الله والحســود اللي على الرقـه يسير=ماطوّل بعمر البشــر ولاقصـْـر فـــ اعمــارهــا
يالشــاعر المبدع وانا شاعر ولي قلب وضمير =يوم الضمايـر فالخفا يجُــاد لعب ادوارهــا
وقال المثل أسأل مجرب قبل ماتسأل خبير=وانته من اهل الفكره اللي ينظر بمنظارهــا
رد الجواب لشــاعر ٍ ماخاف لاصــاح النذير=ومسرى الليالي طاب جايدها وقطف ثمارها

بـنــدر بـن مـحــيــّـا
اسلوب شعري (خاص فيه) ماشاء الله عليه حتى القصايد اللي على الطرق الاول

[متعب المحيا]

اخوي رجال اشكرك علي ما قدمت . وبندر بن محياء يستاهل .


شاعر متمكن وننتظر المرحله القادمه. والتصويت جاهز لابن محياء

وباقي شعراء عتيبه.

[فهد سعد العتيبي]

والله ونعم في بندر المحيا شاعر مبدع ورائع وسيثبت وجوده في الايام القادمه وعلى طاري عمل بندر انا سمعت انه معلم ويدرس في مدرسة
تمير التابعه لسدير على طريق القصيم وانا الي قالي العلم هذا معلم في تمير و قال بعد انه بصوتله وشكرا

[ابن ابوظبي]

بندر المحيا شاعر جميل جدا


استطيع ان اجزم بانه من اجمل الشعراء حاليا


وكذلك اخلاقه العاليه تجعله محبوب من قبل الجميع

[هامان]

شاعر كفو ولاهي غريبة من العتبان كل يوم شاعر ومهوب اي شاعر

[بـرق الـذيب]

صراحه شاعر خياله واسع

وتدخل معه عالم الابداع والخيال من أوسع الابواب

الله يوفقه في هذه المسابقه وشعراء عتيبه اللي معه

[متعب المحيا]

الأخ هامان والأخ برق الذيب أشكركم علي المرور ولاهنتوا.

[ناصر العصيمي]

*·~-.¸¸,.-~*يعطيك العافيه يالغالي
وبالتوفيق لبندر*·~-.¸¸,.-~*

[متعب المحيا]

الاخوان محمد النفيعي وابوبدرالروقي وناصر العصيمي والنعم فيكم.

لاهنتوا واشكركم علي المرور.

[مشاري بن محيا]

معليكم زوود ,, الاستاذ راشد الدوسري اشكرك على كل ماقلته في الشاعر بندر بن محيا ,,, الاخ العازمي يعطيك العافيه على النقل

الله يوفق شعار عتيبه كلهم