سؤال عن الثبته

[عز العرب]

المشاركة الأصلية كتبت بواسطة شاعر عاشق

مشكووووووورين أخواني الله لايحرم وجيهكم النار

الآن عرفت كل شئ الله يعطيكم العافيه.

يارب حرم وجيهنا وجميع اخواننا المسلمين على النار

[عز العرب]

الثبته ليسي برقاويه



البرقاويه هم عيال منصور

الروقه اصلهم ثبته
وابن ربيعان ثبيتي من الاصه من بني سعد

وسلامتكم

[عبدالرح ـمن العتيبي]

المشاركة الأصلية كتبت بواسطة عز العرب

الثبته ليسي برقاويه



البرقاويه هم عيال منصور

الروقه اصلهم ثبته
وابن ربيعان ثبيتي من الاصه من بني سعد

وسلامتكم

عز العرب تسلم يالذيب
وكلام خلف صحيح مافي شيئ اسمه ثبتان



والرباعين ثبته وبالتحديد من قرية لغب بني سعد من ذوي عطية واملاكهم مازالت معروفة للآن
والرباعين معترفين بهذا الشيئ
ويلي عنده شك يسألهم

آخر تعديل عبدالرح ـمن العتيبي يوم 06-Dec-2008 في 12:05 AM.

[فـهــيد]

المشاركة الأصلية كتبت بواسطة شاعر عاشق

شباب عندي سؤال أتمنى تجاوبوني عليه.

الثبته من برقا ولا روق؟؟

والربيعي ثبيتي؟؟؟

الثبته وانا اخوك لا من برقا ولا من روق

لأن ثابت جد روق بن سالم بن صريربن ثابت

واما برقا فانهم ابناء الابرق ودخل معهم الروسان من الثبته


اما الربيعي فهو من النفعه .

هذا الكلام باختصار ..

آخر تعديل فـهــيد يوم 16-Aug-2008 في 04:23 AM.

[شاعر عاشق]

عز العرب




الله يعطيك العافيه على التصحيح أنا كنت أكتب ومشغول وقتها.




الفهـــــــــــــــــــــــــــد

مشكور وماقصرت جزاك الله خير.

[محمد الحميدي]

أخواني

الي عندي هو بان الثبته اهل السيل من برقاء

وهم من بني سعد وهم قبائل (اللصة ) (الصريرات) (الرقبان) (الشرابية)

بينما ثبيت من مزحم من الروقة واحدهم ثبيتي

وشكراً للجميع

التوقيع

[ابــن صـــلــمى]

مساكم الله بالخير

ياخوان

ذوي ثبيت هم العفارين والحبصان واللي منهم الرباعين


لاكن الثبته هم اهل الحجاز والدعوه كلها تشابه في الاسماء


مشكووورين

[شاعر عاشق]

مشكووووووووووووورين يالغالين على المعلومات الرائعه.

[Man من العتبان]

طيب يا جماعه الخير انتم تطرقتوا الي موضوع شاغلني من زمااان وفتحتوا جانب منه الله يعطيكم العافيه ..

احنا دايمن نقول روق وبرقا والناس تنشد انت من اي العتبان روقي ولا برقاوي !! وكأننا تاجهلنا الثبته تماما" او جردناهم من مقولة انت وش انت منه !!

طيب ليش ما قلنا انت روقي ولا برقاوي ولا ثبيتي

وهم بلا شك منا وفينا ربعنا واخوانه ..

ياليت احد يوصل لي المعلومه للأيضاح الرؤيه عندي ..

ودمتم بخير يا ربعي وعزوتي عتيبه الهيلا ..

[فهد الشهيب الثبيتي]

السلام عليكم ورحمة الله وبركاته

شدني هذا الموضوع وبعد ماسألت الشيبان وعوارف الثبته في بني سعد ورجعت لمعظم كتب الانساب وجدت التالي :

ان الثبته بالنسب ليسو من برقا ولا روق وهذا ايضا ينطبق على ابناء عمومتنا ثبتان روق لأن ثبيت اصل ثابت في عتيبه وليسو من ابناء منصور الابرق ( برقا ) وليسو من روق ايضا وانما غارمو قديما معهم حسب مايروى والدليل هو أن بعض النسابه يضع ذوي ثبيت فخذ منفصل عن طلحه وعن مزحم ومظعمهم معروف ساسه مثل الرباعين فهم ابناء شهيب بن صرير حسب ماوصلنا من النسابه وايضا حسب مانقله لنا الرباعين انفسهم خلال حفل المزاين وكذلك البراريق فأبناء عمومتهم موجودون الى الان في الحجاز بنفس الاسم ( البراق الثبيتي ) سواء في بني سعد او في ( القديره ) اما الباقون فلم استطع التوصل الى جذورهم الاساسيه لقلة البحث وعدم توفر معلومات اكيده ودقيقه .

معلومه أخيره : نحن في الحجاز لانتسخدم تقسيم برقا وروق كثيرا وانما كل قبيله بمسماها وسوف اورد بعض التفصيل في المسميات المتداوله لدينا :

1- الثبته : ولايحتاج مني الكثير من التفصيل في من يكتبون ( الثبيتي ) ولكن هناك من يكتب اسم الفخذ من قديم مثل : (الوقادين) وهم من اللصه من ثبيت , و(الحميّه) : وهم من الصريرات من ثبيت وأيضا الروسان وهم من المراوحه من اللصه

2 - شمله : وهم المقطه وايضا النفعه ويندرج تحتهم الطفحه ( طفيح ) والبطنين ( خديد والسياييل )

3- عيال منصور : وهم الدعاجين والعصمه والقثمه والدغالبه والشيابين . وهم ساس برقا .

4 - الروقه : وهم ذوي ثبيت وطلحه ومزحم

في النهايه نستشهد ببيتين لشاعرين اعلام

الاول للشاعر الاسطوري بديوي الوقداني رحمه الله :

عتيبه جناح الصقر وثبيت هامته=ولايستوي طير بغير جناح

والبيت الاخر لشاعر الهيلا محمد بن سعيد الذويبي الثبيتي

برقا وروق أبنا ثبيت الاصيلين=ومن ثبّت اصله شرّفه واعتزابه

آخر تعديل فهد الشهيب الثبيتي يوم 01-Sep-2008 في 12:46 PM.