محمد الحمادي=
بعدنا شفنا السوالف والعلوم إسهود=وآخر القوم واقف ينطـح أولهـا
الدهر يوم حلّق لحيّتك يـا سعـود=لحيّتي بالكرم والطيـب غاسلهـا
سعود العصيمي=
كان دعواك وعلومك سهود مهود=اول القوم جاك بنـار شايلهـا.
مكرم لحيتك من موس ابو هنود=خابرينـك رياجيـلٍ مقابلـهـا.
محمد الحمادي=
جمرة ٍ ماتوّلع غير راس العـود=قصّة ٍ رحم أبو رجّال قايلهـا
والله إني ماجيتك والبرى مردود=ليش أرد البرى والناس أزعلها.
..
سعود العصيمي=
يامحمد ليا وصلت لقدح زنود=تبشر بقنبله فوقـك نحولهـا.
مايرد البرا الا الملح والبارود=وانت بندقك عوجاء لو تنقلها. .
محمد الحمادي=
من يجيب المشاكل والعباد إشهود=معَه جرعـة معانينـاا نـقللها
معك كل الكلام الزين مابه فود=لا تفصّل مصيبتـك و تحصلهـا .
سعود العصيمي=
ماتجي المشكله من غير نقص وزود=والمعانـي مانجهلـهـا نــحللها.
ماتعدى القدم عن حدهـا المحـدود=لين معنا العـرب تخلـف تعاملهـا. .
محمد الحمادي=
ما بلغنى معاك المقصد المنشـود=العرب ماتجاوبني وأنا أسئلهـا
قولها قبل ياكل من لحمك الدود=والمصيبه ذنوبك مـا تحملهـا.
سعود العصيمي=
انت بيداك تحفر قبرك الملحـود=والسماء اقمارها فوقك تنزلهـا.
ضل راسك بظله عن هبوب النود=وان لزمك الامر دعواك كملهـا.
محمد الحمادي=
مايزّعل محمد صاحبه محمود = وأسهم الطيب فالدنيا تداولها
الجيوب الخليّه من يدين الجود = تمتلي لين تكسر متن حاملها
« آخـــر الـــمـــشـــاركــــات »
05-Aug-2009, 10:44 PM
العرض المتطور
