بنتكم ناصر الشغار طلقها {العبدليه}

[عباس مشعل الشيباني]

اخي الكريم العوني

ارى انك منذ فتره تطارد خلف هذا الموضوع وكانك تقول ؟

سوف اجحد ماقلتم وارهي عليكم بسالفه القصيد ؟

رب معركه لم ترد فيها قصيده ؟


وبعدين تطليقه بنات المطران ماعتيبه تقول فيه قصيد ؟

لانها اكبر من الشي هذا ؟


بس انتم تجحدون عجبا ياخي الكريم ؟

اسال طيب اهل الشآن


يمكن ادرى بالسالفه منك ومني ؟



اسال اهل العبدليه الي طلقها الشغار ؟



ياعزيزي انت تبحث عن مجال لكي تفتح باب الشبهات على الموضوع بعدم التصديق من الزوار الكريم او من الباحثون ؟

لعلمك هذي قصه وردت في القبائل الاخرى ليست بمطير ولا عتيبه ؟


ومثبوته فلا تثير الجدل بما ليس لك فيه ياعزيزي ؟


نعلم انك تكن الحشمه والتقدير لمن تزعم انهم خوال لك ؟

وهذا الشي على العين والراس

اما بقولك تشكك في خوالك فهذا الشي يعود الى بنيتك الاساسيه كـ مطيري .؟ اذا هذي العادات عندكم بالتشكيك حنا مانشكك بفعول احد ؟



يقولها الشغار ويطولها



والسابقات السابقات

ترا لها

لاحقات ولاحقات

اتمنى وصلك الجواب الشافي الذي يكفي عن عنا البحث عن القصيدهـ

اللون الاحمر فقط للاداره
لذلك وجب التنبيه .

[مخاوي العتبان]

نعم القصة معروفة ولا ظني شعار عتيبه بيكتبون قصيدة ويفتخرون بتطليق الحريم
وحنا نشوف ان هذا مهوب فخر لنا نطلق المطيريات بعكس غيرنا طايرين من الفرحه

ولاهي غريبه على الشغار العضياني والعضيان كلهم يسوون اقوى

عباش الشيباني كل رد لك يعتبر مدرسة في فن الردود بارك الله فيك يابن مشيب

تحياتي

اخوك العضياني

[سعد - 511]

عوني وخواله عتيبة -------------- اخوي اسمع كلامي هذا زين - لاتتوقع منا الرداء والله ان اخوياي من غير قبيلة عتيبه - كلهم مطران وهم يكنون لي صداقة الى ابعد الحدود وبيني وبينهم مزارق طيب ولكن مسألة السالفة سابقة الذكر فهي صحيحه حسب كلام الشيبان ووالله انني استحي من اخوياي المطران ان اذكرها عندهم تقديرا لهم واحترامهم لكونهم من قبيلة عزيزة علينا ولهم فعولهم ولكن انا لا ارغب من المطران ان ينكرون فعولنا وتراها عادات طيبه اللي ماينكر فعول الاخرين 0
أما مسألة اورد ابيات شعر في هذه الواقعه فأنا لايوجد لدي ابيات شعر وسألت شايب كبير عندنا في السن وقال هذه السالفة صحيح ويقول ههههه ياوليدي هذه السالفة ماتنقص من حق المطران شي تراهم رجال طيبين ولهم فعولهم --- ويذكر لي سالفه بين جدي الله يرحمه ومعه جماعه وبين المطران ولكن من كبر سنه ضيع اغلب السالفه ولاودي اقولها وهي لم تكتمل بالصورة التي حدثت بينهم رغم ان لدي معلومات ولكن لم احضر بعض الاسماء -------- وطلبت منه ان يعطيني بيت شعر وقال اعتقد ان فيه من وضحها في المحاورات بين الشعراء وانت ادرا بذلك ويقول ايضا بامكانك سؤال احد شيبان المطران اللي يعدون الكلام الصحيح ويعطونك هذا العلم -------- طبعا يقوله لي بحكم ان اصحابي مطران 0 وقال ياوليدي انت مادريت ان اللي سن للدخيل اذا دخل سنه وشهرين هم عتيبه من بد القبائل 0 وقال ايضا مالكم ومال الفتنه ترا المطران تربطنا بينهم روابط نسب 0 هذا مالدي وانا خالك وعند توفر اي معلومات جديدة سوف اضعها امامك 0
تقبل احترامي 0

[النايع]

[مستشار القبيلة]

اخوي النايع كفوا يا سنايدي

[ابو عتيبي]

ياخوان انا ابقصر الخلاف

يالعوني رح مر على الشغاااااااااااااااااار في محله وامنه بالله واسئله
نعلمك بالسالفه والك شهر تعلج الهرج


كلن يرى الناس بعين طبعه

[عوني وخوالي روق]

اخوي عباس الشيباني
ان لم اطارد احد ونحن في نقاش لاتتوقع ان الجميع يوافقونك في اي موضوع بدون نقاش
لقد طلبت القصيده من الاخ الدماسي لكنه مطنش
قلت اجل مانبي القصيده تسندها عن من ولم اجد رد
بعدين تقول تطليقه بنات المطران عتيبه ماتقول فيها قصيده !!!
وعتيبه اكبر من هاشي
والله ونعم ياخوالي
اذا عتيبه ماتقول قصيده في هاذي لانها اكبر من هاشي طيب
ليه تجيب قصه عتيبه ماتفتخر انها ماتقول فيها قصيده
تقول حنا يالمطران نجحد عجيب
انظر ردودي ياعزيزي انا طلبت قصيده مع العلم اني اقول ونعم تقولون وتفعلون ولازلت اقول
ونعم تقولون وتفعلون
عندك قصيده عندك أسناد الى شخص محدد عطنا ولك الشكر
تقول اسأل العبدليه اللي طلقها الشغار ونعم بالشغار بلا منه
وانا اسألك انت وش اسم العبدليه وش اسم ابوها
تقول انا ابحث عن الشبهات؟؟؟
الشبهات تأتي من شخص يضع قصه ولا يسندها الاا الى محاورات هنا الشبهه
طيب علمنا من علمك ياعباس ولك الشكر
تقول ياعباس اني أشكك في فعول خوالي فهذا يعود الى بيئتك ك مطيري اذاً هذي العادات عندكم بالتشكيك!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!
ياعباس احفظ السانك لايزل الساني
ياعباس انا لاأزعم ولاأريد منك تصديق ان خوالي عتبان
خوالي الثعاليه وانا ولد عون يا عباس
بعدين الخروج من الموضوع الاصلي لن ينفعك خلك في القصه الغير مسنوده بقصيده او شخص معروف او اسم الفتاه العبدليه
لازلت اقول ونعم ياخوالي بس عطوني الدليل
وأنكاري للقصه لايقلل من قبيله عتيبه ولا من رجالها
ولكن لي الحق ان اطلب مايثبت
تحياتي ياخوالي

آخر تعديل عوني وخوالي روق يوم 21-Jun-2007 في 11:54 AM.

[عوني وخوالي روق]

اخوي العزيز سعد _511
الكلام الطيب يجي من الاصل الطيب بيض الله وجهك
بس انا ماجحدت وانا اخوك قلت ونعم يقول ويفعل الشغار رحمه الله
طلبت قصيده فقط عندك عطنا ماعندك قل ماعندي
يعلم الله كم يجمعني مع الكثير من الاخوان من عتيبه كلمه صداقه قليله و لاتعبر عن مايجمعنا
تحياتي ياخوالي

[سفير الدوله]

الاخ عوني بناخينا
المطيريه اسمها ( زها ) مكان المعركه المستوي

زوجها مدلع الجبعاء الدويش

والشغار لم يجر الغزيه لهذه الحادثه انما كان غازي على مطير وناون يصبحهم اتت له العبدليه ام لم تأتي
وفي المساء اذا بالمراءه تاتي اليه وتنخاه وكأنها مغصوبه عليه اي على زوجها الجبعاء
وان والدها لم ينفعها او يفتكها من زوجها التي هي لاتريده
واخذت تنخاء الشغار
وقال اسمعي يامطيريه حنا مواجهين مطير بكره على مايسر الله بس زوجك وش اوصافه وشكله
فأعطت له الوصف وتلاقوا الطرفين واراد الله ان الشغار يقضي عليه
وياخذ جوخته ويعطيها لزوجته ويقال كذلك ان في ذمته اربع نساء كذلك ضربن درب العبدليه
اي بمعنى اطلقن منه

الروايه هذه موجوده داخل هذا الموضوع وفي احد المنتديات لذا تم نقلها

آخر تعديل سفير الدوله يوم 21-Jun-2007 في 02:15 PM.

[عتيبـــــ ولد ــــــــة]

ولد عمي "سفير الدولة" ..
أنا أشهد إنك ذيب من ظهر ذيب ..
وعيال عمك ذيابــــــــــــــة -----------------------> إلا يعني بيخش في السالفة

لا هنت يا الغالي على التفاصيل العجيبة ..

تقبل تحياتي ..

والســـــــــــــــــــــلام ,,,

ولد عتيبة الروقي