اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
22-Aug-2012, 09:36 AM | رقم المشاركة : 12 | |||
|
انا ادري انهم يقولون عطيه بن قسور بن ثابت من القساوره من اللصه من الثبته بس حنا العتبان والروقه والمزاحمه وذوي عطيه نفسهم واهل نجد نقول عطيه بن منصور بن مزحم بن روق ويقول شليويح العطاوي الروقي الله يرحمه : نخيت مزحم سعد منهم ربعه وهنا دلاله ان ذوي عطيه من المزاحمه عداً وجداً ويقول : آلاد روق عريبن جدهم وهذا دليل على انهم عيال مزحم بن روق وهذا كلام شيبانا وشيبان عتيبه نفسهم . وعطيه المزاحمه الروقه اثنين محمد وحمود وقبايلهم معروفه اما حقين قسور فعيال محيميد وقبايلهم مختلفه عن قبايل عطوات روق والله العالم . |
|||
|
|
22-Aug-2012, 10:39 PM | رقم المشاركة : 13 | |||
|
[align=center]
[size=4] السلام عليكم ورحمه الله وبركاته اشكركم كل الشكر على التفاعل في الموضوع ولاكن حبيت اضيف بعض الاضافات عن الموضوع واجري بعض التعديلات التي ذكرها كاتب هذاء الموضوع الاول بشأن اقسام الفراهده الفراهدة ركن من اركان ذوي عطيه وهم أبناء / معاضد ويلقب(فرهود) بن محمد بن عطية بن منصور بن مزحم بن روق00 ينقسم الفراهدة إلى عدة أقسام وهم * السباتين *ذوي عيون * ذوي حسن * النواجع * ذوي جنيح * الكشون اماء الثاني بشأن ديارهم / في الوقت الماضي لهم أبيار منها المنجور وكهفان وخوامان وفي المويه القديم مع ابناء عمومتهم ذوي عطية وفي الوقت الحاضر في عفيف والمويه وظلم والرياض والقصيم اماء الثالث بشأن فرسانهم فعندما نقول فرسان نقصد بها الذين لحقو وقت الخيل والاكوان الماضيه ووقت الغزوات من فرسان الفراهده/ عقيد وامير قبيله الفراهده هو الشيخ /عادي بن معاضد الملقب عيون رحمه الله فهو عقيدهم ولم يعزل عليه قط ولا على ابناىه من بعده -العقيد : منير بن عادي بن عيون كان فارسا وشجاعا رحمه الله أستطاع لوحده أن يكسر ابن رشيد عند إبله والذي انشدت فيه عيده بنت بنيه الخراصيه العطاويه: تحني ثم تهني بالفرج ياضبي الأفرادي يابنت من يرد الاعداء يرجع على غله يوم جرى على بن عيون بأسفل عدن لاعادي عدتبه خيل شمر وحتداها دون بوشله تحداهم بسيفن لنحر والعنق بجادي حمى العلياء منير وجاب سرد الخيل فودله رماهم لضباع ولسباع الجايعه زادي تعشي يالحنادي وشبعي من عقب فعلله اله فضيق وقفاتن وصدرن عقب ميرادي على عادة ابو أوعادته دايم وطبعله -العقيد المشهور: شتوي بن عيون الفراهدي هو اللذي بكاه الشيخ فاجر بن شليويح فسأله أحد فريس ذوي عطيه هل تبكي موت شتوي فقال لا والله ألا أبكي من خيل الأجناب اللي تبي توالفني عقب شتوي -الفارس/هندي بن شتوي بن منير عادي عيون رحمه الله -الفارس : بجاد بن ناجع رحمه الله الملقب بـ ( مغذي الضعفاء ) صاحب الحداه اللي يقول فيها ياغازي أحلب للنفور من در اباكير شقاح نبا علاها ننطح الطابور والعمر قافيه النجاح -الفارس : شعف بن حسن رحمه الله أحد فرسان القبيلة يلقب بـ ( صبار القوم ) لأنه دائما ً يكون في مقدمة الجيش -الفارس : ثامر الرديس الفراهدي رحمه الله الذي يقول عندما ذبحت فرسه في احد الأكوان مع قبيلة مطير وقد استد فيها بعقيدهم ذلك اليوم فديت صفران زهت لبس الشعاثير شيخ سراياه مع دربه تقودي ماشفتنا يوم عقبنا المخاسير اللي حضر عن طريقتنا يحودي الفارس قطيم بن شلوان الفارس /نعيس بن شتوي عيون رحمه الله الفارس/ جهز بن سلمان بن ردفان رحمه الله ومن الرجال البارزين والمشهورين\ الشيخ : بجاد بن علي بن قطيم العطاوي رحمه الله تميز بالشجاعة والكرم واللذي ياصف كرمه وجوده احد شعار العضيان من عتيبه بجاد عيد اللي من العام ضمار نحايفّ قدم السرا ناحفاتي تلقون في بيته معاميل ووجار والنجر دايم ساهرّ مايباتي الراوي الفارس:متروك بن متعب الفراهدي رحمه الله نرعــــى بشقحـــــاء نيهـــا مــردوم يـــوم الــردي يــازن عشــــاه نرعـــى بهـــا فـــي مــاقع مقـــدوم كــم مــاقع غــب المطــر تـــرعاه - الراوي والشاعر/عبيد بن نعيس رحمه الله الذي رثاه الشاعر والراوي المعروف سعدون الهرس قاىلن قــالــو تــوفـــى عـبــيــد وقــلـــت لا بالله مامـات مـن سمعتـه بالطيـب مقـرونـه حي(ن)ولو كان جسمه غايب(ن)كله ذكـــراه تـسـكـن قـلــوب الـلــي يـعـزونــه مــرحــوم يــاراعــي الـمـحـمـاس والــدلــه والـنـجـر والـكـيـف والــواجــب وقـانـونــه مرحـوم ياللـي تسـوق المـال فـي حـلـه للـضـيـف والـجــار والـلــي يستـحـقـونـه مــرحــوم يـامـرجــع الـتـاريــخ وسـجــلــه وصـلــت شـرحــه لناس(ن)مايعـرفـونـه مــرحـــوم يـاطــيــب الاخـــــلاق والـمــلــه والــديــن والـعـقــل والـمــقــدار وفـنــونــه مـرحــوم يـالـلـي تـعـقـد الــــراي وتـحـلــه وتشيـل حمل(ن)خصـومـك مايشلـونـه مــرحــوم يـالـوافــي الــلــي لـلـعــدا عــلــه لـو كـان هامـوه يقصـر هومـهـم دونــه الــكــل مـنـهــم يــمــوت ولا بــــرد غــلــه مــاعــادلـــو مــســتـــواه ولا يــطــولــونــه وابـــوه عـنــد دل غــيــر فــارق(ن)دلــه مـاشـح يــوم البـخـيـل يـصــر مـاعـونـه نعيـس يرقـد ضعيـف النـاع فــي ظـلـه ويـزبــن الـجـانـي الـلــي بـــاح مكـنـونـه كـانــه طـويــل الـجـبـل مـلـجـاه ومـطـلــه مـايـاصـلـونــه عـــــــداه ولا يــهــوزونـــه مــذخــور حـمـايــة الـســاقــات والـحــلــه بالجـيـش والصافـنـات وكـــل مسـنـونـه والـرمـح والـلـي نصـابـه زاهـــن الـسـلـه واللـي ليـا زهـبـت بالخـمـس مضمـونـه عنهـم تجـول الـسـرب وتــروح مختـلـه والبـوش مـن ديـرة الاجـنـاب يشعـونـه -ضواحي بن شتوي عيون رحمه الله -سحمان بن علي بن الفراهدي رحمه الله -مضحي بن نعيس بن شتوي رحمه الله -التويم بن شعف الفراهدي(راع الصفراء) -الشاعر :عواض ين وديد ( الماهوم ) رحمه الله وهبه الله الشعر وهو يعد من أبرز شعراء القبيله ومن مرابط الخيل المشهوره/ مربط الكحيلات من خيل بن رشيد للعقيد : شتوي بن منير بن عيون مربط الحمدانيات للفارس : بجاد بن ناجع (مغذي الضعفا) ولكم مني جزيل الشكر انتهى آخر تعديل مندوب يوم 22-Aug-2012 في 10:48 PM.
|
|||
|
|
23-Aug-2012, 01:43 AM | رقم المشاركة : 14 | |||
|
أنعم واكرم بالجميع
هل الفراهده في الزلفي ينطبق عليهم نفس التقسيم شكرا للجميع |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|