][ مدونة ولدعساف ][ فل الحجاج وخل عنك الهواجيس

[ولدعساف]

الحين بطلع أخذ لي طقة بالبلاستيشن 3 pes 2011 واللي يبأني أكسر رأسه ذا نك نيمي ..

mt3b511

وتراي متواجد من بعد صلاة التراويح لين الساعه وحده صباحاً بالروم 12 ..

See you on the best

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[ولدعساف]

الله أكبر عليك يأبو عايش .. إبداع وإمتاع وأستمتاع بما تنظم وتكتب ..

معجب بشخصك وشعرك ..

آخر تعديل ولدعساف يوم 04-Aug-2011 في 05:42 AM.

[ولدعساف]

طش يا مطنش ^_*

بعض الناس تلقى الهموم ماضيقه خلقه .. اما سمعله علوم من وراه .. ولا سمعله كلمتينً جرحت مشاعره .. لذا عش حياتك زال انك سنافي وماتقوم به من أعمال وتتكلم به من أقوال لايخالف طاعة الله ورسوله ففلها وربك يحلها وطنشهم يامطنش ..

[ولدعساف]

{ لِٱ تِقٱسّ ٱلِعّقوَلِ بٱلِأعّمآرٍ ~ ()....•»

فگم من صغيًرٍ عّقلِہ بٱرٍعّ
.... •» وَگم من گبيًرٍ عّقلِہ فٱرٍغ ...




أنا أشهد لا وشيابنا الله يهديهم ويصلحهم يعايرونا بجيل النيدو .. جيل النيدو طير حكام وروؤساء دول .. شايب تونسي طلع باحد القنوات بعد ثورة الياسمين يقول : هرمنا لكي نعيش هاللحظه ..أنا اشهد ان جيل النيدو طحاطيح ولا عزاء لجيل خط البلده ..

آخر تعديل ولدعساف يوم 04-Aug-2011 في 08:17 AM.

[ولدعساف]

صح لسانك يانواف وصح صوتك يانمر ..

[ولدعساف]

ياخوي سمّعنـي مـن الشعرمـوال=واترك سواليف العـرب والعروبـه
ملّـت مسامعنـا تواريـخ واجيـال=مابالسوالـف يالسنافـي عـذوبـه
نصنع رجال الشمع صوره وتمثـال=نظهر محاسنهـا ونخفـي عيوبـه
الله كـم شفنـا ممـثـل ودجــال=جهّـال الامـه للمنابـر رقـوبـه
هذي سوالـف ذكرهـا هـم واذلال=وابو جهل ماظـن يجهـل ذنوبـه
سولف عن احلامي وحبي والامـال=دوبه يمـر الليـل خجـلان دوبـه
اللي معـه فكـري معنـا ورحـال=يمـر لاهبـت نسـايـم هبـوبـه
قلي وش اخباره وقله عـن الحـال=وعن شمسي اللي مقتفيهـا غروبـه
قله تحريته علـى ذيـك الاطـلال=اخيل وصلـه والسحايـب كذوبـه
مر الزمان وضج بالصـدر خيّـال=يطوي بقايا فرحتـي فـي دروبـه
اضنا ضلوع اللي من الهـم يكتـال=الهـم زاده واسـود الليـل ثـوبـه
انـا مولـع والمقـاديـر تغـتـال=قلبٍ على سمـع المـلا عذربوبـه
ليت الهوى قصه قصيـره وتنقـال=ماكـان قلبـي صحبتـي نكلـوبـه
ولاكنت اداري بالعبث دمع رجـال=وانكفت لوقلـب الهـواوي غدوبـه
جربت واثر الحلـم زلـه وزلـزال=اصبح على من يعشقونـه عقوبـه
هي مسآله درب ومشاوير واميـال=اليـا متـى ذنـب الليالـي نتوبـه
لكن اليا زالت طموحـات مـازال=عطفٍ من الباري ولطـف ومثوبـه
وان كان غصن الراك بالعاصفه مال=حنـا وقفنـا للـزمـان وهبـوبـه

الشاعر المبدع والمميز سعيد العمودي


لامست دهاليز مشاعريّ ..

آخر تعديل ولدعساف يوم 17-Aug-2011 في 05:37 AM.

[ولدعساف]

سيكون تواجدي بالفتره القادمه أقل لظروفي الصحيه .. أسأل الله أن يشفيني ويشفي جميع مرضى المسلمين والمسلمات شفاءاً عاجلاً .. لايغادره سقما ..

[ولدعساف]

عدنا والعود فيه روماتيز ..

نصيحه سلفيه باسلوب عسافي !

اليوم الجمعه وتوجد فيه ساعه مباركه وهي من ساعات الاستجابه لذا وبشده ننبه عليكم ان لاتفوتكم تلك الساعه .. تغانموها ياللحوات الغانمه ..

آخر تعديل ولدعساف يوم 16-Sep-2011 في 02:16 PM.

[ولدعساف]

بيض الله وجهتس يامدونتي محيييتن منتدى فنون النثر العربي خليتي له سمعه وصيت ولا منول وجهه بارد مع اقسام الهيلا .. لذا ارشحتس لجايزة نوبل والاوسكار واحسن ناقه ..

[ولدعساف]

تسجيل دخول لعيون عبدالمجيد النفيعي