عيد العازمي
ياسلام الله سلام اللي على نهجه وظنّه=يمشي المحمل من اديار اليمن والدرب شامي!
طالت قرون الوعول وكسرها مافيه منّه=فالليال المقبله بين العيون الطقّ حامي! .
سعود العصيمي
مرحبـا ترحيبـة اللـي فايـح ٍ هيلـه وبـنـه=وان مشى المحمل يبا يمشي على حسب النظامي!!
لـو يغنـي عيـد ماضنـي يغيـر لـون فـنـه=لـو يشيـل البندقيـة مـاش نـارآ فالحزامـي. .
عيد العازمي
القدر سارت دواليبه ونضح الوقت كنه=والوعظ مجّان من كثر المقابر والعظامي!
الاشده يالعصيمي عصرها عصر الاعنّه=ماملكها بارد الغمه ولو صلّى وصامي!! .
سعود العصيمي
الحشو ياصاحبي لو جالها فالوقـت حنـه=بالجمل ماتنتقارن لـو تحـالا فالاسامـي.
والرعود اللي على راسك لها حنه ودنـه=وش ذخرت الها من الافعال يازين الكلامي. .
عيد العازمي
جيب دنّه واقلع الحشوان في صندوق دنّه=قدم لاتهلك يابو طايل على درب المضامي!
فيه للكفار نار وفيه للاخيار جنه=يابخيص المعرفه والنور جلاي الظلامي .
سعود العصيمي
اضمن اللي يشتريهن بالثمن ويسومهنـه=مالهن بطحي سوق ولاعفيف ولاجهامي.
كان صادق في كلامك حن حد السيف حنه = مار قلي وين علم ٍ ٍ بينك وبين الزلامي. .
عيد العازمي
الحق الحيره بحيره والحق الونه بـونّه=كان حصّلت الغصون الخضر مقطوعة نوامي!
العصيمي من سموم القايله ماطار جنّه=مار حيل الله قوي والعازمي دونه محامي!
سعود العصيمي
العصيمي ماعليه من الاسد لو بان سنه=مركبه فوق الشداد وميسمه فالنار حامي.
لاتطوف السالفه و الا تقرقع لك بشنـه=رد رد العلم عن هاك الهنوف ام الزمامي