سلطان الجذع=
يامرحبا ترحيب مثل النور فـي راس الطريـق=يسري عليه مخاوي الغدرى ليا منه سـرى!!
الصخرة اللي في شعيب نساح طاحت من طويق=مـدري ندربيهـا قـدم والا ندربيهـا ورى!!
إبراهيم الجذع =
دام البقا يا اللي ترحب وانـت فالطرقـه رفيـق=الـيـا عطـيـت الايمـنـا والا عـطـيـت الايـســرا
سج القدم حتى تجي فـي قمـة الضلـع وتويـق=وأن طعت شوري زور طيبه ثم زور ام القرى
سلطان الجذع=
إخذ لك عبرة ياوسيع العرف من روح الغريق=موج البحر لو ماانت داري عنه شالك مادرى!!
بعض الذخاير ماتجمّل مـع عـدو ولاصديـق=تخلف توجهنا وتوقفنا علـى بـاب الـزرى!!
إبراهيم الجذع =
اليا وقفنا كم وكم من واحدٍ يشرق بريق=ومن فعلنا كم واحدٍ عينه يفارقها الكرى
حنا نعرف الايقه والهرجه اللي ما تليق=واللي يبا يرمي هدف لابد له عينٍ تـرى
سلطان الجذع=
ياذيب ياللي مرقدك مأمون فـي واد العقيـق=متى نشوفك من شفا الطايف ليا هضبة كرى!!
اما يطير بها الهوى والا تحوّل فـي حريـق=والا نلصقها على جنبك ملاصيـق الغـرى!!
إبراهيم الجذع =
أنا اعرف أنك من رجال العرف والمجد العريق=دايــم لـيـا صلـيـت تـقـرا الفاتـحـه والــم تـــرا
وأنـا تــراي مــدرب الضـبـاط والرتـبـه فـريـق=لكـن ابجازيـك باللـي قـلـت والـلـي لــك طــرى
سلطان الجذع=
لاوالله الا كبرت الحملة لجنـبٍ مايطيـق=كل يسوم بقدرته والسوق بيع ومشترى
اهم حاجة درج افكارك وصدرك لايضيـق=لو السواني حبلها معقود والغرب انفرى!!
إبراهيم الجذع =
ترا المحيط أن هاج ثم دف السفينه فالمضيق=هذا قضا الأسطوره اللي صار له واللي جرى
أن كان راحت سالفتكم يا عميلـي خيـق بيـق=حـنـا تـرانـا مــن يــرد الـثـار ويـــرد الـبــرى
سلطان الجذع=
فالاولة صحت إلك لعلـك مـن الغفلـة تفيـق=لاترخي سموعك عن الصياح والصوت جهرى!!
إن قلت رداد البرى وان قلت فكـاك الوسيـق=خابرك جرحٍ في رقبة شعيل مبطـي مابـرى!!
إبراهيم الجذع =
تـبـا تـشـم الـنـار والـبـارود مـربـوط وطلـيـق=مـن يـوم جالـه فوقكـم فايـه وخـيـل وامـطـرى
في يدك قيد وفي قدم اهجـار واهـدر يـا زريـق=وأن كان طال القيد في يدينه مع الوقت انهرى
بعض الذخاير ماتجمّل مـع عـدو ولاصديـق
تخلف توجهنا وتوقفنا علـى بـاب الـزرى!!
وأنا تراي مـدرب الضبـاط والرتبـه فريـق
لكن ابجازيك باللي قلـت واللـي لـك طـرى
صحت السنتكم
وبيض الله وجيهكم
التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|