معركة طلال الاولى عام 1247 هجري

[أجود]

ليت عتيبة ماستفزعت بمطير و ياشبه المطيري بمصري حرب الخليج !!! اودعو ان مصر هي اللي حررت الكويت ولا هم مقتنعين انهم قليلين مواجه وركايبهم والبعارين نوخت وغرزت على الحدود من هناك يم الحفر . أقول ونعم بالمصري ونعم بالمطيري وبينهم تشابه كبير .

[نقال هم مطير]

الاخ عين العقل ، الرجاء التزام بالعنوان الموجود أعلاه! ، وهو معركة طلال الاولى ، ما له داعي المواضيع الجانبية فمناخ عرجاء ونزول عتيبة من الحجاز الى نجد وكون معتق وغيرها من السوالف التي أتوقع أن تأتي بها! ، هي أخي الكريم خارج الموضوع ، الرجاء التركيز الموضوع هنا عن طلال الاولى وشكرا ، ألا ما قلتلي هي صج ,الا أبن بشر يكذب!.

الاخ فتى عتيبة يا خوك أنت فاصل على سالفة طلال الثانية وكل ما نرد عليك ما تقتنع ، وأشكر الاخ أبن مشيب على تنبيهه لك في هذا الموضوع.


أجود! ، شف طال عمرك هالكلام واجد والخرابيط واجد وأنا يم حاكيك ما التفت لبعض الامور وأما سالفتك يوم تقول ليت عتيبة ما أستفزعت بمطير هذا تكفيني لآنك أعترفت أن عتيبة أستفزعت بمطير رغم أنك تقول ليت يعني منت راضي ، اللي أستفزع الامير سلطان بن ربيعان ما هو أنت! ، الامر متعديك يا أجود! .

وما نيل المطالب بالتمني --- ولكن تأخذ الدنيا غلابا

أما قولك يا شبة المطيري بمصري حرب الخليج ، وووووو ثم والنعم بالمطيري والمصري بينهم تشابة كبير ، والله المصري كانه يفك حلة عتيبة يا طيبة ، أشوى من القريب اللي ينير! ، لو يرجع الزمان للماضي شير على سلطان بن ربيعان وقوله تكفى يا الامير لا تستفزع بالمصرين في هناك من الهنود لحية غانمة أستفزع فيه! ، الله يدفع البلا! .

قالوا مطيري قلت أفاخر بساسي --- مبنى شرف مادنسه كل وسواس
من المجد ماخذ من عدوي قياسي --- ناخذ من فعل أهلنا ونقتاس

مع تحيات نقال هم مطير ، (الغطفاني) .

وما نيل المطاب بالتمني --- ولكن تأخذ الدنيا غلابا.

[عين العقل]

هلا اخوي نقال هم مطير ......

شخصيا أعتبر المنتدى فضاء رحب وبما أنني ملتزم بقوانين العضوية ...
فمن حقي طال عمرك افتح أي موضوع أريد .. أي وقت أشاء ... ولاني مشاور أحد ....!!

اما سالفة عرجا فحبينا ننبهك طال عمرك أن ملف الفزعات متروس ترس ... بشينه وزينه ...
من المربع لطلال الأولى لطلال الثانية للبديعة وغيرها مما لايخفى علاك يالاقي خير .....!!

والمصريين على فكرة ... وبمناسبة الحديث عن الفزعات ... رايتهم بيضاء ...
على الأقل المصري يوم قدح عسكر البارود.... بفزعته ... ماماج عنا ..!!!!

أما مطير ... فنعم والله بمطير ... حمران النواظر مايذمهم الا ردي حظ ...
بس حبيت أعرف القصيدة المرفقة ( قالوا مطيري ..... الخ ) ... من صاحبها ؟
ووش مناسبتها ؟
ياليت تفتيني وتنور طريقي لأن الموضوع على مايبدو ..... شيق ..!!
تحياتي ......
عين ....!!

[نقال هم مطير]

هلا بعين العقل ، يا خوك أنت حر على كيفك يا عين ، وين ما يوديك العقل روح ، أنشاء تفتح قضية الشرق الاوسط ، بس على طاري مشاركتك هاذي أتصدق بالله نومستني وقلت أبختم مشاركتي اليوم فيها وأتمنى أن تعجبك! ، بخصوص المصري يوم قدح البارود بفزعته .... ما ماج عنا!! أنت تلومه يا خوك شاف القريب ناير! ، وخلاه والظاهر الناير قاله أبك أنت يوم فزعتلي قبل هو نار هالحين أنا أبنير ونير وياي وخل فزعتك وياي أنا بس! ، ومن عقبها .... لا هو وحنا!!!!!!!!!!!!!!!!.

تحياتي ! .

قالوا مطيري قلت أفاخر بساسي --- مبنى شرف مدنس كل وسواس
من المجد ماخذ من عدوي قياسي --- ناخذ من فعل أهلنا ونقتاس

قصيدة الشاعر أبن مبرد المطيري .

[عين العقل]

!!!!! ههههههههههه
والله على بالي وراك سالفة ...!!!!
أولا ياليت تجيب سالفة نير وتنير ... يامنير ...!!
محسوبك مايحب الطلاسم ...!!
هات حامض العلم .....
الرجال لابان للريجيل يصمل ... أما يبين ومن ثم يندس ...
فهذي ماينوبه منها غير المشاريه ...!!
بعدين من هو ابن مبرد مطير .......!!
والأهم ... وش مناسبة القصيدة ..!!!!!!
مسه بالخير .....!!

[عبيد الروقي]

الأخ نقال هم مطير

عتيبة إن لم ينصفها التاريخ تنصفها الجغرافيا

راح تقول مطير من الحرة إلى المجرة

أقولك دياركم على شكل شريط ضيق يمتد من الغرب إلى الشرق

قفارة نجد وهضابها عشقت العتبان

ويلي عتيبة في كبر الديار النجدية(وسط نجد) قبيلة حرب

في كون الرشاوية استعانت بكم حرب تريدون مرابعنا

لكن هيهات من دونها العتبان

وادي الرشا محتمينه من قديم..حنا نسوق الجمل ثم نحماه

عنه الدويش محدرينه للقصيم..ما هوب حربي نفخ ذربه يباه

شف أغلب فخوذكم

على أطراف المملكة ومعلقين في الحفر والكويت

وبالاخص انتم يا ميمون دياركم قليلة في نجد تكاد لا تذكر

العبدلية,الفرضخية(صغيرة),

الحسو (في طرف نجد تابع لمحافظة الحناكية)

نترك في أمان الله

[طلال الروقي]

عين العقل مرحباًبك
من طول الغيبات جاب الغنايم

من اليوم أنا أحب المطران يوم رجعوك لنا

[نقال هم مطير]

هلا بعين العقل ، والله يا خوك لو تهرب منيه ومناك منت مفتك مني ، أما الطلاسم اللي تقول عنها فأنا أمشي معاك بأسلوبك وجاريك ، وشوفك قمت أتحوص وأخر شيء تنشد عن القصيدة ، القصيدة هاذي وغيرها من القصائد التي تحكي وتعد مفاخر مطير ، وأن كان تبي مثلها وحليها تراها واجد ، حاضر يا عين العقل بس أبنشدك بالله منهو اللي يندس وجيه المشارية! ، أن كان اللي يندس يجيه مشاريه أجل اللي ينير ويش يجيه!

عبيد الروقي ، أمش هاذي والله الفزعة يا ولد روق ، سجلت وجيت تفزع لكن ضيعت يا طويل العمر ، صرت تتكلم بالجغرافيا اللي أنصفتكم أكثر من التاريخ كما تقول ، الميدان يا حميدان ، ديار مطير معروفة مثل ما قلت من الحرة الى المجرة ، أما سالفة الشريط الضيق الله يقطع سوالف ذكرتني بالبلادي! ، أما عن نجد وسوالف نجد ، أنصحك لها تجيبها لآنها ما هي بصالحك ، ولي موضوع عن نجد راح أتكلم فيه بعدين ، بس أبعطيك شين تحت الحساب ، مناخ العرمة بين مطير وبني لام في عام 1022 هجري الموافق 1613 ميلادي في نجد ! ، أما كلامك عن ميمون مردود عليه فالديار اللي عديتها وغيرها واجد لميمون منتشرة ، أصبر علي يا ولد روق.

الاخ المحب الصريح ، تقول أنا من اليوم أحب المطران يوم رجعم عين العقل ، والله المطران مطولين مع عين العقل عاد مدري بعدين الظاهر بتغير رايك! .

[عبيد الروقي]

الأخ نقال هم مطير

إيه أفزع مثل ما تشيل هم مطير

إيه الجغرافيا واقع ملموس ما هي خزعبلات منتدى مطير وحمران النواظر

مالكم يا ميمون موطئ قدم يكاد يذكر في وسط نجد غير العبدلية

البلادي كاتب وباحث تاريخي وكتبه منتشرة أفضل من أساطيركم الخيالية


أما عن نجد

قال الشاعر القثامي:

حنا أهل نجد وبسيوفنا ملكناه....وغابت شموس أهله الأوليني(مطير, قحطان)

بالنسبة لمناخ العرمة

كنتوا في نجد صحيح وجلوكم قحطان وجت الهيلا وجلت قحطان وعجزت حمران النواظر أن ترجع لوسط نجد

ابن بليهد: (( أن اواسط نجد لبني نمير في الجاهلية وفي صدر الاسلام ، ثم حلته بنو لام ، ثم عنزة ومن الادلة الحناكية لابن هذال والحائط لابن مجلاد وعقلة الصقور للصقور ، والبحيرة من آبار ضرية لابن بحير العنزي ، ثم جاءت مطير فأخرجتهم ، ثم جاءت قحطان فأخرجتهم ، ثم جاءت عتيبة فأخرجتهم))

الله يرحم الشيخ جهز بن شرار اللي ما حافطتوا على دياره في وسط نجد

[نقال هم مطير]

يا ولد روق ، ترى الكذب مالك في صالح وأنا أخوك ، وكلامك هذا كله مردود عليه ، وعلى فكرة العبدلية ليست لميمون!!!!!!!!!!!! ، وديار ميمون سواء في عالية نجد أو وسط نجد أو الصمان معروفة وأنا خوك مير دور غيرها!!!!!!!! ، أما البلادي يا حليلك حليلاه ، يا ليتك ما طريته ، على العموم روح شوف شكتب عنا وعنكم عشان تعرف! ، أما كلامك عن نجد حاضر بس أصبر علي هذا موضوعي القادم ، أما كلامك عن الامير جهز بن شرار وتقول ما حافظتم على ديارة! ، يا كبرها عند الله كبرها ، الرد فيها فوق ، ذكرتني بتركي بن حميد الله يرحمه! .