حفل تكريم عضو مجلس الشورى الدكتور عبدالعزيز العتيبي

[OTAIBAH]

اقيم ليلة البارحه الاربعاء 27 ابريل 2005
حفل تكريم للدكتور عبد العزيز بن شافي العصيمي العتيبي
بمناسبه صدور الثقه الملكيه بتعيينه عضو في مجلس الشورى
واقام الحفل العميد .. نقا شافي العتيبي واخوانه في قاعة الجوهره الماسيه بالرياض
وقد حضر الحفل جمع غفير من كبار الشخصيات ووجهاء القبيله والمجتمع وعدد كبيرمن الشعراء والقيت فيه العديد من القصائد ..

ونحن بدورنا كابناء لقبيله عتيبه نبارك للدكتور عبدالعزيز بن شافي العتيبي
ونتمنى له التوفيق والسداد .

ونورد احدى القصائد التي القيت في الحفل
.للشاعر هاجد بن جايد المقاطي العتيبي

يالله يامنزل الاحكام في السوره=يامدبر الامر بين النون والكافي
ياواحداً نستمد النور من نوره= فالكون ماغيرك احداً يعلم الخافي
يارب تجعل ذنوبي منك مغفوره=يوم الموازين بين ثقال وخفافي
نويت اغامر واطب الشعر وبحوره=واختار ماطاب لي من كل الاصدافي
والقاف كلن يجيبه حسب مقدوره= وانا على قد عرفي جايبً قافي
ندور الوافيه عن كل مثبوره= يالله عسى علمنا مع ربعنا وافي
جينا نبارك لكم والنفس مسروره=والطيبه طيبه في كل الاعرافي
في حفل عبدالعزيز وباسم جمهوره=حضرت ابارك واشارك عبر محرافي
فيه الثقه من كبار القوم مذخوره =اهل القدا والصلاح الناس الاشرافي
معينينك عضو في مجلس الشوره=من حسن ذاتك وطيبك ياولد شافي
واهل العزايم على الصعبات ماموره=وهذي تراها فعايل قرم وسنافي
عصر الجهل زل وقته وانتهي دوره=والعلم للقوم مثل المنهل الصافي
والعلم كلن يشوفه حسب منظوره=وانته ياعبدالعزيز بعيد الاهدافي
من لابة بالوفا والطيب مذكوره=بالطيب يشهد لهم في كل ميقافي
الاد عاصم تطق الخصم في زوره=بالموقف اللي نهار الضيق ينشافي
وربعي عتيبه على الناموس مفطوره = اهل حميه واهل نخوه وعرافي
قبيلةٍ في قرارة نجد مشهوره =توراثت مجدها من ماضي الاسلافي
والبيض ماهي على العتبان مقصوره =كل القبايل رجالاً مثلنا تافي
واللي يبي الطيبه ماهيب محذوره=يتعب ويبديلها في كل مشرافي
واليوم ياطيب حكم عيال اخو نوره =على الوطن والمواطن عدلهم ضافي
فهد فهد ياحجاب الدار يا سوره=من هيبتك مايحوفك كل حوافي
وولي عهدك له الرايات منشوره =مايقبل اللي مع الاسلام متنافي
وسلطان سلطان منه القوم مقهوره =والمملكه ممنه من كل الاطرافي
واليا تلاقت سباع الغاب ونموره =رجالنا في اللقا ماهوب خوافي
وابليس وده يشيل الكون بظفوره =كثرت بلاويه يالله سترك الضافي
ان اتحدنا العصا ماهيب مشقوره =ون فترقنا يشين اللي على القافي
وصلو على افضل نبي في كل معموره =عداد مافي الحرم يسعى ويطافي

هاجد جايد العتيبي