مبروك للعلم / حمد العصيمي

[سهيل العازمي]

مبروك يافخر الوطن وعتابه=يالحر ياللي يشبعه مخلابه
تستاهل الالقاب وتشرفها=والشعر يفخر يوم جتك القابه
اخذتها من طيب يدك وفكرك=ماجت مكاسيب الرجال نهابه
حشت القوافي وانت ياراعيها=بحر الرعيه لول وانت اولابه
الشاعر اللي منفرد بأسلوبه=سطى على حرف الادب واعجابه
اليا تغنى في رياض الدنيا=قام الرداء الزاهي يهز رقابه
واليا لعب دور المعاتب حينه=حتى الشوامخ والهضاب تهابه
واليا روا التاريخ كنه شاهد=سجل حكايات الزمن في كتابه
دايم حضورك يالعصيمي باهر=ولا لك على طول الزمان مشابه
تختار من سوق الكنوز اغلاها=وتطرق على بيت النوادر بابه
تفخر بك عتيبه وفيك تباهي=ياحي من شال السنام وجابه
على عفيف وبسل وايضا مكه=والنير واللي ساكنين هضابه
والعاصمه واللي توالي ساجر=وفي داورد وجباله الخلابه
والحره اللي في شمال عشيره=ويم الجرير اللي تحوف ذيابه
والطايف وفي ديار روق برقا=وعلى المكان اللي يعز اصحابه
لاحت بروق الفرحه الوسميه=والعز يهطل فوقها سحابه
ماني(ب) لا اجامل وهذا قولي=كل(ن) على قيسه نمد ثيابه
اذا الشعر عاد وتكرر عزه=ترى العصيمي واحد من اسبابه

قصيده متواضعه ارجو ان تكون بقدر المناسبه وان تحوز على رضاكم ..

آخر تعديل سهيل العازمي يوم 03-Dec-2011 في 12:20 AM.