تنصر حرار الشام في كل ليله .. لَ الإستفاده من أرائكم

[بندر المقاطي العتيبي]

المشاركة الأصلية كتبت بواسطة ابو راكان المقاطي

أنت طلبت راينا بكل صراحه

القصيده متواضعه جدا وعاديه جدا.

أتمنى أن يتطور مستواك وتكتب ماهو أفضل.

كلمتك هذي يَ أبو بجاد هي وحده من ثنتين

يَ إنها إحتقار لَ الشعار اللي قبلك و هم أكبر منك عمر و شعر و قدر و أكبر من إن يحتقرون سواء منك أو من غيرك

أو إنها لها مقاصد أخرى في نفسك أنا مَ أعلمها ..

[عزارم]

صح لسانك ياطيب

[خالد سفر العتيبي]

محاوله جيده صح لسانك

[عبدالمجيد النفيعي]

فرعـون قبلـه غـاص فـي بحـر الأحــلام=لــــكــــن غــــــــرق و ضــــيــــع الله حــصــيــلـــه

أعجبني الترابط بين حادثة موت فرعون وتشبيهك لحياته الطاغية ، حيث كأنها بحر يغوص فيه فرعون ، وكانت سبب وفاة فرعون كما هو معروف الغرق .

صح الله لسانك والله يتقبل دعائك وجزاك الله خير .

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[برقاء والسماء زرقاء]

بيتين متعوب علاااااااهن ماشاء الله :

فرعـون قبلـه غـاص فـي بحـر الأحــلام
لــــكــــن غــــــــرق و ضــــيــــع الله حــصــيــلـــه
و بشار لَ أجل الموت من عام مقدام
و الــمـــوت مَ أخــبـــر واحــــــدً قــــــد عـنـيــلــه
ــــــ
القصيدة كاملة مافيها قصور ، والكامل الله لـكن




:
عندي ملاحظات بسيطة لكن عطنا الاشارة الخضراء ..

[بندر المقاطي العتيبي]

المشاركة الأصلية كتبت بواسطة عزارم

صح لسانك ياطيب

يَ هلا و غلا يَ عزارم

صح بدنك طال عمرك

و شرفني مرورك يَ الغالي ..

[بندر المقاطي العتيبي]

المشاركة الأصلية كتبت بواسطة عبدالمجيد النفيعي

فرعـون قبلـه غـاص فـي بحـر الأحــلام=لــــكــــن غــــــــرق و ضــــيــــع الله حــصــيــلـــه

أعجبني الترابط بين حادثة موت فرعون وتشبيهك لحياته الطاغية ، حيث كأنها بحر يغوص فيه فرعون ، وكانت سبب وفاة فرعون كما هو معروف الغرق .

صح الله لسانك والله يتقبل دعائك وجزاك الله خير .

يَ هلا و غلا يَ عبدالمجيد

صح بدنك طال عمرك

و جزاك الله خير

و إن شاء الله أكون عند حسن ظن الجميع

و شرفني مرورك يَ الغالي ..

[بندر المقاطي العتيبي]

المشاركة الأصلية كتبت بواسطة برقاء والسماء زرقاء

بيتين متعوب علاااااااهن ماشاء الله :

فرعـون قبلـه غـاص فـي بحـر الأحــلام
لــــكــــن غــــــــرق و ضــــيــــع الله حــصــيــلـــه
و بشار لَ أجل الموت من عام مقدام
و الــمـــوت مَ أخــبـــر واحــــــدً قــــــد عـنـيــلــه
ــــــ
القصيدة كاملة مافيها قصور ، والكامل الله لـكن




:
عندي ملاحظات بسيطة لكن عطنا الاشارة الخضراء ..

يَ هلا و غلا يَ نواف

النقد البناء مَ أحد يزعل منه

إذا نقدك بناء تفضل طال عمرك ..

[برقاء والسماء زرقاء]

يَ الله يَ مرسل نبيك بَ الإسلام = يَ ربنا اللي مَ عبدنا بديله
ذكرت اسم الله ثم ذكرت صفة رحمة ، لو ذكرت صفتين فالصدر افضل " وتكون متعاكستين عذاب ورحمة "
والياء كررته كم مره ، ولو اكتفيت بالبيت الاول يكفي عن الثاني .
يَ باعث عبادك من فتات و عظام = يَ الواحد اللي دايمً نلتجيله
يوم البعث ابن ادم قد اكله التراب ولم يبقى إلا "عجب الذنب ،" فتات لا ، وعظام جمع والعجب مفرد، الا اذا كنت تقصد باعث عبادك من عظامهم تجي "لكن ماتجي " ، والعجر اتمنى انك كملت وش بعد البعث ، مع ان معناك مستقيم لكن افضل .
ــــــــــــــــــــ
يَ ناصر عبادك على كل ظلام = تنصر حرار الشام في كل ليله
ربطت الابيات السابقة اللي فيها دعاء بموضوعك مباشرة من دون "الواو " وايضاً
وفقت في الجمع بين عبادك "جمع " وظلام "صفة مبالغة واختيارك لها مناسب " ولو كنت استبدلت عبادك بمفرد ضعف المعنى ، والعجز : الثلاث الكلمات في كل ليلة شكلك كاتبه مستعجل وكنك تبغى تكمل بها البيت بأي طريقة ، ولو استبدلت بها معنى غير افضل ، وبعدين ماتجي حرار وليلة "ماتجي مع بعض " لوقلت ابطال مشى المعنى ، او تخلي احرار وتسبدل في كل ليلة ..
ــــــــــــــــــــــــــــ
على النصيري ناصر الشر فَ الشام = الهابي الخاسي حفيد الحسيله
الصدر وافي وماعليه قصور ، والعجز كله غير مناسب لأنك تخاطب رئيس دولة تقول ياهابي ياخاسي ياحفيد الحسيلة..........، وبعدين انت جبت صفة مذمومة فيه "ناصر الشر " تكفي لو تكمل بمعنى آخر .
ــــــــــــــــــــــــــــــ
مَ ينفعه بطشه على مر الأيام = لابد مَ يدفن بَ جوف النثيله
الصدر وافي بالحيل .. والعجز : جوف النثيلة ماتجي " النثيلة التراب المرتفع يدفن به مايدفن فيه " وبعدين قلت لابد مايدفن قصدك القبر وحنا ماندري عن مصيره ماهوب شرط يدفن يمكن يحترق يمكن يختفي يمكن يتقطع او تختفي جثته ، وافضل تقول لابد يموت لان الموت مصير الكل ، والدفن لا .
ـــــــــــــــــــــــ
فرعون قبله غاص في بحر الأحلام = لكن غرق و ضيع الله حصيله
وضيع الله حصيلة فيها نقطتين : لو تسبدل و بــ ثم ، وضيع الله حصيلة لو تبحث معنى اقوى افضل ، ومعناك ماشي لكن البيت كله فكرته جديده وقوية ومترابطه ، ربطت الخيال مع الواقع ، لكن ضيع الله حصيلة غاب عنه قوة البيت ، والبيت هاذا اكبر مني ومن ملاحظاتي والله يزودك من فضلة .
ــــــــــ
و بشار لَ أجل الموت من عام مقدام = و الموت مَ أخبر واحدً قد عنيله
الصدر وافي ومعنى مبتكر مثل البيت السابق ، والعجز مكمل لمعنى الصدر ومبتكر ، لكن لو استبدلت "واحداً " بكلمة اخرى مثل " فاسقا أو فاجرا أو كافرا او ظالما " لان هؤلاء لايتمنون الموت ، ولأن فيه اكثر من واحد يتمنى الموت : المجاهد والمحب لقاء الله وغيره .
ــــــــــــــــــ
متى على الله في قنوات الإعلام = ينشر خبر موته بَ شتى وسيله
بيت قوي وتستمر الاحداث ، وش بعد موته خخ
و تفرح حرار الشام لا عود الشام = و ترجع ربوع الخير حره اصيله
فرح بهلاكه ، وتخلص من ملكه ، العجر وافي لأن المملوك غير حر واصيل كويس جدا ههه ، وربوع الخير مادري وش تقصد بها .
و ختامها صلوا عدد صايمً صام = على الرسول اللي عدل كل ميله
اللهم صلى وسلم على نبينا محمد .. سلمت ودمت ،،، ولاتزعل من النقد فأنت طلبت ، واسأل الله لك التوفيق في مسيرتك الشعرية ، وترى شعر المحاورة يبغى فكر والنظم يبغى فكر ..واللي يبغى يجمع بين الثنتين يبغى قوة عزيمة ، وقصيدتك تستحق النشر وملاحظاتي عادية توجد على اي قصيدة والعلم مايكسبة متكبر ، وفيه نقطة تحسب : قصيدتك مترابطة ، يعني ماتسوي مثل بعض الاخوان الشعار يكمل بالواو وبين كم بيت تلقاه الواو وسلمت ودمت !

اللهم صلي وسلم على نبينا محمد .

آخر تعديل برقاء والسماء زرقاء يوم 04-Aug-2012 في 11:11 AM.

[راعي القوافي]

صح لساااااااااااانك يابندر