تركي العصيمي شاعر قادم بقوه

[مقعد الدغيلبي]

ألى
مدراء ومشرفي وأعضاء منتدى الهيلا
الســــــــــــــــــــــــــلام عليكم ورحمة الله وبركاته
أننا في هاذا الصرح الشامخ /يسعدنا ويبهج صدورنا بزوغ وطلوع نجم من
نجوم هذه القبيله سواء في شعر النبط اوشعر المحاوره *
لاأريد الاطاله عليكم وموضوعي اليوم يتحدث عن شاعر يمتلك قوة شاعريه في كل الحالتين نظم وشاعر محاوره وهو الشاعر/تركي العصيمي
هاذا الشاعر برغم صغر سنه وكثرة أنشغالاته أثبت وجوده ولمع نجمه في ساحات المحاوره حيث يمتلك
عناصر المحاوره من ناحية القوه الشعريه وسرعة البديهه لديه القدره على منازعة خصمه بكل الاساليب
وشهد له بذلك الشاعر العلم رشيد الزلامي والشاعر ملفي المورقي وله عدة محاورات مع كبار الشعراء
أمثال رشيد الزلامي وملفي المورقي وزيد العضيله وحمود السمي واليكم مقتطفات من محاوراته
مع الشاعر ملفي المورقي قبل فتره بمنطقة الرياض
تركي العصيمي

هلا يامرحبا بالضيوف أصحاب وجناب=نيابه قلتها عن عزيزين المقامي
ياملفي شد حيلك ترى مافيه مجناب=وصلك الدور والدور الاخر للزلامي
يدوم الك البقا مابدا نجمن وماغاب=أقوله ياحمر العين دام اللعب حامي
آعرف أهل الدريشه واعرف اللي مع الباب=لآكن أهرج وحمض الرياجيل العلامي
تبشر يالعتيبي ترى الدنيا بالاسباب=لاكن هداج تيما يصدر كل ضامي
ثلاث سنين وأزود وانا للحق طلاب=أدور للحرامي وحصلت الحرامي
لياحصلتلك سمن دهن روس الاشناب=وانا في خير مابغى شراب ولاطعامي
قضاة المحكمه عندنا والحق غصاب=واظن أسمك لقيناه من ظمن الاسامي
أنا بدهن شوارب صحيبي لجل الاتعاب=وانا رجلن على الطيب لابسلي وسامي
الا يالصاحب اللي تلحق كل مشهاب=علومك كلها جات عندي بالتمامي
ترى دون المواقف تقدم حمر الارقاب=لاكن أعرف طريق السنع واسمع كلامي
تقوله وانت هاك السنه للنار شباب=لآكن الحمد لله غدت برد وسلامي
أنا عارف طريق السنع مانيب كذاب=لاكني شايف اليوم في خشمك عرامي
ياملفي ليش تلدغ وتقرص كنك الداب=مع العتبان خلك كما بدر التمامي
أنا شوفك تحرك ولك عشرين هنداب=وانا دكتورللنفس ومفسر حلامي
الا ياصاحبي لاتعرض غصن الانشاب=ترى قدمك سيوفن يقصن العظامي
وانا بعتقك لله بدون أعتاب وحساب=مدامك في محل الرياجيل الحشامي
ولا يالمورقي لو يهبهب كل هبهاب=الا ياهون كسرتك ياعود الثمامي