محاورة قوية بين الشاعرين هلال السيالي وجارالله السواط

[ابو سديم]

جار الله السواط :

هلا مرحبا ياهلال والله يحييك
عدَاد النجوم الساهرات المطلة
ابنشدك عن غيبتك ماني بناسيك
وعطني علومك والثمن ما نملة


هلال السيالي :

يدوم البقى ياللي سمعنا بطاريك
ولاهي غريبة كل شي من محلة
تراني معك ما غبت اسابرك واوحيك
وبعض الجواب اوحيه لاكن ازلة


جار الله السواط :

ابنصحك عن بعض العرب لا يخاويك
وانا ما بغيت ابدي لك السد كلة
اضحك برموز المعاني وابكيك
وبيت المعزة ما يجي فية خلة

هلال السيالي :

نصيحتك لو طبقتها انته بما فيك
سلمت الجروح الجافية والمجلة
وحظي يباريني وحظك يباريك
وعطنا الرضا والغيض دقة وجلة


جار الله السواط :

طبيبك معك يعرف علاجك يداويك
وكل الدكاتر تكتشف كل علة
لو انك سمعت وصايت اللي موصيك
عمرت ألك فالمثناة عشرين فلة

هلال السيالي :

ورى ما تعالج علةً في كلاويك
تقول الدواء موجود ماهو بقلة
تواطيك زرقات المعاني تواطيك
ولا يعتزي بالسيف من لا يسلة