البارحة قضيت انا الليل واعي=ادور الاجواد في كل ديره
وثم قمت احسب حسبة(ن) ماتباعي=خطرا(ن) على قلبي ابتسمع صريره
وقارنتهم بالفعل والذكر اشاعي=ناس(ن) تجيب العلم دايم وخيره
اللي مكانه دايم(ن) فارتفاعي=ويستحق إيسمى بصقر الجزيره
بشكي عليه الحال والعمر اضاعي=كم ليلة(ن) صارت عليه خطيره
ذكرت انا فيصل كريم الذراعي=اللي يساعد كل ذيب(ن) وغيره
اخترتكم بين الرجال السباعي=من طيب فعلك جعلكم للستيره
من بين كل الناس زابنك ساعي=عشاننا من ربع وايضا عشيره
ماقدر اعذرك ولاني سامع سماعي=الفوج مثلك لو يطبه يديره
واليوم ناصيكم وانا بندفاعي=ودي اشوف اهل العلوم الشهيره
طاح الشراع ابغيك تبني شراعي=وترى العسيره عندك اكبر يسيره
من قلة المال ومن سم الافاعي=لدغاتها اللي ماتجيب الاخيره
إتبنج الجسم تبنيج اصطناعي=اللي تخليني ابيح السريره
اضعوف الانفس بدنيا المتاعي=والا الذيابه في حياة(ن) مريره
امنول(ن) لا قام يمشي وجاعي=يلقى عشاه ولا يلاقي خشيره
والحين فاته وقته وثم ضاعي=تلقاه محبوس(ن)وابوسط الحظيره
وختامها ياربي ياخير داعي=تجبر ظروف النفس لو هي كسيره
آخر تعديل ابن قليل يوم 17-Jan-2008 في 05:50 PM.
« آخـــر الـــمـــشـــاركــــات »
17-Jan-2008, 05:45 PM
كريم الذراعي (مهداه الى الشيخ فيصل ابن حميد)
العرض العادي
