قصايد مختاره (الموضوع قابل للاضافه )

[ابو محمد الدعجاني]

شاكر مرورك يالغالي

[راع القايده]

بسم الله الرحمن الرحيم

بيض الله وجهك ياغزاي قصائد وشعراء اعلام وفيها
معاني كثيره تماثيل لاتوجد في وقتنا الحاضر

[ابو محمد الدعجاني]

شاكر مرورك يالغالي

[@عبدالله الأسعدي@]

<الأخ ابن غــزاي>


أشـكـرك عــلــى هــذه القــصــائد




ننـــتظر المــزيــد ....



وشــــــــــكرآ...

[ابو محمد الدعجاني]

شاكر تواصلك اخوي عبدالله

[خلف الروقي]

الله يعاااااااافيك






دمت بووووووووود

[ابو محمد الدعجاني]

شاكر مرورك اخوي ابوسالم

[غضاض الرويلي]

[size="5"]

كـن الصـداقـة فـي زمـنـّا عـلـى عــش

والغــصـن مـايـل وامتضـايـق ومـبـلـول

والاكـثـريـه يـحـتـرف مـهـنـة الـغـــش

بالفـعــل مـن خـلتف الطــوايـل وبالقـول

وقــت الرخا طـعـنـة ظـهر تسند الحش

وبالمعمعه يـلـبـس لـه حـجـاب وحجــول

لــو الـعـصـا تكـشـف لك الغيب بالهش

وتـطلـع خـفـا الهنـدام مـع رزة الــزول

هــنـا فـقــط اقــول لــك عــرقـهــا نـش

صــــداقةٍ ماتـت عـلـى كــــفّ مـشـلــول

وين الخوي اللي نطح ضيقتك بــ(اشّ)

وسـيـفـه لـغـارب شـدتـك صار مسـلـول

حلمي يطـــــول وواقـعـه دوم مـنـفـش

كـــل ماانتفخ بـيـديــن الاصحاب مقتول

هـــذا كـلامــي رشــــه بمســمـعــك رش

وانـــــا عـنـه قــــــدام هالخلق مسئول


خيط الجنون



أجهش سبب عدآ على آصول مانش

ألآ ياوين إليا يشررع على آصول

يقرا قصيدي صاحب السمع الأطرش

ويسمعني اللي مايرى حين ماقول

أن الـعـمــر طـيـره بعــد غادر العـش

فلا هو عن اللي يشلع الروح مكفول

وإن الله أعلم بالخفى لو تخـشـخـش

وإن الصديق اللي على الصدق مجبول

دع عــنــك عذلي باللواصات ماخـش

يـالغــز ياللي حلكـم قـطـعـة حــلـــول

قـــش الإثــر يـاعـاذلـي للــورى قـش

لا أنت الطبيب وياعسى مانت معلول


منصور حواس

[سلمان المرشدي]

الشاعر سهل نايف الكسر المرشدي

لا والله الاّ صاحبـي شـد ومحيـل = اتلا العهد به في ضحى العيد ماشي
تشاوروا ثـم صملـوا بالمحاويـل = وضفوا دبشهم مابقى منـه حاشـي
اقفت بهم شيب الغـوارب زعاجيـل = وقاموا عليهـا يبعـدون المعاشـي
تسابق الخلفـات والـدق والحيـل = واللا المتالـي سربـت بالمماشـي
من يوم قالوا صدّق الوسم ياسهيـل = والله كريـم ورد لاهـل المواشـي
عان الخيال اللي مزونـه مطافيـل = مثل الهضـاب مصنبـر ٍبالمناشـي
مدلهـم ٍنـوه يجـي لـه هماليـل = برقه مع الظلمه يجي لـه تواشـي
نو ٍعلى نـو ٍوسيـل ٍعلـى سيـل = سيله يطـم المرتفـع والحشاشـي
جات الفعوم اللي تشيل الوطا شيـل = خلت حشاط القاع مثـل الهشاشـي
مير احسب ان ياسهيل مافيه تاجيـل = خابرك انا ياسهيل مانتـه بلاشـي
شجيع راس وفي القسا مانت ببخيل = وتصمل ليا بار الرفيـق الجغاشـي
شريت لي من صنع الالمان دربيـل = وحذفت في وسق الونيت الفراشـي
جهزت عفشـي ماعليّـه مداخيـل = مـن كـل الـسـلاح الكـلاشـي
وانته عليك تجيب صفـر المعاميـل = صفر ٍحدايدهـا تراعـش رعاشـي
هات الدلال وعطني البـن والهيـل = والخير ياسـر والذبايـح بلاشـي
احسب حسابك للسفـر والمراحيـل = تبينـت ماعـاد فيهـا قشـاشـي
نبي لنا لديـار الاحبـاب توصيـل = ظن من عقـب الفـراق انتعاشـي
خلي بعيـد ولا يوصّـل لـه التيـل = للي غـلاه مخيـم ٍوسـط جاشـي
نلقاه بيـن المستـوي والغراميـل = في صفح نزوىً قد غسلها الرشاشي
خل ٍمسـوّن بـي غـلاه البهاذيـل = وشربت لي من خمر حبه غراشـي
اقضي سبات الليل وانا على الحيـل = واجحد واجاحد واتعـذر واخاشـي
ياما عليه اجـر عـزف المواويـل = وللي نصحني ما استطيع النقاشـي
عليك يـاراع الوسـاع المضاليـل = اللي هدبها فوق الاوجـان غاشـي
هـدب ٍبهـا لمتيـم الـود تتويـل= ليـا اشتبـك حجانهـا بالرماشـي
وخدود عفر ٍمثـل لـون القناديـل = للبدر في لونـه خشيـر ومعاشـي
وغـر ٍلواهيـق ٍعـذاب ٍذوابـيـل = ليته عطاني مـن عسلهـا نواشـي
راعي جديل ٍفـوق متنـه ثعاكيـل = شعل ٍسبلها فوق ردفـه طشاشـي
كنه شليل اللي تكف اسبـق الخيـل = لا صاح صيـاح ٍنهـار الهواشـي
مفصل ٍجسمه على الـذوق تفصيـل = لا هو جـلال ولا نحيـل ٍنشاشـي
يلحنـي لـح الجمـوس المحاميـل = باقبال ليـل وعرضوهـا هلاشـي
وان كان ياغض النهد مثـل ماقيـل = راس الظبي محد ٍ لقابـه عراشـي
قفلت بيبان الهـوى معـك تقفيـل = وقصرت رجلي عن طريق ٍعكاشـي
لا واهني اللي عـن الـود ماسيـل = ولا عذب ٍقلبـه مـلاح البهاشـي
نجل العيون مخـازرات الرجاجيـل = لا جاهن الميلاف صابـه خراشـي

[متعب الند]

اختيارات جزله ................................وتسلم على النقل