يأهل البعير بعيركم كم هوبه؟؟

[ابن سلوم الهيلوم]

ابداع ياعيضه صح لساااانك مليون

[العصيمي خالد]

المشاركة الأصلية كتبت بواسطة عيضه الثبيتي

قصيده متواضعه أصافح ذايقتكم بها..تقبلوها مع وافر التقدير

حنّا بعالم يامكافي شرّه=كنّا/وحنّا..والزمان إعجوبه
ماعاد نلقاء للحقيقه جرّه=مع الهياط اللّي طوال دروبه
رحى الجهل فوق العرب مفترّه=والعنصريّه نارها مشبوبه
والوضع مؤسف والحقيقه مُرّه=يارب فالجنّه وحسن التوبه
خلف البعير عقولنا منجرّه=اليا ضرب عرقوبه بعرقوبه
أحداً يصيح يقول لله درّه=وأحداً يقول بعيركم كم هوبه؟؟
والناس وين؟ووين علم الذرّه؟=يأهل الركاب ركابكم مركوبه!!
العز ساسه من حجار الحرّه=والجدر فوقه جملةٍ مكتوبه!!
كنّه يقول الكل من هو مرّه=(تهدمني الأيام طوبه طوبه)!!
والمجد ضلّا شيخ فوق الحُرّه=و وطّى شماغه ثم و طّى ثوبه!!
ثم أنسدح حتى المكيف ضرّه=وأصبح من المسدح كبار جنوبه
ما يدري ببرد الزمان وحرّه=خرّف وهو يحسب زمانه دوبه
ماباقي ألأ ندفنه بالمرّه=اليا التوى عرقوبه بعرقوبه

عيضه الثبيتي



22/3/1433هـ

ههههههههههههه




هذه الحقيقه المرة





صح لسااانك يا بو معيوض

[حمدان العضياني]

قصيده غيرمتواضعه ابداً

بل الصحيح قصيده طاغيه وشاعرمتواضع

صح لسانك يابوفيصل حتى ترضى ويرضى جمهور الجزل عيضه الثبيتي