علي فلاح العضياني
الجذع قالوا له اصحابه تراك اسطوره=وشاف نفسه قال انا ( شاعر وأديب سعودي )
وان توفّى ..... اسمه مع الاسامي المشهوره=مطلق وصياف وابن تويم والمسعودي
سلطان الجـذع
يمتدح ..نجم الجدي ..من يستدل بنوره =منزلي بين النجوم وفوق الارض شهودي
ان توفى صاحبك ياصاحبي مذخوره =مجدٍ يخلد ...كما اللي خلدوه جدودي
علي فلاح العضياني
نعرف إنّ لكلّ شاعر صفّه و جمهوره =خفّف السرعه و حطّ لكل شيّ حدودي
العرب لا ينفخونك مثل نفخ الكوره= من يقول ( ونعم ) قلّه ( ما عليكم زودي )
سلطان الجـذع
نعرف ان لكل شاعر وقفته وحضوره =البلاء اللي ماعنه ناشد ولامنشودي
(من يغص بلقمته لومه على حنجوره )=لاتقول الناس جادت لي من الماجودي
[/poem]
علي فلاح العضياني
هيه لا تغترّ مثل العالم المغروره=انت شاعر بس ما انته غاية المقصودي
ما بقى الاّ كل واحد معك ياخذ صوره=بندر و مقعد و نايف صاحبك و سعودي
سلطان الجـذع
كل رجلٍ قومته للطيب من مقدوره =وانت شاعر معك ..مااستخدم ربع مجهودي
تطري رجالٍ حشام وبالوفاء مذكوره =وانت فالطايف مصّور مع ثلاث زيودي
علي فلاح العضياني
اللذي يخرج وسيع المعرفه عن طوره= انت عام الف وتسع واربــــع ميه مولودي (1409 )
لو يطير الطير ما دام الفضاء لطيوره=بكره الطاير يوقّع فوق راس العودي
سلطان الجـذع
كم صغيرٍ عن كبار السن تطول شبوره=والد الاولاد أبو خمسين مابه فـودي
ليتها في بيت اهلها ياعلـي مستـوره=كلمـةٍ عرضتهـا لللـوم والمنقـودي