غالب الذيابي
ابن شفلوت خلا اللي من اول ما يطير يطيـر=فهق شقر الحرار من الصقور وقـدم النملـة
واشوف النمل يكثر في النخل ويحوس جم البير=وانا لولا الحقوق احرقت كل النمل بالجملـة
سعد بن شفلوت
لاصار المصلحه ماهيب في عتيبه ولافي مطير=عرفنا وش نبيع ونشتري والبدو في الرملـه
لكن اتبع حلالك يالذيابـي واطلـب التيسيـر=ولاتقـدم علـى فعـل يزعلنـي وتندمـلـه
غالب الذيابي
تعيّن في وجيه الناس.. تعطيك الصور تقرير=ماهو علمٍ جديد الا على الصفحات من كم له
انا من يمي اقنع مايجي من رفقتي تقصيـر=ولكـن لاتعامـل واحـدٍ مايحفـظ العملـة
سعد بن شفلوت
لاصار الراي من راسي توقـع يالذيابـي خيـر=بعير البدو لـو يفلـت خطامـه مانقـل حملـه
وأخاف اضحك معك من قلب ياغالب تعكس السير=وهـذا قـال يقطـع لـه وهـذا قـال يلزملـه
غالب الذيابي
انا ما ودي ان الجوخ من هوج الرياح يصير=ثيابٍ باليه واهل الشيّم ما تلبس السملـة
عليك الله وامانه مايصير اللي تظن يصيـر=تلمح للجروح وهي قبل كلمتك مندملـه
سعد بن شفلوت
لو انك ملتزم شكيت فيك انك من التكفيـر=اقول اهل الصمايل تنعرف في حزة الصمله
لكن استو مع صف الجماعه واسمع التكبير=ولاتحلم حلوم من عصر ماهيـب مكتملـه
غالب الذيابي
انا ماودي ازيدك على مافيك من تكديـر=ولكن لاتهمّل صاحبٍ يكرم عـن الهملـة
ترى ماكل من يغلط جزاه الصد والتشهير=وهو من خيرة اللي من طمع بك شتتوا شملة
سعد بن شفلوت
انا مابغى نصيحه والذيابي مابـي تحذيـر=وكذا وصلت الافاده والنشاما فهمت الجمله
ولو راحت علوم وجات ماينقص من التقدير=وابن شفلوت يبقى صاحبك لابـد تحتملـه
غالب الذيابي
تكابر مير لن بعت النصيحة صرت مانت بخير=مقابيل الليالي من عجيب العلم تـردم لـه
على الله يخمد البركان في صدرٍ همومه غيـر=عيوبه يظهر فعول الصديق ويستـر الخملـة
غالب الذيابي
صح لساااانك مليووون
شاعر مبدع وشهادتي فيك مجروحه
ابن شفلوت
صح لساااانك مليووون
محاورة رااائعه جدآ
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
14-Oct-2011, 05:16 AM
العرض المتطور
