قصيده ترحيبيه في زواج مطلق المقاطي

[سعد بن مطلق المقاطي]

السلام عليكم ورحمة الله وبركاته
قصيدة ترحيبيه في زواج مطلق بن محمد بن مرداس المقاطي
يوم الخميس الموافق 25/2/1433هـ

يالله ياللي خالقاً كل الاجناس=يالي تدير الكون حسب الاراده
في يدك تصفيطه كما صفط قرطاس=قدرتك فوق وفوق كل الاشاده
انك توفقنا على كل مرواس=في الخير والا الشر تبعد مراده
ورحم عبادك يوم الارياق يباس=في ماقفى ماهوب حرب الاباده
يوم النشور ويوم مابين الاقواس=كلا على ماقيل حسب اجتهاده
وخلاف هذا هجرس البال هجراس =تيار فكري فوق صهوة جواده
يضرب على الكايد مثل ضرب جساس= يطلق عنان القاف ويطلق قياده
يامرحبا بأسمي وبأسم ذي مرداس=أهل الكرم وأهل الظفر والسياده
يامرحبا ترحيبةً ترفع الراس=من هاجسً صافي ويصفي زياده
يامرحبا ترحيبةً مالها قياس=تزود من زود الوفاء وسط ماده
يامرحبا وعداد ماهب نسناس=وعداد من صلى صلاه العباده
ترحيبةً تطلع مطاليع قرناس=فيها الوفاء والطيب ماهيب ساده
بضيوفنا الوافين عند ابو مرداس=راعي الشداد اللي وفا في شداده
محمد ولد مرداس والطيب من ساس=واللي يريد الطيب يالقى قناده
كساب قولت نعم في كل نوماس=يوم (ن) كلن نجدته من زناده
مبروك يامطلق من كل الاحساس=عسى حياتك ياسنافي سعاده
وختامها صلو على صفوة الناس=وعداد ما أذن مذنً في بلاده

سعد بن مطلق المقاطي

التوقيع

ديــــــــــــــــواني