سارح البال
سلام رديه من الهاجس على الصفحه تبين=تنصا زحازيح الرجال اللي علا مقدارهـا
مرزوق يامرزوق اباحييك قبل الحاظريـن=والناس يامرزوق من بعدك تجي لأدوارها
مرزوق حمدان العتيبي
يامرحبا ترحيبة ٍ تهدى ومعناها ثميـن=ياصاحب ٍ كلك وفا والنـادره تختارهـا
انته تسلم لي وانا احييك واللعبه تزين=لكن لاتترك يمين الدرب صوب ايسارها
سارح البال
دام البقابك ياولد حمدان والدرب اليميـن=درب الرجال اللي يحبون البلد واحرارهـا
اشوفلي شيٍ خطير وصرت من بعده حزين=واشيا كثيره ودنا الليله نحـل اسرارهـا
مرزوق حمدان العتيبي
الله على ميل الليالي ياولـد عمـي يعيـن=الناس صوب المشكله قامت تلـد انظارهـا
لكن قلي ليه واقف في جمـوع الساكتيـن؟=وانته شجاع من الرجال اللي طوال اشبارها
سارح البال
كلن يقول النمل الاسود فر بيـن المسلميـن=يسولفون ويضحكون ومـادروا بأخطارهـا
ترمي عليّ المشكله وارمي على غيري يمين=والمشكله في ساحة العربان شبـت نارهـا
مرزوق حمدان العتيبي
ليا سمحت لـنملتين اتجيك بكره بـميتيـن=خل البضاعه خلها ..واقبض على سمسارها
انا رميت المشكله يمك على شانك فطيـن=سمعت صوت ام الكباير يوم تلعن جارهـا
سارح البال
النمل وقت الصيف يجمع والجماعه نايمين=ووقت الشتا نبرد وهي تدفا ويدفا دارهـا
العلم يامرزوق مايبغى ذكـي والا ذهيـن=والارض من يضرب عليها يستثير غبارها
مرزوق حمدان العتيبي
اهبي هبيتي نملة ٍ تمشي على ريح الطحين=وان ماذبحت اصغارها بكره تجيك اكبارها
ياسارح البال انتبه واعطيك مني كلمتيـن=القطو كانه غاب ..عادي يوم يلعب فارهـا
سارح البال
ابا انصح اصحابٍ على دفن الجحاره قادرين=والنفس كان اقفوا تراها قدمت معذارها
والله يخارجنا من اصحاب العقول الغافلين=ويثبت اللي فالحياة الصدق صار شعارها
مرزوق حمدان العتيبي
نصيحتك ياطيبها وين الرجال المخلصين=اللي يحفظون الحدود ويحتمون اسوارها
ياليت هايف ينتبه ويحط باب بقفلتين =ماعاد فيه امجامله والدار من زوارهـا
« آخـــر الـــمـــشـــاركــــات »
02-Feb-2008, 09:55 PM
العرض العادي
