سلطان الجذع=
يامرحبا فالحلة اللـي باسمهـا فالنـوب أنـوب=ترحيب غالـي مايسـاق الا لمـن يستاهلـه !!
الاسعدي دربٍ معه جتنا العرب من كـل صـوب=ماهو ب, جلمودٍ من أعلى الضلع حوّل لأسفله !!
الجلمود=
دام البقا بالشاعر اللي محتسينه للوجوب=ان كان جات اليوم والا عـودت للقابلـه
هذي حصاة رزاح ماتنزاح عن كل الدروب=تدمغ جماجم روسكم في الطالعه والنازله
سلطان الجذع=
الحسبة اللي زدتها باسبابها ماانت محسـوب=مدري نعدك من ضيوف البيت والا من هله !!
على سفينة نوح خط بيدك ( ممنوع الركوب )=من كل زوج القى ثنين في طرفها تحملـه !!
الجلمود=
انا حسابي تعرفه لاصار خطب من الخطوب=والا نهار المصلحـه كـلٍ يكافـا بعملـه
مايركب الا مسلمٍ ماشال في قلبـه ذنـوب=وانته عقالك كثر الله خيـر رجـلٍ يعدلـه
سلطان الجذع=
الا على فكرة من ايا وجهه تهب الهبوب ؟ :)=ترى دواليب الفكر من مرحلة في مرحلـه!!
يقولها اللي مع حصا الجندل ملا كل الجيوب=يبا يحطه في جبال النيـر وجبـال جبلـه!!
الجلمود=
تهب من شرق وشمال وغرب والرابع جنوب=والشام ريحه كل عـودٍ فيـه عوجـه تنقلـه
جمع الحصا ماهوب ياسلطان عيب من العيوب=العيب في اللي لقح النخلـه بـذرو السنبلـه
سلطان الجذع=
من يوم ضاعت ناقة عريمان فديار الحروب=الاسم عوّد مشكلة والوسم مثلـه مشكلـة!!
مافيه شك إنك على متن التقي مثل الذنـوب=ياللي قطفت الورد واليشموم من قرن بصله!!
الجلمود=
يلقى العوض من شام فأم القرن والديس الحلوب=ان طرّبت هد صخله وان قربت طـاح صخلـه
انا اعرفك سكر قصب في الكوب لايمكن تـذوب=كذاب من قال القصب مصبوب من بطـن نحلـه
مايركب الا مسلمٍ ماشال في قلبـه ذنـوب
وانته عقالك كثر الله خيـر رجـلٍ يعدلـه
مايركب الا مسلمٍ ماشال في قلبـه ذنـوب
وانته عقالك كثر الله خيـر رجـلٍ يعدلـه
يقولها اللي مع حصا الجندل ملا كل الجيوب
يبا يحطه في جبال النيـر وجبـال جبلـه!!
يقولها اللي مع حصا الجندل ملا كل الجيوب
يبا يحطه في جبال النيـر وجبـال جبلـه!!
ههههههه
الله واكبر عليكم يامجرمين
صحت الالسن والقلوووب