اقتباس:
دوك الجواب اللـي يهـز التواريـخ
وافي وبـه مـا تلتحقنـي ملامـه!!
أنوّخ المعنى علـى الكيـف تنويـخ
واجـوّد شـدادي بـذروة سنامـه!!
واسرح معا صلف الهـوب المداويـخ
صامل عزوم ومرتـوي بالقرامـه!!
لنّي ولد شيـخٍ وجـدّي بعـد شيـخ
دليـل رايٍ مـا ضـرى بالغشامـه!!
تنخـاه منهـي عافرواهـا المباذيـخ
في يوم فيهـا مثـل يـوم القيامـه!!
اقفـت بهـا خيـلٍ تـدّك الصلابيـخ
وجبرت على ذودٍ وخـذ بالصرامـه!!
لينـه تعـزوى فالجـدود المطانيـخ
وفزّ وعصب من فرع راسه عمامه!!
وارتدها بالغصـب شيـخ المشاييـخ
امعرّب المنسـب خـوال وعمامـه!!
ماهو كما اللي ناشتـه حـدّة الصيـخ
صيخ الغريم اللي غدابـه غرامـه!!
هذاك من لمّـخ مـع الوقـت تلميـخ
وازرى يميّـز فالحـلال وحرامـه!!
من زينها دوّخ مـن الزيـن تدويـخ
طريـح هامـه والاهـم الكـرامـه!!
رسخت على فكره من العام ترسيـخ
واليوم عايش وسط ريـح الندامـه!!
والحمد لله مانـي امـن المصاريـخ
اللـي توامـى راسهـا كالنعـامـه!!
لنّي ولد شيـخٍ وجـدي بعـد شيـخ
صامل عزوم ومرتـوي بالقرامـه!!
هذا جوابي جبتـه ابقافيـة.. (ايـخ)
والقاف الاخر يا ديبي على .. (آمه)!!
|
صح لسانك يا ابو نجر
وبيض الله وجهك على هالقصيده الجزله
وماهي غريبه منك وعافك الله
« آخـــر الـــمـــشـــاركــــات »
02-Mar-2008, 06:04 AM
العرض العادي
