ناصر المرشدي
سلام ردية تحسب وفيها حساب =النص الاول رضا والنص الاخر زعل
ماكل من غاب عن عيني عن القلب غاب=بعض العرب لو رحل في دار صدري نزل
معجب العتيبي
يامرحبا ياهلا باسمي وبسم الشباب =نصفين بالحق تبعد عن دروب الجهل
مشاعرك طيبه لو كان فيها عتباب=ياغايبٍ عن عيون الناس توه وصل
ناصر المرشدي
ارض المعاني ربت والشعر فالبحر راب=والجدي جد ووجد وسهيل ماهو سهل
انا على شان باب اقفل 30 باب=ضميري المتصل ماعشت به منفصل
معجب العتيبي
الدار برجالها تعمر ولاهي خراب=وفي كل يومٍ لها بأرض المعارك بطل
ياراعي الحلم حلمك لايعود سراب=لوكنت متوكد ان الحمل جاله جمل
ناصر المرشدي
عسى تبين النجوم اللي غطاها الضباب=والساري اللي سرى لاطال دربه يدل
ان قلت طاح السوال اقول قام الجواب=ترى الجمل لابرك للحمل شال الحمل
معجب العتيبي
المجد ماهوب اكل والمجد ماهو شراب=والعلقم المر مايشبه لطعم العسل
ياجعل ماله يابو تركي يتم النصاب=ونقول زان العمل ونقول زان العمل
ناصر المرشدي
اللي يحث القدم واللي يحث الركاب=هذاه يمشي على هونه وهذا عجل
من طاب حضه تراه بخير والحض طاب =واللي تردى نصيبه يبحث اعن الخلل
معجب العتيبي
تحقيق الاهداف واجب ياعزيز الجناب=وماضن ابه طيبٍ يرضى فالاول بدل
اللي يسوي صواب نقول سوا صواب=واللي يجيب الخطا ينشد عن اللي حصل
ناصر المرشدي
كتبت لين القلم زعل علي الكتاب=واليوم اشوف القمر بين النجوم اكتمل
يامخضب السيف كفك لايجيه الخضاب =واحذر تمل لوتعيش ايام واقع ممل
معجب العتيبي
ياعل نور القمر مايختفي بالسحاب=مادام نور القمر فالكون ماله مثل
اللي على النصر ضاري مارضا بأنسحاب=والميل لاشاف زوله من بعيد اعتدل
« آخـــر الـــمـــشـــاركــــات »
24-Apr-2011, 12:01 AM
العرض العادي
