مرحبا ترحيبة ٍ تاصلك واليمنى كريمه=من ربوع اللي تصوت بالعشا ولافيه احدها \سعد العصيمي

[عقاب العنزي]

لاتشبهني بحاجه دون مقدار وحشيمه = ثم تهل المزنه اللي برقها يسبق رعدها
الجبل وش يزعله لامن نفختو في صميمه = مير حاول قدم روحك لاتغادر من جسدها

[عقاب العنزي]

محمد غازي النخيش


هلا ومرحبا وشرفتنا يالذيب


صح بدنك


..

[عقاب العنزي]

سلطان بن دحيم


هلا ومرحبا صح بدنك وشهادتك وسام لنا


تقديري

[سـعـد الـعـصـيـمـي]

للعرب حشمه وقيمه وانت الك حشمه وقيمه=والجمال اللي تهادر ترمح اللي يطَردها
يالكريم اكرمتنا بالهرج والعين الكريمه=كل ناسً مثل وصفك جعلنا مانفتقدها !!

وصح لسانك ياعقاب

شاعر علم واللعب معك ممتع

[عقاب العنزي]

صح بدنك ياسعد ولاعليك زود يشهد الله وكل مابغيت انهيها وشفت ردك تحمست والدليل الساعه

خمسه وربع ولانمت لو اني بالعاده انام بدري


تقديري

[@ـايل]

صحت الالسن ياكبار ..

انشهد انه محراف نااري تمنيت لو يطول شوي .. لكن الجايات اكثر ..

موفقين يالنشاما ..

....

[مشعل الديحاني]

صحت الالسن والقلوب

قاف ذهبي
معنى ذهبي
وسام ذهبي
من شعراء ذهبيين

عقاب العنزي

انا والله من المتابعين لك قبل لااصبح عضو
ولايهون قبيلك

انا للاسف ماحضرت اللعب مباشره حضرت متاخر

والا كنت اتمنى امسك لك الصف

عالعموم امتعتونا الله يمتعتكم بالدنيا والاخره

[قادح شرار]

صحت الألسن ..

[رفيع المنزل]

عقاب العنزي مبدع صح لسانك ملاييييين

ولايهون العصيمي

العصيمي علموه الربع في وسم البهيمه = والا هو ياخذ ثلاث شهور واكثر ماوجدها


بيت اعجبني

[زبن الجعفري العنزي]

عقااااااااااب

العصيمي علومه الربع في وسم البهيمه= والا هو ياخذ ثلاث شهور واكثر ماوجدها


ادري انك ياعقااب مابغتيت تقول ثلاث سنين مراعاة للمشاعر



والحقيقة طاروووق من طرف واحد بدون تحيز واعتبروها وجهة نظر