ديوان الشاعر / فهيد الرويس العتيبي

[فهيد مقعد الرويس]

صح بدنك يابن العم وانت من اهل الجزل لاعدمتك

ايوالله ان الشعر له في مثل هاليله حضور=اليله اللي نشوة البهجه تنشينابها
شوف الوجيه الطيبه لرجل مدعاة السرور=ولموجب الدعوه مواجيب الوفاء يبدابها
يامرحبا عد الدقايق والثواني فالشهور=شهور السنين الفايته والمقبله في حسابها
في حسابها من خلقة الدنيا الى يوم النشور=ترحيبة اصحاب الوفاء باصحابها واقرابها
اقولها عن سائر اخواني واعم بها الحضور= تنهج مناهيج الكرم فسلومها وادابها
قولت هلا والطيب وإدلالِ بهاالكيف محكور=وعلى مفاريد الحشو ومن السمان اشبابها
حق لكم ولاالقدر مهوب باللي في القدور=لوسيقت الاف الابل منا على قصابها
انتم تواجدكم يزيد النور يالحضار نور=فالصاله اللي شرعت لجلك ياماجد بابها
الله يتمم فرحتك ويجنبك كل الشرور=والتهنيه بسمك وبسم ابوك صغت اخطابها
واطيب تحية للحضور إتساق من صدق الشعور= من شاعر لولاالمعزه كان ماغنابها

آخر تعديل فهيد مقعد الرويس يوم 23-Feb-2012 في 10:53 AM.

[فهيد مقعد الرويس]

مابـه صـدوق قـد تحسـف لـه علـى فرقـاء كــذوب=لان الكذوب اصلن صعيب ان الصدوق يصاحبه
ولافيـه امـل انـه عــن الـوافـي يـبـا الخـايـن يـنـوب=تنـور وجيـه اهــل الـوفـى واهــل الخيـانـه شاحـبـه
وجيههـم مـن كثـر ماخـانـو يـبـان بـهـا الشـحـوب=وشــتــان مـابـيــن الــصــدور الـضـيـقــه والـراحــبــه
وكــم غـالـب يبـيـن لاعــد الصحـيـح انــه مـغـلـوب=مـايـدري ان فـكـره عـلـى غـيــر الحـقـايـق سـاحـبـه
لا يحسـب انـه ماشـيً فـوق الـعـزاز مــن الــدروب=تــراه فـــي درب المـسـيـل ان جـــاه سـيــل راح بـــه
اسمه مع اهل المعرفه لاحسبو ماهوب محسوب=تـــوه علـيـمـي لانــصــب لــســواه فــــخً طــــاح بــــه
لايعـتـرض قــدم الجـمـال الـلــي تـداحــم بالـجـنـوب=يـشـوف اعــن الـسـاحـه مـكــان مـريّــح ويرتـاحـبـه
هـذي رسالـه مــن بـريـد الـصـدق تـاصـل للـكـذوب=فـهــيــد صـــــادق مـايـشـرفــه الــكـــذوب يـصـاحـبــه

آخر تعديل فهيد مقعد الرويس يوم 05-May-2012 في 12:31 PM.

[فهيد مقعد الرويس]

الله يحسن عزا الشعب وقياداته=ويحسن عزا المملكه في موت نايفها
النايف اللي شموخه مثبتً ذاته=من ايمن الدار حتى ايسر طوارفها
ف امن الوطن باذلً كل اهتماماته=مواقفه كل شاهد حق شايفها
يوم ان الارهاب قام يرز راياته=واهل الفتن للوطن شالت قذايفها
بعد الولي ماحمانا غير وقفاته=بقواته اللي على امن الشعب كلفها
مالوم من هل من فرقاه عبراته=نبا وفاته مطمه مقدر اوصفها
لكن مومن وكل الناس مواته=لعل نايف ثمار الخلد يقطفها
الله يجازيه عشر اضعاف حسناته=وعن عاتقه كل زلاته يحذفها
ويعوضنا الله بمن ينقل مهماته=من الاسره اللي على الطاعه تكاتفها
والشعب فيها بليا حدود هقواته=ومعها عهود الولا مهوب مخلفها
والله يحفظ الملك ويقل عثراته=ويجبر عزا المملكه في موت نايفها

[فهيد مقعد الرويس]

تـحــيــة الاســـــلام يـســمــع نـــداهـــا=مصدر نداها قلب وشعور واللسان
تنعـش نفـوس الحاضريـن بشذاهـا=يستاهلـون الطيـب ذربيـن الايـمـان
فــي لـيـلـة جـــو الـسـعـاده غـشـاهـا=تهـدا التهانـي طايـل الـبـاع قـعـدان
مـــــن لابـــــةٍ فالـمـعـتـلـى مـرتـكـاهــا=احصان يالوهاب ومناسب احصان
هـو بـن ناحـل عزوتـه مــن غـواهـا=في نجد لعتيبه من عصور جيـران
حـــرب وعتـيـبـه بالـمـفـاخـر تـبـاهــا=بصـمـة مفاخـرهـم للامـجـاد عـنـوان
وكــــل الـقـبـايـل عــالـــيٍ مـسـتـواهــا=ماينبخـس لحقـوق الاجــواد مـيـزان
وكــل الحـضـور الله يحـيـي لـحـاهـا=ترحيبةٍ تنـوب عـن صاحـب الشـان

[فهيد مقعد الرويس]

انته ربيع القلب لاجيت حييت=عسى رفيقك في سفرك السلامه
يامن على ريف المساييرسميت=واف المراجل والسخا والقرامه
مقعدترا العليا تبي عزم نعتيت=عن نيل قصده ماتراخا حزامه
عيدي لامنك لتهاني تلقيت=وشفت لنجاحك في الوجيه ابتسامه
بأذن الولي تطلع على اللي تهقويت=ويكفيك من حس المشاعرعلامه
ببهام يمنايه على الوتس خطيت=تعبير هجسً زبدته في ختامه
كانك لياوحيت المواذين صليت=تنصا المساجد قبل سمع الاقامه
فأبشر بتوفيق الولي حيث لقيت=اللي ومر عبده على الاستقامه

[فهيد مقعد الرويس]

كان تبغى مع رفيقك تستمر الصحبه
يارفيقه لاتطاوع به هروج الغادي
شف طريقٍ غير منهاج الشكوك ورح به
الشكوك تحدر الرجال بطن الوادي
والخطا كبره تضيق به الصدور الرحبه
والعوارف في تويتر تهدي الارشادي
كل من معهم قضب درب الفلاح افلح به
في صفوف اهل المعرفه شيف له مقعادي
ومن زعل من مدح غيره عجز لايفرح به
ماخلقنا يابن عمي نرضي الحسادي
والنوايا البيض مبدا في شعار الصحبه
والختام ازكى تحيه مع عبير الكادي

[فهيد مقعد الرويس]

صغت المثل والنت في مهد الاحلام
وبيني وبين الشعر عشره طويله
مرافقً شخصي يجسده الألهام
رفقة عميلً مايبور بعميله
يعيش معي احزان وافراح والام
شعور سامي في حياة الفضيله
كم شاعرٍ لو المدى شوفة الكام
ماسهر عيونه هاجس الشعر ليله
مرهيٍ على خد الورق حبرالاقلام
ماجاك ياتويتر تسّوق حصيله
ولاهوب محتاجك دليله للأعلام
اليابغى الاعلام يعرف دليله
بلغ بها اللي تو من مرقده قام
تراك لأغايه ولأنت بوسيله

[فهيد مقعد الرويس]

اخوك مدحه مثل مدحتك للذات
شيٍ حميد وشي عكس الحميدي
ان كان قولك له على الواقع اثبات
مدح الكفو من واجبات القصيدي
وان كان قصدك بالمديح الدعايات
مهما تقول من الحكي مايفيدي
الهرج ماعمّر طوال البنايات
ولازاد في وسط الحساب الرصيدي
تمثيل مع فرق الشبه فالعبارات
احب دوم الاختصار المفيدي
اليا مدحت امدح مواقف وقامات
اتعب على الجزله مامد الزهيدي
مبدأ وفاء مالي ورا المدح غايات
تمجيد للطيّب ولو هو بعيدي
وشلون مامجد عضيد الملمات
وانا افتخر به ذخر جد وعضيدي
لانه كفو معناي في صدر الابيات
واقرب مثل على المفاخر شهيدي
يوم ان ابومتعب ومر بالمعونات
وتجهيز مشفى من رجال وعتيدي
لهل مصر في فايت قريّبٍ فات
تقريب عشر شهور علمٍ وكيدي
نوار عمّد قايدٍ للمهمات
عميد عرف وللمهمه عميدي
مصخرٍ جهده لفعل الجمالات
يستاهل الرتبه كعام الضديدي
عدابها روس الطوال المنيفات
المرجله تبغى حزامٍ جويدي
والنعم ماينباع وسط المحلات
ولا حصّله خطوا الهدان البليدي
لو علق التاجين مع ست نجمات
ينقص بعين المرجله مايزيدي
ولا انت شبلك دايمٍ للجزيلات
مع الكرم والطيب خلقٍ حميدي
عسى حياتك كلبوها مسرات
ومبروك فالحمرا المضيف الجديدي
مشرّع البيبان لهل المروات
لعل عمرك يالسنافي مديدي
واقبل يابومحمد جزيل التحيات
والتهنئه عمود بيت النشيدي
شذاه عطر الطايفي والسلامات
تنساق من فكر ولسان و وريدي

[فهيد مقعد الرويس]

ياحيف ياحفاد الصحابه على وين
اعقولكم مدري وش اللي غسلها
عدوكم يحوشكم حاشه البين
اعيون عميا ابصار وعقول بلّها
جيتو هدفكم نصرة الحق والدين
واعصور عز الشام ترجع لأهلها
وصرتووسيله في يدين المعادين
وخطتكم الاولى عطوكم بدلها
كان النصيري قبلها قاب قوسين
ووصلت افزوعه ونجحت في عملها
فالشام حطت بدل الصف صفين
راية عدوً كف مسلم حملها
كب اليهود معسكره في فلسطين
ووانظارهم عن النصيري عدلها
قالوا علامك قال بعدين بعدين
اهل الكفر في نجد عانو احللها
واحتاشهم مثل الدبش حاشه البين
وارواحهم ف نحور اهلهم نطلها