اختيار تصميم الجوال
|
|
|
« آخـــر الـــمـــشـــاركــــات » |
|
أدوات الموضوع | انواع عرض الموضوع |
|
|
23-Sep-2008, 04:55 PM | رقم المشاركة : 1 | |||
|
كان محيسن بن راشد بن محيسن العصيمي من ( الحسنات ) عقيد قوم له العيد من المغازي والبطولات وكان قد حدر يدور الرزق في شرق الجزيرة واشتغل في الغوص مع النواخذة اللذين يستخرجون اللؤلؤ من البحر وابطى عن جماعتة وقبيلة وجتة العلوم ان العصمة غزو على احدا القبايل في الجنوب بقياده شيخهم سلطان ابن مشعان ابالعلا والشيخ الهنيدي ابن مشعان ابالعلا (والشيخ نايف ابن جزاء ابالعلا) وكسبوا ابل كثيرة صار كل واحد من العصمة عندة كسب اللي كسب عشر واللي كسب عشرين من الابل وانهم عندما رجعوا من مغزاهم تزوج الكثير من ابناء العصمة حيث اعطو الكثير من الابل مهراً لبنات عمهم ووصلت الاخبار راشد بن محيسن والعلوم عن مغازي العصمة وعن البنات اللي تزوجاً توجد انة حاضر مع ربعة وقبيلته وتمثل بهذة الابيات يمدح ا العصمة وارسل لهم القصيدة هذة وهو في الغوص وكان راشد من ابرز رجال قبيلة العصمة اذ يقول
واللـة يانوخـذة ماشانـك بشانـي.. ..........شاني مع اللي سراة العـد يردونـة وشان الاخر مع ( مسلط ) وسلطاني.. .....ليا قدموا سبرهـم للجيـش يقدونـة غاروا على جيش بدو يم فغرانـي*.........ولا على نشر بدو في الحمل دونة ولحقوا هل البل على شبً وشيبانـي......ولهم هقاوي على ان الجيش يفضونة والجيش دونة عيـال بـم سيلانـي.............نايف ومانع ومسلط حولوا دونة وليا عتزا بالعصيمي كـل ديقانـي...........راع الرديـة لـزوم ً مايخـلـون لي لابة في نهار الضيق ضفرانـي..........كم واحدً من فعلهم خاط الحد دونـة واليا اعتزا واحد ثم حـول الثانـي.............للـي تتنـى بمحوالـة يسـدونـة ويالله انا طالبك ياقضـي الشانـي...........الواحد اللي جميع الخلـق يرجونـة سلم لنا شيخناحماي الاضعاني.............اللي اليا جا نهار الضيـق ينخونـة المقصود بمسلط هو الشيخ الهنيدي ابن مشعان ابالعلا اسمه الحقيقي مسلط والهنيدي لقب له وخواله الدعاجين من برقا وهو الذي يقول فيه الشاعر بعد مقتله عقب الهنيدي عود الجيش في دون ........ والجيش هون عن حفاه او عذابه وأليكم تكملت القصيده وذكر فيها الشيخ نايف ابن جزاء موضوع حديثنا وكان نايف صويب بعد أحد المعارك ويقال انه اخذ سنه وتوفي من صوابه وذالك ان الشاعر ذهب الي السوق ووجد اناس يريدون ان يشترون جيش من السوق ولم يعجبوه لانهم ليس أهل جيش ورد هذه القصيده ياعيال كبو الجيش يالي تسومون .......... يامن يوصلها ديار الحرابه روحو تجاجير مع اللي يبيعون.................والرزق عند الله ولا صك بابه عقب الهنيدي عود الجيش في دون...... والجيش عود عن حفاه او عذابه ان سلم نايف عاض حي ينوحون............ والكايده وان كان سقمه غدابه مجمول وان طرق مع اللي يغنون ......... كفاي حاض مذوبين الطلابه اهل بيوتن شيدة يوم يبنون.................في مرقب كل القبايل تهابه وأهل حكارن بالقسي مايشحون.......... والضيف يبطي ماتحسب وجابه تقبلو تحياتي |
|||
|
|
18-Sep-2008, 05:50 PM | رقم المشاركة : 3 | ||||
|
اقتباس:
هذا الكلام في سفوح جبال السوده فقط ومن جاورها واما في نجد العذيه والتاريخ يشهد والمؤرخين وعلماء الانساب ياعزيزي الكلام واجد وابن ثايب شهراني يبي التاريخ يجتمع مع الشعر وامر طبيعي انه يحاول الصاق الشيوخ بقبليته كما يحق لعتيبه الهيلا الافتخار برجالها في نجد والحجاز سواء فرسان خيل او شعراء مخضرمين وتشابه الاسماء اختلط عند الكثير والبعض لايعرف في القبائل الا اسمائها وشكرا ياعبدالرحمن ع سيرة ابا العلا وتاريخهم في عتيبه الهيلا وخل القبائل الثانيه تقول اللي تقوله دام روسنا مرفوعه مايهمنا روس النعام |
||||
|
|
18-Sep-2008, 06:15 PM | رقم المشاركة : 4 | ||||
|
اقتباس:
على شان تفهم بس . هالحين اذا صار فيه واحد عاندك ونشب في حلقك ثم جيته ووطيت على رقبته ولا عاد يقدر يقابلك من فعلك فيه تظن انه وراك بيمدح فيك ولا يحاول انه يقول اللي ماهوب فيك ويشوّه سمعتك بلسانه يوم انه عجز بيده . ثم اذا بتسمع كلام الناس قبل فتره قريبه كنت اسولف انا وخواياي قحاطين واحد جحدري وواحد حبابي تدري وش يقول الجحدري للحبابي عن عبيده يقول امهم عبده ومصغرها عبيده يعني حبشيه مشريه بفلوس هههه والله الذي لا اله الاهو عاني في هالشهر الفضيل انه كلامه بعضمة لسانه هاه تبانا نصدق كلام هالرجال ونقول عبيده امهم كانت تباع وتشرى استغفر الله مانهضم حق الاجواد ولا نتجرأ على ان نشهد بمالا نعلم . وانت اتق الله في نفسك ولا تتكلم بما ليس لك به علم فشيوخ عتيبه من روسها وكلام الاعداء مردود عليهم والتشابه فالاسماء موجود في كل قبيله من قبائل الجزيره العربيه. فالاخير اقول والله مليون نعم بالعلوات وكل مشائخ القبيله ولا يرمى الا الشجر المثمر ومشكور ياصاحب الموضوع . |
||||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|