مصافحة أولى ,,, لا تفوتكم يعني لا تفوتكم,, - الهيـــــــــــــلا *** منتدى قبيلة عتيبة

فيلسوف الصحراء · 19-Aug-2003, 09:03 AM

هذه المشاركة الأولى

لعلها تنال رضاكم

[poet font="Simplified Arabic,5,black,normal,normal" bkcolor="skyblue" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
سمعـت إنهـا تبغـى تكـمـل ثانـويـة=وهي ما خذت غير الكفاءة بعمـى العيـن
وقالـت لابوهـا قـال مـا عندنـا نيـة=انـا سامـع ان الثانويـة ثـلاث سنيـن
ما كفتك تسع سنيـن فـي روحـة وجيـة=أوديـك وارجعـك هاعـاد وش تبغيـن؟
عرفتي وانـا ابـوك الحـروف الهجائيـة=ولوجبت صك المزرعـة عارفـة تقريـن
وشيك الضمـان توضحيـن عـدده ليـه=ولا عاد باقي غير تكميل نصـف الديـن
أبالك خطيبٍ لـو مـن اطـرف بنيخيـة=على شرط راعي مرجلة بـل وإلا ضيـن
ينومـس نهـار أقـول هــذا بناخـيـة=بلاشي من هموم الدراسـة وحينـي ميـن
قالت يايبه خطتـك مـا هـي حضاريـة=الافكار هذي يايبـة جايتـك مـن ويـن؟
تبينـي أعيـش اخـر حياتـي شقاويـة=بداوة شقاوة شمـس ملهـاب فـالٍ شيـن
أبا أدرس بـلاش مـن الخرافـات هذيـة=تراني صغيرة ما وصل سنـي العشريـن
اجي مدرسة لوكـان فـي محـو الأميـة=وفي كل شهر اسير أضوي عليـك ألفيـن
نظـر يمهـا الشايـب بنظـرة حماسيـة=وقال الله اكبر وش كثر ما تبى تجيبيـن؟
نسيـتـي سـنـة دخلـتـك الإبتدائـيـة=كم أصرفت من ذيك السنية ليـا هالحيـن
ياكم راح من خمسة وعشرة ومـن ميـة=ما بين الدفاتـر والمراسـم وبيـن وبيـن
ونفسي تراهـا عـن حصيلـك غناويـة=ولا عاد أبالك فيـد عسـاك مـا تفيديـن
وقامت وهي تصفـق يديـة علـى يديـة=جداها الدموع اللي ذرايف علـى الخديـن
تنادي مـن اللـي فيـه رحمـة ومأويـة=يحاول يحـل المشكلـة والمعيـن يعيـن
هـل العـرف والشعـار فيهـم رجاويـة=ترى الشاعر يقولون قلبـه يجيـك زويـن
وجتنـي وهـي بميسـم الهـم مكـويـة=تبى فزعتي يفـزع لهـا الله بعلـمٍ زيـن
وقالـت لـي الموضـوع وهيـه حياويـة=تردد يادوب تطلـع الحـرف والحرفيـن
تقول إنهـا فـي حـال مـزري ومبليـة=بأبوها بـلاه الله مـن الـرأس للرجليـن
وقالـت دخيلـك شـوف همـي ومافيـة=أبى حل قبـل الكبـد لا تنقسـم قسميـن
صراحة حسبت إن نازل الأرض حوريـة=أهلل وأكبـر مـدري أنـا مـروح فيـن
تلخبـط مزاجـي وضربتنـي بنفسـيـة=على وسع الأرض أشوفها متر في متريـن
أميز وأفكـر واضـرب الـرأي بالريـة=ولا مالهـا ياكـود وحـدة مـن الثنتيـن
يايسمـح لهـا تكمـل مسيـرة دراسيـة=ياأنـه يزوجهـا غنـي فلتـه دوريــن
شمالـي سـنـدي بــاد وإلا جنوبـيـه=على شاطيء الكورنيش وعن الطريق يمين
يهـيء لـهـا كــل أدوت الرفاهـيـة=ولكـزس وخدامـة وخـادم وسواقـيـن
هذا الحل روحـي علمـي طافـي الظيـة=وردي علي العلـم تـرى معـك يوميـن
وجتنـي تقـول معيـي معيـي العـيـة=من أمس أتحايل فيـه لكـن عيـا يليـن
وقلت إصبري ليـش الزعـل ياحجازيـة=أنا ابوك بعد ابوك بـس المهـم ترضيـن
أبدلـك عقـب الحـر والشمـس بالفيـة=وأبدلك من عقـب الشقـا والقسـا بالليـن
ولا حد بلايمنـي علـى التضحيـة ذيـه=على شان خاطر مركب العز أبـو دقليـن
قالت مير تحت أمـرك مامـورة ومنهيـة=أوامرك من هالعيـن قـدام ذيـك العيـن
وأنا أقـوم أشيـل لحافـي شويـة شويـة=أصدق وأكذب وأغضي بعين وافتح عيـن

أثـر مـاش بنـت ولاش قصـة حقيقيـة=أثرهـا حليـمٍ حالمـه ليـلـة الإثنـيـن

[/poet]

وسلامتكم

فيصل محمد · 19-Aug-2003, 09:34 AM

يا فيلسوف الصحراء

[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بالله لفظك هذا سال من عسل=ام قد صببت على افواهنا العسلا
ام المعاني اللواتي قد اتيت بها=ارى بها الدر والياقوت متصـلا
[/poet]

وصل العطياني؟؟؟ · 19-Aug-2003, 09:43 AM

اقتباس:

كاتب الرسالة الأصلية أبن محمد
يا فيلسوف الصحراء

[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بالله لفظك هذا سال من عسل=ام قد صببت على افواهنا العسلا
ام المعاني اللواتي قد اتيت بها=ارى بها الدر والياقوت متصـلا
[/poet]

صدقت يا بن محمد كلام واقع

صح لسااااااانك يا فيلسوف الصحراء

تحيااااااااااااااااااااااااااتي

.

التوقيع

na111na@hotmail.com

نهيان الحمادي · 19-Aug-2003, 11:16 AM

فيلسوف الصحراء ابداع ما بعده
و لكن توقيعك فيه محذور شرعي المصلى و الصوام ما ينضحك منهم يا بدو
خل عنك امثال ابو البنت الى في الحلم اضاهر الحلم اثر على تفكيرك.
اخوك نهيان الحمادي