قصة البخيت السبيعي

[سهم المحبه]

السلام عليكم ورحمة الله وبركاته

اليوم جبت لكم قصة وقصيده للشاعر المعروف
بالبخيت السبيعي وعنوان القصيده :خلت فالدنيا

ويقول عام ال1395 كنت في بحره القديمه في الحرس الوطني في جده في منطقه اسمها
ام السلم معسكر تبع الحرس الحرس الوطني وساكن في بحره قريه قديمه فيه
بحره المجاهدين وبحره القديمه بين مكه وجده وكان فيها فوج بن عبود قحطان
وبن قويد الدواسر قواد جهاد واخر الشهر يجون الجماعه يستلمون الرواتب
وياخذون عندي اسبوع اسبوعين مافيه متئهل الا اهو وهل المورات الي من
رنيه والخرمه وبيشه يمرون علىه من جماعته ومعارفه ويوم من الايام
جوه ربعن شرواكم وسوالهم عشا وجوه ربعن ثانين مابعد تعشو وقلطهم
على العشا وقال الله يحيكم على عشا الافلان وماجوبكم في الطريق
وجلس يتحلفون بعد العشا وحلفو وقالوا واجبنا واحد وخلصنا وعقب ماتعشوا عنده
مشب فالحوش يسوي فيه القهوه والشاهي وعنده ربعه يهاوشون يقلون انت
عبد(ن) خبل انت منت بحاتم الطي ولانت بن معيبد جالس على درب اهل المورات
واهل الرواتب وكل ماجاك واحد(ن) عزمته وذبحتله طلي بكره الحرس بيفصلونك ولا بيقاعدوونك
وانت عندك حرمتين وعيال وعندك وعندك يعني هواشهم هواش محبه ومحنيه واخوه
وهو يسوي القهوه ويوم دق البهار بدل مايحطه في الدله حطه في البريق حق الشاهي
هووجس وقالو له انت خربت القهوه يالبخيت ويوم عااين لينهم صاادقين قال انتم الي خرتوها
لا كن حطو عندها واحد(ن) فيه عقل ويوم راحوا من عنده سواله ابيات بموجب الموقف الي حصل
ويقول فيها



.................................................. .................................................. .............................
سجه مع الهاجوس طبيعتن لي
طبيعتن بموت ماجزت عنها
اشكي على الخلاق وارفعله يدي
لكثرت الافكار يفك منها
اما الكرم قد فاز به حاتم الطي
حتى الفرس من شان ضيفه طعنها
خلوني اكرم في حياتي وانا حي
لا مت مدري جثتي من دفنها
خلقت فالدنيا وانا ماعي شي
وبروح مامعي شي منها
لا بد مانرحل عن المزح والغي
ونسكن بيوت(ن) قبلنا من سكنها
مسكين يالي تحسب الواجد شوي
العافيه لو تنشرا وش ثمنها
يجاهل الدنيا تراها كم الفي
ويا مخبل الي في حياته ومنها
ان ناحرتلك قامت اتروح وتجي
مثل الذلول الي طويل رسنها
وان دبرت خلتك طايح ومرمي
وكم واحد حاجته ماضمنها
يالله عسا الحسناتتقضي على السي
لاقربوا للنفس ذرعت كفنها
..........زسلامتكم................................ .................................................. ..........................
تقبلوا تحياتي

آخر تعديل سهم المحبه يوم 21-Aug-2011 في 05:16 PM.

[عبدالله الجـــذع]

الله اكبر

قصيده يضرب بها المثل في العصر الراهن

وهي من اشهر واجمل القصائد المعاصره

صح لسان شاعرها

ولاهنت يالغالي

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد الذيابـــي]

قصة رائعه بيّض الله وجهك ياسهم المحبه

التوقيع

التوقيع محمد الذيابـــي

[نجم الجدي]

قصه جميله لاهنت على النقل

[قلب الرياض]

ياسلام عليك قصه وابيات ولا اروع

تقبل تحياتي