الأولى
سلام يادار نشى افضل رجل فيه=رجل عطاه الله وسـام النبـوّه
رسولنا اللي طيبـات مساعيـه=عليه اصلي فالعشـي والغـدوّه
نغلي نبـي الله والـدار نغليـه=دار المعزه والوفـاء والاخـوّه =
هذا الوطن باعز الارواح نفديه=نحمى حدوده لايجيهـا عـدوّه
حنا ليا باعوه الاشرار نشريـه=اهل الرذيله بارديـن الحمـوّه
نضد راعي الشر ونقول مافيـه=حبل القشر نصيحـة الله طـوّه
ونقول كان بليس فالدرب مغويه=روّح وماتقـدر تسويـه سـوّه
الدار اله حق علينـا ونحييـه=من ماضي الايام ماهوب تـوّه
حنا بحكم اللي عسى الله يعافيه=مليكنا اللـي بالتكاتـف ينـوّه
صقر الصقور اللي بعيده هقاويه=ضلع المعزه منزله فـي علـوّه
صقرالجزيره طـوّل الله لياليـه=في صحه ونعمه ويفداء سمـوّه
جميع واحد فالبشـر مايدانيـه=ويبقى لنا رجل الوفاء والمروّه
واقول في مبدا كلامـي وتاليـه=صلّو معي في كل عصر وغدوّه
على رسول منهج الحق ماشيه=الله خصّـه بالشـرف والنبـوّه
القصيده الثانيه
الدمعه اللي سيلت محجـر العيـن=دمعة حزن ماهيب دمعـة رخامـه
عشرين ليله والقلـوب المحازيـن=تحـن تبغـا شوفتـه بالسـلامـه
معزب الخطـار فالعسـر والليـن=عود(ن)على الطاله رفيـع مقامـه
منصى الرجال الطيبين المواميـن=بين الرجال بعيـد عنـه الملامـه
تسلم يابوزايـد طليـق الذراعيـن=حي الحجـاج وحـي هالابتسامـه
انا معك موجود حاضـر وبعديـن=زال الهواء يومي بحيـد العمامـه
عهد علي وفي رقبتي كمـا الديـن=والحـر طبعـه مايغيـر كـلامـه
لياجهلو قدر الرفيـق المساكيـن=ماني بجاهل رفقة اهـل الكرامـه
ربع(ن)على كسب الجمالات ضارين=العز والنومـاس لبسـو وسامـه
القصيده الثالثه
بعد ماراح ثلث من اول الليل وبقـي ثلثيـن=سرابي هاجسي لكن مـدري كيـف معـواده
سرابي يوم عميان القلوب بنومهـم غافيـن=منام الخبل مايحتاج فوق فـراش ووسـاده
كبير القلب مذهوب الحضاير بـارد الخديـن=ليا منه رقد يرتـاح فـي نومـه ومرقـاده
وانا سهران والنـوم ايتعـدا مايمـر العيـن=ازايم هاجـس فالقلـب مصـداره وميـراده
ولا فكرت فالدنيا تروح مـن ايـن ولا ويـن=شغلت البال في نضم البيوت وجات منقـاده
قصيده وافيه واصل الوفا من ميزة الوافيـن=رجال بالوفا دايـم وفعـل الطيـب معتـاده
على شان البيوت اللي يجي تفسيرها ذالحين=افسرها وعندي موهبـه فالشعـر وايـراده
ابا اعبر بمضمون القصيده والعلـوم اتبيـن=بعد جربت واستغربت من هالوقـت وجهـاده
زمان ياعسى ربي على بلـواه بـس ايعيـن=يعاندني وانا صابـر علـى بلـواه وعنـاده
لقيت النذل ماله هم غيـر العالـم المقفيـن=على اعراض الرجال المقفيه صبحه ومهجاده
يحسب ان الرجال اهل الوفا عن كلمته دارين=كلام النذل ماينقـص مـن الطيـب ولا زاده
ماينقص من هل العادات نقال الكلام الشيـن=طويليـن اليمانـي بالرذيلـه مالهـم عـاده
عوايدهم يضوون الجميلـه فالقسـا والليـن=ليا حان اللزوم ارقابهـم ترخـص وسـداده
على درب الشرف مهما يصير بدربهم ماشين=اهل ذمه واهل صدق او وفاء وخلاص وعباده
لكن الخبل ما تلقى معه وحده مـن الثنتيـن=ضعيف زنود لا مكفات شـر ولابـه ازيـاده
لاينفع ربعـه الاقصيـن ولا ربعـه الادنيـن=مغير يشب نار الحرب بين النـاس بزنـاده
القصيده الرابعه
بالله ياعاشـق الدنيـا ومافيـهـا=احسب حسابك ترى الايام غـداره
دنياك مانته بداري عـن قوافيهـا=يوم تسهل عليـك ويـوم عسـاره
هاذي نصيحة نصيح(ن)مايخفيهـا=من قلب طيب ويهديها على غـاره
دنيا العنا ماتصافي مـن يصافيهـا=ليا صفت يوم الاخر يكثر اغبـاره
وان كان معها سبوت الرجل محفيها=تراك مع نـاس طرقيـه ومـراره
اقوام من قبلنـا نسمـع بطاريهـا=كم واحد(ن)مانعرفه غير باذكـاره
قضى حياة العمر واقفـى مخليهـا=وهيه على حالهـا بالوضـع دواره
القصيده الخامسه
ياسوق عزالله اني فيـك مالـي غـرض=لكـن ساقتنـي الاقــدار وصدوفـهـا
يمك ومرت القدم وانـا مـن المفتـرض=ماجيك حتـى كثيـر النـاس ماشوفهـا
لكن هذا النصيـب اللـي عليّـه فـرض=درب العنى في حياتي واصعب ضروفهـا
يوم(ن) ترف القدم على الطريق اعترض=قمت اتقـدّم علـى العربـان واطوفهـا
يالين جيته وعرّض من حيـاه وعـرض=عليّ رايه وقـال النفـس مـن خوفهـا
تخشى على السمعه الزانـه ولاتعتـرض=شمّاتـت النـاس حاذفهـا ومحذوفهـا
قلت لك عهد(ن)عليّـه ماحد(ن)يقتـرض=سـرّك مـن البيـر لاحطيتـه بجوفهـا
كم واحد(ن)من سبب خلّه قضى ونقرض=الطـف بنفس(ن)شقاهادايـم ايحوفـهـا
قال اعرف ان الهواء مرض مامثله مرض=لكن بعض الفرص ماهيب لـك طوفهـا
قلت اله عزالله اني جيت مالـي غـرض=لكـن هـاذيّـه الاقــدار وصدوفـهـا
القصيدة السادسة
ياقلـم كـل بيـت فالقصيـده نقولـه=سجله وانتبه تخطي ويصبـح خطايـه
راعي الشعر تعرف ما يبـا الا كمولـه=ونّجح ماحسب والله حسـاب الدعايـه
وانت ياللي تقول ومقصـدك ماتطولـه=بالله انّـك تعايـن صورتـك فالمرايـه
شوف وجهك وشف تاخذ وسام الرجوله=بين وجهك ومن بينه حواجـز حمايـه
الوفا مايجي حولـك ولانتـه بحولـه=لو يناديك من ردوتـك مانتـه بجايـه
والله انّك ماتحلم به مع اهـل البطولـه=لوتصيح وتقـول انـا بعيد(ن)مدايـه
العرب تعرف الطّيـب وتعـرف فعولـه=ليش تبحث خفا العالم وتبحث خفايـه
صاب عينك عن دروب المشاكيل حوله=وقمت تمشي على حيد وعن الدرب تايه
كلمة اونعـم والله ماتجـي بالسهولـه=غير للي رفـع للطيـب والعـز رايـه
قلته او وصل قبلي في كلامـه يقولـه=واتّفق فيك يالمسكيـن رايـي ورايـه
مير حنانقـول وقولنـا اللـي نقولـه=نحتميه ولنا فالطيـب مقصـد وغايـه
وربعك اللي لهم فالطيب صوله وجوله=من وفاهم معي واصلت معهـم وفايـه
وانت خلّ الرداء عليك يضفي سدولـه=ماسعيت ال/ رضاك ولا تدوّر رضايـه
القصيدة السابعة
في مصدر التاريخ ياقـاري تـراث الاوليـن=وش لون ماشفت الرجال اللي عريب جدّهـا
شمس الحقيقه بينه ماننتضـر متـى تبيـن=قصـر كلامـك لاتعاتبنـي يمينـك مـدّهـا
وصبر وتاخذ مني العلـم الموثـق واليقيـن=علوم صدق عن الرجـال وللرجـال تعدّهـا
ركز معي فيما حصل وفتح مسامعـك الثنيـن=واخذ الحقيقه مني وعن غيرها اذنك سدّهـا
حنا عتيبه سجل التاريخ عنـا مـن سنيـن=امجادنـا وافعالنـا فالـبـاب الاول عـدّهـا
يوم الزمان اللي رحاه ادور والعالـم طحيـن=وايامه سبـاع ضـواري والسنـون تحدّهـا
تحط ماتلزم على اللحييـن والقاسـي يليـن=وبيوت مبنيـه علـى عـز وعـزاز تهدّهـا
كانو منول في قرى الحره وجـوك محوليـن=مثل الخيال اللي صليب الارض يسلب خدّهـا
قوم لهم هيبه واهل قوة واهل جنـب متيـن=نجد انزلوها بالسيوف اللـي رهيـف حدّهـا
ثم ادحمو عنه القبايل من يسار ومن يميـن=كم قوم تستولـي منازلهـا وتشـرب عدّهـا
قبيلة يوم الجواهـل سقـم عيـن المعتديـن=في ساحة الميدان يرجـع بالهزيمـه ضدّهـا
لطامت العايل بحد السيف والرمـح السنيـن=كم عايل ياقف علـى حـده ماياصـل حدّهـا
ذباحت الحايل لضيـف الله وقـوم غانميـن=لو الليـال الغبـر شحـت ماتشـح بمدّهـا
ودخيلهم دايم عن الضدات فالحصن الحصين=بعد الله المعبـود يامـن فالوجيـه وسدّهـا
قبيلة بالعز عاشـت مـن قديـم وهالحيـن=في ضل حكـام الشريعـه والمـروه والدّهـا
اهل العداله والنضام اللي على ملـه وديـن=تحكم بحكـم الله وشرعـه والمهمـه قدّهـا
صرنا مع الدوله وحكام الشريعـه واصليـن=نخـدم علمنـا وندعونـا فاللـزوم نسدّهـا
عهد(ن)مضى والحي يمشي مع طريق الميتين=بعـد بنوهـا بالمعـزه مانـروح نهـدّهـا
من دون قاصر فالقبايل والرجـال الطيبيـن=اهل الوفـاء دايـم تمـد الطالـه وتمتدّهـا
وختامها على من ارسل رحمة(ن) للعالميـن=صلاة ربـي عـد مـن عينـه لمكـه لدّهـا
القصيدة الثامنة
ولا ياللي سلبت عقول عشّاقـك وكلـك ذوق=انـا داخـل علـى الله لاتعذبنـي وتجفانـي
انا في حبك الهايم ويدفعنـي عليـك الشـوق=ذبحني حبك ولا فيـه غيـرك واحـد ثانـي
معك قلبي نهبتـه ثـم خليتـه بـلا معلـوق=هذا والله خطى تاخذ معـك قلبـي وتنسانـي
ترى بين المحبين المحبه يالغضـي برفـوق=ماهي جور وجفى وانته غلاك الصلف عناني
تعنيني وانا خابرك مالك مـن وراي حقـوق=اثر مافيـك رحمـه للـذي عليـك شفقانـي
يابوعين(ن)تشابه عين شيهان بدون سبـوق=وحش من خلقته ماقرنسوه طـوال الايمانـي
يابو خدن كما نون سرى ويلوح فيه بـروق=خيال الصيف يسقي كل عرق كـان ضميانـي
ولك منطوق مثله ماسمعت من البشر منطوق=ليا اوحيته عطيته وجه من خـوف ايتعدانـي
ولك عود(ن)سوات الخيزران ايلين مابه عوق=وجيد(ن)لو تحط به الذهب مانتـه بخسرانـي
حرام(ن)لوتمشي نصف ساعه بالقدم فالسوق=من ايشوفك يروح وخاطره ماهوب نشطانـي
ولا ياللي سلبت العقل مـن يـوم كلـك ذوق=انا المجني عليه الطف بحالي وانتـه الجانـي
أول ما نبدي نذكـر الله ربنـا الفـرد الصمـد=اللي رفع سبع السمـوات الشـداد بـلا عمـد
اللي بسط سبع الأراضي صاحب العرش العظيم=جـل وتعالـى ماأتخذلـه صاحبـه ولاولــد
واللي بعدها يابنات الفكـر جـودي بألقصيـد=اللي ينومس صاحب المعنى ليـا منـه قصـد
من عقب ذكر الله بدينا في القصيده بألسـلام=سلام أحلى من حليب البل وألـذ مـن الشهـد
واغلى من كنوز الذهب وأثقل من أوزان الحديد=يضفي على روس الرجال اللي تكمل بألوعـد
سلام تسليم يعـم الحاضريـن مـن الرجـال=ويخص شيخ يكسب الاولى وفى القمه صعـد
ابن غنيم اللـي فعولـه كلهـا طيـب ووفـا=شيخ ليا عدوا هـل الطـالات مقـدام العـدد
شيخ الشيوخ اللي ورثها من على جـد وابـا=ماجابها بالمشترى وألاعطى مـن عنـد احـد
الا بيوم فيه ضرب الماس والسيـف الشطيـر=يشهد لـه الله والخلايـق ماقفـه ماينجحـد
له ماقف في مشرق الدنيا ومغربهـا انشهـر=يشهد له الله في سماه ومن على البيدا شهـد
معتق رقاب اللي ورى البيبان يبغـون الفـرج=طلع على الحاكم وجاب ألهم خطـاب معتمـد
وصار المسمى من هذاك اليوم لا يومك هـذاه=معتق رقاب اللي ورى البيبـان حـلال العقـد
هوشيخ ربعه في نهار الضيق واليوم العسيـر=ربعه جهينه عز راسه في القـى درع وسنـد
جهينه اللي سجل التاريخ عنهـم مـن قديـم=تاريخهم عز ووفخر في مامضى وأليـا الأبـد
هـذا وأنامـن لابـه كــل درى بأفعالـهـا=اللي لهم هيبه تزلـزل مثـل زلـزال الرعـد
أمجادهم ياقف لها التاريـخ وقفـات احتـرام=ويعطي تحيـه للفعـول ويستريـح ويستعـد
عتيبه الهيلا تهيل عقـول صاحيـن العقـول=قبيلـه بأوصافهـا بيـن القبـايـل تنـفـرد
كل عـرف لطامـه العايـل ليـا زل الحـدود=وأشتبت النييران في روس الفتيل مـن الزنـد
وكل عرف حمايت الخايـف مزبنـة الدخيـل=دخيلهم فـي ظلهـم يامـن ويبشـر بالسعـد
واليوم في ظل الملوك اللي لهـم مجـد تليـد=أخوان نوره محتميـن الـدار حكـام البلـد=
عيال عود وحد الدولـه بعـد كانـت شتـات=وأقام شرع الله وفـرض الله وأوفـى بالعهـد
من مات منهم ياعسى مثـواه جنـات النعيـم=عليهم الرحمات مـن عبدالعزيـز ليـا فهـد
والحي منهـم ياعسـاه يعيـش عـز للبـلاد=وتنعم بعهده دوله التوحيد فـي أمـن وارغـد
الحاكم العادل سديـد الـراي عـز المسلميـن=له الوفى وله الولى والود مـن عـود وولـد
تشرف بخدمة بيوتالله عسـى عمـره يطـول=hلله يجيره من صدوف الوقت وعيون الحسـد
وختامها صلوا على المختار ياللي تسمعـون=اللي عليه أنـزل تعالـى قـل هـو الله أحـد