لــقـــاء مـع الـشـاعـر الـمـبـدع : مـشـعـان الـبـراق (حصريا" للهيلا)

[أبو مرحبا]

بسم الله الرحمن الرحيم


السلام عليكم ورحمة الله وبركاتة


أخواني الاعزاء أعضاء منتدى قبيلة عتيبه الهيلا

تحية طيبه وبعد ...

إثراء لأعضاء منتدى عتيبه الهيلا بأجراء لقاءات مع شعراء القبيلة والشعراء المعروفين الذين لهم أسهامات شعريه ولهم وجود في الساحة الشعبيه
التي باتت ميدان ركض للجميلين من الشعراء الشباب نبدأ في هذا اللقاء مع الشاعر الشاب/ مشعان البراق



لا يذكر هذا الأسم الا ويذكر التميز والابداع
أشاد به شعراء كبار أمثال الشاعر حبيب العازمي والشاعر سلطان بن وسام الهاجري وله الكثير من المساجلات بينهم
شارك في كثير من المناسبات والامسيات داخل وخارج المملكة

له كثير من القصائد الرائعه التي يحفظها الصغير قبل الكبير منها:

جيتك بـ( جرح ٍ ) لمسة يديك طبّه = معي من ورود المشاريه باقه
جيتك وانا رجم التحاسيف اذبّه = ياللي فتحت لضيقة الصدر طاقه
علاقتي معك انت ماتنتشبّه = أسمى علاقه لكن اغرب علاقه
الاصدقاء ماهم بمثل الاحبه = تفهّم الموضوع على رواقه
كنت احسب ان اوضاعنا مستتبّه = وآثر الغلا شمع ٍ يزيد احتراقه
وشلون فنجال التراجع تصبّه = وتقتل بـ( خلك ) لهفته واشتياقه
والا كذا من دون داعي وسبّه = اكفاك من تمر الغرام الذواقه !
حلم ٍ ذعاذيع الحقايق تهبّه = دوب انثنى قبل آخر الدرب ساقه
مانبهّه في خط سيره منبّه = الا القرار اللي انتظرته شفاقه
اخطى عليّ / آلله ربي وربّه = خطاً سرق كل امنياتي سراقه
يصير من بعد الصداقه .. محبّه = بس المحبه .. مابعدها صداقه

قصيده أخرى:

الشعر مثل الغريب اليا جفاه وطنْه = والشاعر بلاد واحساس وشعور وحنين
يسكنّي اليا غفيت بوحدتي .. واسكنْه :- = لا احتاجني في فضاه اطلق سراح السجين
استعذبه كثر ما اتعب فيه واتعب منْه = وابحر معه للجدي وسهيل والفرقدين
لو اني اشوفه اقرب حاجة ٍ ممكنه = واتنفسه مثل من يتنفس الاكسجين
لكنّي احيان لا راهنت به .. ما اضمنه = مواقفه معي .. يحفظها شريط السنين
يخونني .. لو وراء الهقوات اتلّ ارسنه = الا ليا جاء مجالك يالثمين / الثمين
يزين معناه فيك .. ويستقيم لحنْه = ويصير في راحة اوراقي مابين اصبعين !
حتى انه بمملكتك يمارس الهيمنه = ومشاعري كنها انصار الحسن والحسين
وانا القمر كل ماشفت السحاب احضنه = اذكرك واقول يخلق من شبهك ( 40 )
من ذاق طعم الهوى بعد ضماه .. ادمنه = معذور .. والعمر مره ماهو بمرتين
راعي المحبه على متنه يشيل كفنْه = مايدري اخر دروبه تنتهي فيه وين !
هو يحسب ان العرب .. ما احد ٍ بداري عنْه = لو ينصحونه .. يطالع فيهم بنص عين
القرب يامصعبه .. والبعد يامشينه = بالمختصر ماهو بـ .. طيّب من الحالتين !
حتى نسيم الهوى البارد لا هب .. اشطنه = كنه محمّل .. بريح الفل والياسمين
انا كذا .. والغلا شامه شبيه يمنْه = يامجدد ٍ في غيابي .. كل جرح ٍ دفين
اغيب واعيادنا ماهيب فـ .. الازمنه = اعيادنا .. كل يوم وكل لحظه وحين !
ماهو ضروري نعيّد عيد راس السنه ! = من فضل ربي علينا .. دايم معيدين
نعمه ..والانعام عنها : تعجز الالسنه = الحمد لله .. رب العالمين اجمعين !

قصائد أخرى:

عدوي اللي كنت احسبه صديقي ..
ــــــــــــــــ .. طاري ّ عنده / جايب الغايبه فيه ..
يكفيني ان اسمي على اذنه موسيقي ..
ـــــــــــــــــــــ .. مدري لو انه من منامه يصحيه !


..............................


اسألك بالله للدنيا طعم بعدي !
والا لعنت الغياب وجاك ماجاني


...........................


مشتاق لـ جنونك وحرصك وغيرتك ..
ــــــــــــــــــ .. حسسني اني انسان ماني بـ عادي ..
ماني بـ مشتاق ٍ لـ حزنك وضيقتك ..
ــــــــــــــــــ .. هاذي ماكـــانت يامرادي .. مرادي ..
احب اعيش الفوضوووويه بـ دنيتك ..
ــــــــــــــــــ .. ما احب اعيش الحب في جو هادي



رحـبــــوا معي بالشاعر: مشعان البراق الذي وافق مشكورا" على أجراء هذا اللقاء معه في منتدى عتيبه الهيلا أول منتدى للقبيلة على النت

المنتدى الذي يتشرف بأحتضان قلوبكم في زواياها..



نرحب بكل أسـئـلـتـكـم عـن مـسـيرة الـشـاعـر وعـن مـايـجـول فـي خـواطـركـم مـن اسـتـفـسـارات ومـنـاقـشـات فـي هـذا اللـقـاء.



فــأهـــلا بـكـم مـعـنا...

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي